عمياء القاسي(تتمة)

342

♡داء انت يا عمياء أم دواء ♡ ..
الجزء 342 من

#رواية : 🔞 عمياء القاسي 🔞

#للكاتبة : Sanae El idrissi

#____وما_الثأر_الا_باب_لهوسي_بك___يا_صغيرتي

#الحلقات____الاخييرة ..

فشيكاغو..

تحل باب الزنزانة وخرج منها راجل عامر كلو وشام لدرجة فوجهو تيبانو غير عيوونو الزرقة الجاحدة وهو تيطرطق فعنقو مشا فحالو دايز من حدا الكارديان اللي شد من عندو فلوس ودارهم فجيبو داخل الزنزانة .. كان معلق فالشرجم لحديدي ياللي لاصق فالجدار وهو مشنوق لابس لبسة دالسجناء باللون البرتقالي وهو مخرج عيونو حال فمو .. غير رجليه فقط لبقاو تيمشيو ويجييو فالهوا وهو معلق ودك لوشام لفيديه تيبان مخلي وراه سر يمكن عمرو مايتكشف !!

فالمغرب..

كان تيطل عليها معانقة مع عبد الله وتتبكي بجهدها كامل معنقاه ويوسف وجاكلين واقفين عليهم .. تنهد مكره يشوف دموعها وحدر عيونو فورما وصلوا مساج فالفون تاعو جبد لفون وفتحو وتبسم بعدما وصلوا خبر موت ثايغر فالسجن ..
تنهد براحة وقبط الخط ودار لفون على ودنو ..
نزار : نبيكم تراقبوها بلما تحس (سكت لوهلة ) بقاو بعاد مدخلوش حتى تشوفوه ناوي يأديها..

قطع الخط ودار لفون فجيبو وهز راسو بقلة حيلة مادام فردوس مقررة تبدا حياتها بعيد عليه ادن من واحبو يخليها على راحتها ويدير راسو معارفهاش فين كاينة..
محد حتى صقر بعيد عليها وتيحاول يصلح راسو على ودها حتى هو غايبقا بعيد ..
شادية كانت من وراه حادرة الراس وتتبكي لوهلة هزات راسها وعطاتو بالظهر خارجة فحالها ، منهارة منكسرة وحيدة وبلا حياة .. تلفت لها نزار حتى مشات وهو متبعها بعيونو وتنهد بعدم اهتمام رجع شاف فشدى وفنظرتو ألف نظرة ..
سر موت عبد المجيد عندها ومشا مع خطوات دك الأم المنكسرة وسر موت لمياء بقا معلق فرقبتو مواعد راسو عمرو يتعرف هد السر وعمرو يسمح انو يتعرف .. حتى من حقيقة موت والديه مشات مع روح ثايغر لدار البقاء .. أمكن هدي عدالة إلهية ومكتاب نزار يبقا معدب وطول عمرو مؤلم متسائل على لقتل والديه .. أمكن هدا جزاء أفعالو فهد الدنياا واللي مزال مخبي ليه ربنا وحدو لعالم !!
شادية كانت غادية فالشارع محيدا الفولار وتتبكي وفمها غير لمياء تعكلات فحجرة وهي تلوح السندال من رجليها ومشات حفياانة وتغووت فالزنقة ..
شادية : لمياء هئ هئ فيينك ئ هئ هئ سمحي ليا سمحولياا صقر كان واقف حدا البحر وبحزن باين فعيونو تنهد هاز راسو للفوق مع دمعه نازلة من خدو ..
صقر : سمح لياااا سمممممح لياااا

نزلات دمعه خراا من عيوونو وهو مطيح لفون فالأرض بعدما وصلو خبر انتحار ثايغر فنظرهم هما معارفينش انو موتو مكان سببها إلا نزار ، نزار ياللي القدر حقق ليه امنيتوو وقتل الشخص لقتل والديه وشردو وكان سبب معاناتو حتى بدون مايعرف .. فردوس كانت جالسة فوق طابل داخل المحلبة وبكل الم تتحكي فقصتها لمصطفى وهو بكل حزن حادر راسو تيطبطب على يديها .. أما شدى دك العمياء ياللي الدنيا خدات منها كتر ماعطاتها خدات بصرها وصحتها حريتها وحياتها ختها باها ويمكن حتى مها ويا عالم اش مزال غايتخااد منهاا تتبكي فحضن عبد الله دك الشخص المغلوب على امرو هو الثاني معنقها وبندم كبير تيردد بين شفايفو سمحي لياا ..