عمياء القاسي(تتمة)

321

♡ داء انت يا عمياء أم دواء ♡ ..
الجزء 321 من

#رواية : 🔞 عمياء القاسي 🔞

#للكاتبة : Sanae El idrissi

#__وما_الثأر_الا_باب_لهوسي_بك__يا_صغيرتي

ياه شحال هد الدنيا غدارة ومافيها ثقة ممكن ليوم تكون حال وغدا ياعالم بحالك واحوالك وسبحان اللي ليه لقدرة على تغيير الأحوال ..

كان بااين الحزن فعيوونو وهو تيحط الكمادات على جبينها كانت سادة عينيها وكتنين محااساش على راسها كان مخليها غير بسوتيان وصدرها تيطلع وينزل بثعب كان باقي بحوايجو الفازكين شعرو نازل على جبينو عيونو السوداء مليانه خوف حزن وحيرة ..

عصر الكمادة ورجع فزكها وحطها على راسها وفبالو صراعات كثيرة ختمها وهو تيهز لفون من الارض .. سجل رقم وعض على شفاييفو تيسنا الرد ثواني وتفتح الخط ..
صقر : غانخرج من أمريكا .. وجد راسك مني نعلمك غادي تعطي عنواني لثايغر لوقت لغايجييو لهناا غانكون انا مشييت ولكن قبل خاص الباسبور تاعها سير للشقة دنزار ماشي للقصر وجييبو (سكت لوهلة وهو على استماع ) تت مغانمشيوش فالطيارة هدشي انا قاد بيه نتا جيب ليا غير لطلبتك الوكاس !!
هز حاجبو كيطرطق فعنقو وتنهد قبل ميحط الفون فالأرض ويحط يدو على حنكها لمجروح ..

صقر : طول ما انا معك يستحيل نخلي خدش يصيبك
حسات بصباعو لباردة تحطو على خدها وهي تحل عينيها شويا ..
فردوس : ن ززاار
شافيها بشوق كبيير وحول يدو من خدها هز الكمادة تيفزكها تاني ..
صقر : غادي تنسااايه اعمري .. لازم تنسايه باش نقد ننسا انا شكوون نتي !!
تفكر نزار وبانت لمعة غضب فعيونو وتمتم بصوت غاضب ..
صقر : خدييتي مني خويا ومغاديش نخلي لك فردوس .. انا جااي عندك انزار العد العكسي لمواجهتنا بدا ..

فبلاصة خرا ..

دقات حتى عيات وما من مجيب تنهدات بخيبة امل وضورات عييونها فالمكان هدا نفسو الحي لكانت فيه مها وكبرت فيه ختها .. ادن علاش مراهاش فدارهم القديمة ادا هي متواجدة فالمغرب .. بحواجب منقضة صاطت فورما تفكرات نزار وتمشات مغادرة المكاان ..
لمياء : هي مع دك المجرم ولكن كغاندير نوصل لها انا خاص نحمييها ..

فبلاصة خرا ..

زفر عبد المجيد بعصبية ولاح الكاس من يدو والمكان حواليه كلو مرون وكأنو مر عليه طوفان ، والظاهر انو هدا طوفان من فرط الغضب والعصبية المتكونة فعيونو وهو كيقطر بالعرق رخف عليه لكرافاط وشاف فشادية لتتبكي مبعدة عليه وواقفة ..
عبد المجيد : عمرتي لها راسها ومشاات للمغرب تعاون العميا
غوتات مقاطعاه تتبكي ..
شادية : هئ هئ هي بنتك لاش تدير الفرق هئ هئ سمييتها شدى شدى تتفهم سمييتها شدى ..
عبد المجيد : ادن وجدي راسك لجنازة شدى !!
شافيها بغضب وقبط الخط ودار لفون على ودنو
عبد المجيد :سانتوس نفد !!

#يت____بع