عمياء القاسي(تتمة)

327

♡ داء انت يا عمياء أم دواء ♡ ..
الجزء 327 من

#رواية : 🔞 عمياء القاسي 🔞

#للكاتبة : Sanae El idrissi

#___وما_الثأر_الا_باب_لهوسي_بك__يا_صغيرتي

#الحلقات____الاخييرة ..

فالمغرب ..
كان جالس والحزن باين فعيونو وهو تيسمع لطبيب ياللي شاد بين يدو تحاليل وصور الأشعة ..
نزار : وهدشي واش خطر !! ..
الدكتور : معرفتش اش غانقولك امسيو نزار الجمجمة متضررة بزاف الضربة جاتها فبلاصة خطيرة فالجزء السفلي من لجمجمة والأخطر أن هد البلاصة هي سبب حتى خسرت البصر تاعها ..
وفهد لبلاصة بالضبط تضربات مرة وزوج وهدا هو سبب النزيف لكيجيها ..
بلع ريقو بخوف ومسح على دقنو وهو تيتفكر انو هو السبب حتى طاحت فلبيسين على راسها وهو لدفعها فالكافي حتى تضرب راسها تاني تنهد بألم وقال ..
نزار : كانت عندها احتمالية ترجع تشوف بنسبة 80% واش هدشي غايأثر عليها؟ ..
الدكتور : لا مغايأثرش على نسبة نجاح العملية ولكن أثر على مصداقية ووقت العملية يستحيل دير عملية زرع القرنية وهي فهد الوضع وفوقها حاملة كنتأسف ..
حرك نزار راسو بالايجاب ووقف مد ليه يديه ..
نزار : واش نقدر نشووفها ..
صافحو الطبيب وقال : طبعا .. (استأنف كلامو ) ااااه وبالنسبة للتشقق اللي فالجمجمة معندو تاتير عليها سوى بمضاعفات فحال الحمى و ارتفاع ضغط الدم وسيلان الأنف والنزيف ..
مسح على دقنو وهو تيتفكر كلام الطبيبة ..
نزار : ولكن عندها كلية وحدة وهد الأعراض ممكن تأثر عليها شنو الحل !! ..
الدكتور : مكاين حتى حل من غير أنها تبقا هنا فالكلينيك تحت المراقبة الطبية على لاقل سبع شهور..
نزار : (بصدمة ) كفاااش..
الدكتور : للأسف !!

خرج من مكتبو مرفوع عقلوا وقلبوا ماشي معاه وكأنو الكون كامل ناوي فيه الشر .. وكأنو السعادة ممنحقهاش دخل لحياتو بابتسامة مريرة حل عليها الباب كان لابسة لبسة طبية طالقين لها شعرها وجهاز ضغط الدم مركبينو لها والسيروم فيديها الثانية شمات ريحتو وهي تلولب عينيها بطريقة مضحكة ضحكاتو فوسط همو ..
شدى : منهار دخلتي لحياتي وانا فالمرض ..
كان كلامها هو النقطة دك الكاس تنهد قبل ميقرب عندها ويجلس فالكرسي حداها زفر بحزن بصوت مسمووع خلاها مستغربة منو وقال ..
نزار : توحشتي عائلتك؟نجيبهم للمغرب همم شبانلك نستقرو هنا
حركات راسها بالموافقة وتبسمات توحشات عائلتها ولكن توحشات دك لجو لكان فالمغرب ماشي دك الجفاء ياللي كان بيناتهم فشيكاغو .. وقالت ..
شدى : ولكن نتااا فرررقتينااا ..
نزار : كشفت سر كان ممكن أي واحد ويكشفو وكيفما درت الخطأ غانصححوا خااص غير تبقاي معيا ..
عضات على شفايفها ورجعات شعرها ورا ودنها وقالت ..
شدى : وااخااا وهدك شنو غاندير معااه ؟؟
عرفها نزار تتقصد عبد المجيد بكلامها وقال ..
نزار : هو خرج من حيااتنا وحتى ختك
شدى : وكفاش ؟؟؟
سولاتو باستفسار ممثلة البرود وهي بصح يتهمها تعرف ..
نزار : مكيهمش ..
هز يديها باسها وحول نظرو لبعييد .. عمرك مغادي تعرفي بمووتهم وعمرك مغاتأدااي بسببهم .. كانت آخر كلمة قال بينو وبين نفسو قبل ميهز عيونو فيها فورما استأنفات كلامها..
شدى : مكيهمونيش(سكتات لوهلة ) وامتاا غاندير العملية
تنهد بقلة حييلة وشد فيديها ..
شدى : نتي عارفة بلي انا بغييتك كتر من راسي وليتي الروح والهوا ديالي جزء من دمي وقطعة من قلبي ..
وهي تتسمع ليه ناض من كرسيه وجلس حداها حاط يدو على كرشها واستأنف كلامو ..
شدى : كيخص تصبري حتى تولدي هدشي لمصلحتك ولمصلحة ولدناا ..
شافها ساكتة بلع ريقو وهو فحيرة من امرو وقال ..
نزار : قوووولي شي حاجة متسكتتييش
نزلات دمعه من عيينها وهو يمسحها بصبعو..قالت وهي تتنخصص وانفاجرات بلبكاا ..
شدى : انااا بيت نشووف هئ هئ دااباا هئ هئ

#يت____بع