عمياء القاسي(تتمة)

330

♡ داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#__وما_الثأر_الا_باب_لهوسي_بك__يا_صغيرتي

#الحلقات____الاخييرة ..

تنهد قبل ميتلفت ليها .. داتو عينيه فوق الفوطوي وهو مراقبها وهي ناعسة بهدوء غافلة على البركان اللي راه شاعل فقلبو وبمجرد ما راودو هد لكابوس ياترى ادا تحقق هد الحلم اش غايوقع فيه غمض عينيه لثواني وحلهم وبانت لقسوة فيهم بان الشر ياللي فنزار القتال ياللي بلا رحمة ..

جبد الفون من جيبو وشد الخط ثواني قليلة تفتح ..

نزار : هي فالمغرب .. متتهمنيش علاش وكفاش عندك ساعة تعرف بلاصتها وتنحيها من هد الدنيا ..

قطع الخط وزير على شفايفو وهو تيطرطق فعنقو ورجع سجل رقم آخر دار لفون على ادنو وتسنى حتى تفتح الخط ..

نزار : علاش مزال موصلتني خبارو (سكت لوهلة ) مكيهمنيش يخرج من دارو ولا لا عندك نص ساعة يا شهد على روحو ياشهد على روحك نتا ..

حك على لحيتو وهو على إستماع وهز حاجبو مستأنف كلامو ..

نزار : جمع كاع الرجال ثايغر وصقر ليلة حتى هما نهايتهم .. غدا مخاصش تشرق الشمس على عبد المجيد وبنتو وثايغر وولدو ..

قطع الخط ولاح الفون بنرفزة وهو تيضرب فركبتو تمنى ينقد فردوس هو بيديه لكنو مجبور يبقا فالمغرب هد الرباعي تيشكل خطر على عااااائلتو وخاصو يحيدهم من طريقو ودك الساعة كلشي ليه الحل غمض عينيه مرجع راسو للور متكي على الفوطوي وفبالو حاجة وحدة خاص يفطر بيهم قبل ميتغداو بيه مغاديش يكرر الغلطة لدار مع سانتوس عطاه فرصة وكان غايخسرها مغاديش نعاود لغلطة آخر كلمة قال قبل مينتظم تنفسو وبضمير ميت ينعس بعدما أمر بسفك الدم ..

فبلاصة خرا ..

بعدما تلفات يئسات وحارت وعيات بالتقلاب مسحات العرق من جبينها كان الجو حار نوعا ما واخا كانت العشية وبدات طيح الظلمة جرات الفاليز تاعها وهي واقفة قدام اوطيل صغير على الشارع هزات عيينها كتشوفيه معاجبهاش لكن مضطرة عليه فمدينة مكتعرف فيها حتى حد هو لبان ليها .. تسمع صوت عجلات تحكو فالأرض من وراها كانت فطروطوار على مقروبة من الشانطي تلفتات باستغراب وسرعان متحولات تعابيرها المستغربة لصدمة وهي تتشوف سياااارة من نوع رونج روفير سوداء توقفات نزلات الزاجة من بيباانها القدام واللور وبانو رجال ملتمين منها مصوبين سلاحهم ناحيتها من الصدمة والدعقة حلات فمها بخوف وطلقات الفاليز برعب بقات واقفة بلا أي ردة فعل ..

ثواني ودك الصمت تحول لصوت مرعب فالشارع وهما منيشين سلاحهم ناحيتها من القدام واللور نزلات دمعه من عيينها مفاهمة والو ويلاه غاتهرب حتى تهز صدرها فورما اخترقاتو رصاصة تاليها رصاااص كثييير كيتضرب بيه صدرها كرشها مخليها جاااالسة على ركاابيها وهي كلها دم ..

حلات فمها وبزقاات الدم ودموعها داايزين وكاانت رصاصة اخيييرة فالرااس هي الفاصل بينها وبين هد الحياة باش طيح جثة هامدة على كرشها والغوات ضااير بيها والناس كيتجراو والسيارة تنطلق بسرعة بعدماا خلاوها غاارقة فدمها ..

#رأيكم 💛