♡داء انت يا عمياء أم دواء ♡ ..
#رواية : 🔞 عمياء القاسي 🔞
#للكاتبة : Sanae El idrissi
#___وما_الثأر_الا_باب_لهوسي_بك__يا_صغيرتي
#الحلقات____الاخييرة ..
تنهد مطول وبابتسامة مريرة قال ..
نزار : تنعرف بلي الله كاين وتنعرف بلي الحساب كاين وبلي طريقي طريق النار والظلال .. وبلي نهايتي مغاتكونش زوينة ..
عارف بلي انا لرسمت طريقي واختاريتها وانا مسؤول على أي حاجة وقعت أو غاتوقع ليا .. ولكن ماشي انا لختاريت نرسم هد الطريق أو نسلكها .. انا رسمتها ومشيت فيها ولكن حتى لقيت راسي فيها بعدما دفعوني لها ، واش عارفة إحساس ولد فسن صغير وهو تيشوف مو وباه تيتقتلوا قدام عينيه؟
عمرك جربتي إحساس الموت لبطيء .. ونتا لا حول لك ولا قوة مخبي تحت طبلة وساد فمك وتتشوف فدم والديك تايسيل ..
عمرك جربتي إحساس الظلم والخدلان واليتم فسن صغير .. يخرجوك بزز منك ويحطو فيديك السلاح باش قتلو والديك ويمشيو تاتفيق من صدمتك تاتلقا راسك فالاصلاحية تتعاقب على جريمة مدرتيهاش .
ونتا فعمر صغير متتعرفش حتى لاش راك تماك ، عمرك مغاتحسي بيا تاهموني بلي قتلت واليديا دوزت طفولتي فالاصلاحية وبعد سنين خرجوني حقا غلطنا والسلاح كان فيه بصمات من غير تاعك تنعتدرو على هدشي اعتدارهم باش غايفيدني؟؟؟ انا صافي تنبدت وعلى جبهتي تكتبات قتال والديه مغاديش نحط الحق على ظروفي ونقول هما السبب.. انا غالط وعارف ولكن لغلط فالأصل ماشي مني..
بلللات شدى حلقها ونزلات حاجبها بعطف ..
شدى : وشكووووون قتلهم..
نزار : معرررررفتش .. معرفتش شكون شفت وشام فيد هدك لضربهم وتيبان شاف تاعهم ولكن مشفتوش ..
شدى : ولكن علاش قتلهم..
نزار : الأب تاعي كان بوليسي وللأسف كان فاسد تنعقل على شي أيام كانت الأم تاعي تتخاصم معه على هدشي خصوصا أنها كانت حاملة بختي كانت تتخاف علينا وخيراتو يا حنا ياخدمتو المشبوهة .. الواليد ختارنا حنا وقرر يخرج من دك العالم وهما محتاجينو .. بلوس لدخل لدك العالم يستحيل يخرج منو إلا وهو ميت .. هما رفضو هدشي دك ساعه الأب تاعي هددهم يفضحهم ادا مبعدوش منو وكان قرار قتلهم هو الأنسب لهم ..
حدرات راسها بتاثر وقالت ..
شدى : ولكن علاش سبوفيك الجريمة نتا..
نزار: ماعرفتش..
شدى : كنتي كتغبييهم ..
نزار : بزاف ..شكون فينا متيبغيش والديه كون بقاو عايشين مكنتش غانكون نزار القاتل المأجور .. كان حلمي نكون فالبوليس (تبسم بحنين ) أحلامي حتى هي تسرقات .. هدا علاش انا متمسك بولدي غادي يكون حسن مني غانكون ليه الاب السند و الصديق .. غانكون صندوق اسرارو غادي نبغيه كتر من راسي ونحميه بدمي ، غادي نوصلو لمراتب مقدرتش نوصل لهم..
تبسمات شدى بلهفة وغمضات عينيها تتحلم بظلال مظلمة معبرة على هد لحلم الجميل ..
شدى : وإلى كاانت بنت
تبسم نزار بفرحة وحل عينيه ضورها عندو وبفحيح قال وهو حاط انفوا على نيفها وبيديه مكور وجهها ..
نزار : غاتكون الأميرة الصغيرة ديالي غانكون قدوة لها وغادي نكون أقرب انسان ليها غانبغيها بزااف ومنرفضش طلباتها ونربيها تكون صادقة قوية وبريئة غادي تكون هي الأميرة الصغيرة ديالي ..
سد عيينيه بوله بينما شدى بانصات تتسمع لو وتتبسم وهي مغمضة عيينيها وهو يستأنف كلامو ..
نزار : ماماها ملكات قلبي وعشقها ملك روحي
حلات شدى عينيها وهو يتبسم : اما عيوونها فهما سيف حاد تيجرح قلبي وبرييقهم يستنزف كياااني
عضات شدى على شفايفها وتبسمات جامعة شفايفها باش تحبسها هو ينزل صبعو لشفايفها وقال ..
نزار : أما حلقي فبشوفتهم نشف وفمي طالب راغب يسرق الشهد منهم
طلق من وجهها وهو يجرو عندو خاشي فمو ففمها بعنف قوي تيسف فشفايفها مخليها بدون وعي منها حاطة يديها على وجهو ..
أنت تقرأ
عمياء القاسي(تتمة)
Actionتحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
