♡ داء انت يا عمياء أم دواء ♡ ..
الجزء 320 من
#رواية : 🔞 عمياء القاسي 🔞
#للكاتبة : Sanae El idrissi
#__وما_الثأر_الا_باب_لهوسي_بك__يا_صغيرتي
فالصباح ..
شاد كلينكس بين يديه والفرحة باينه فعينيه وهو تيمسح كرشها من جيلبري كانت شدى جالسة فوق البياص وعاقدة حجبانها حتى سالا ونزل لها لكسوة شافيها نزار ونزلها وفعيونو استفسار كبيير ترجمة بكلامو ..
نزار : مال بب
وقفات شدى تتقاد فكسوتها وحركات راسها بالنفي قبط نزار وجهها وكورو بين يدو وتلفت لطبيبة لسبقاتهم وجاالسة فمكتبها وهما فغرفة الفحص ..
نزار : واش مفرحااناش !!!
نزلات دمعه من عيينها وميلات شفايفها بسؤالو وكأنو عطاها الادن للبكا ..
شدى : مقدرش هئ هئ حتى نشوفو هئ هئ مغانقدرش نشوفو هئ هئ
تنهد نزار وغمض عيينه وحط جبينو على جبينها بألم ..
نزار : يااعمري لاش لبكا همم !! يااك انا واعدتك !! ووعد الحر دين عليه وحياتك وحياة كل نبض فجسمي تينبض باسمك حتى ترجعي تشووفي
شدى : هئ هئ ولكن امتا هئ هئ
عنقها نزار وسكت تيبوس ففروة راسها رجع هز راسها وبدا يمسح دموعها ..
نزار : لحبيبة ديالي غاتولي تشووف وغاتشوفي ولدنا (سكت لوهلة ) خااص غانتأكدو واش ممكن ديري العملية ونتي حاملة
عنقها عندو وزاد بيها مخرجها تيحاول ينسيهاا ..
نزار : شفتك وليتي بكاايا هههه
جلسها فالكرسي وجلس قدامها تبسمات الطبيبة وشافت فنزار
لهز حاجبو تيتسناها تهضر ..
الطبيبة : مبروك عليكم اسيدي
حرك راسو ب اه وقال وحط يدو على ركبتو بعدما دار رجل فوق رجل ..
نزار : ميمكنش نعرفو جنس الجنين
الطبيية : لا سبق دكرت لك امسيو الحمل فاولو والجنين فعمرو ستة دلاسابيع
نزار : وامتا نعرفو؟
ضحكات وشافت فشدى اللي ساكتة وباين الحزن فعيونها
الطبيبة : راجلك زربان ( شافت فيه ) على لاقل 15 لأسبوع
حرك نزار راسو بالايجاب وتبسم وهي تستأنف كلامها ومدات له وصفة ..
الطبيبة : هدو فيثاامينات على ود الدوخة والقيء
شدهم عندها نزار وشاف فشدى اللي منزلة راسها ابدا واش هضرات
نزار : كنظن مكتعنيش هي من هد لأغراض .. ااااه ولكن تتررعف وتتسخف وتتبكي بزااف ولات تسكت بزاف بعدما كان لسانها طوويل واش هدشي خطار؟
عقدت شدى حواجبها وصاطت بالفقصة بينما الطبيبة تبسمات كضحك عليه ثواني عاد جمعتها مين شافتو مخنزر فيها ..
الطبيبة : فهد الحالة لازم دير فحص شامل حيث أعراض لحمل سبق دكرتهم ليك .. انها تسخف عادي ولكن ترعف ماشي عادي خصوصا لكانت كتر من مرة ، وبالنسبة لتصرفاتها اسيدي ههه معدوورة النفسية لتتولي متقلبة فهد لفترة والمرأة الحامل تتولي مزاجية بزاف
نزار : اه واخاا ... (شافت فشدى ) رعفتي فالطيارة صاافي ياك احبيبة
عرفات كيهضر معها هي وحركات راسها ب اه ..
يلاه غاينوض حتى جلس شافيها عاقد حواجبو ..
نزار : هي عندها كلية وحدة واش هدشي خطر؟
الطبيبة : فصراحة وجود كلية وحدة عند المرأة الحامل مكيشكل حتى خطر لا عليها لا على الحنين هدشي فحالة كانت الكلية سليييمة ، حيث كلية وحدة تدير خدمة زوج كليات وكتؤدي وظيفتها بشكل لائق وكيف دكرت لكانت الكلية سليمة فراه غاتقد تتحمل عبء الحمل الإضافي عليها وحيث كمية الدم تتزاد فجسم الحوامل وهدشي بسبب زيادة البلازما لموجود فالدم وبهكا فكمية الدم ياللي تتمر من القناة تتزيد فاستمرارية لحمل ولكن هدشي تيؤدي لتضخم بسيط فالكلية ويخليها متقوومش بوظييفتها تماما لكن متخاافوش هدشي عادي جدا لانسان بكلية وحدة ومعندو حتى خطر عليها .. لعلمك كااينين سيدات زرعو كلية وحملو وولدو عادي .. غير هو اسيدي لازم مراقبة صحتها بشكل دوري ممكن يوقعوا مضاعفات الحمل واللي مغاديش تأثر على الجنين إنما على الكلية هدا علاش ضرووري ولازم تقيس ضغط الدم عند المدام صباح وعشية وكيخص تجري تحاليل الدم والبول بشكل دوري ونزييد نأكد على ضغط الدم تونسيو اسيدي دائما ترااقبووه باش الكلية متتضررش ..
حرك نزار راسو بالايجاب نووض شدى تبسم لطبيبة من فوق خاطرو وجر شدى وبالو معها مع الكلام لقااالت ..
أنت تقرأ
عمياء القاسي(تتمة)
حركة (أكشن)تحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
