♡ داء انت يا عمياء أم دواء ♡ ..
#رواية : 🔞 عمياء القاسي 🔞
#للكاتبة : Sanae El idrissi
#__وما_الثأر_الا_باب_لهوسي_بك__يا_صغيرتي
كتمشا بين شوارع الدار البيضاء بوجه دابل حزين وعيان فالشوكة دواحد الدرب توقفات العيا والجوع تمكنو منها .. هي عارفة نزار فمراكش عقل تيقوليها شوفي كديري توصلي ليه وعقل آخر تيقوليها نساايه عيشي حياتك بعيد عليه تنهدات مطول وعيونها صوب محلبة اونفاس ليها حدرات راسها وتمشات ناحيتها مترددة بعد مدة استسلمت لجوعها وشافت فالراجل للي واقف تيسربي الناس لجالسين فطابلات دالبلاستيك ..
المحلبة بسيطة وصغيرة ..كانت فردوس واقفة وتتوزع نظراتها على الأكل من الزاج حتى شافها مول المحلبة وتبسم لها كان راجل كبير فالسن وباين فيه الخير والكرم فهم نظراتها الجوعانة وانفوا كمل الطلبات هز كاس دالرايب وطرف دلحرشة وخرج بهم عندها شافتو فردوس ورجعات بلور بخوف عقدة الرجال وصقر اخطرهم عمرها تنسا لها ..
تبسم لها الراجل الكبير بوجه بشوش ومد ليها الكاس وقال .. هاكي ابنتي قربي متخافيش ..
شافت فيه مدة وقربات اصلا مجبورة معندها متاكل وحتى وهي فالطيارة مكالت والو ومني وصلات ونهار كامل تضور فمدينة معارفاهاش بلا فلوس بلا أهل بلا حياة ..
فردوس : (بتلعتم ) مم معنديش الفلوس..
جاوبها بابتسامة : وانا مطلبتش لفلوس سميتي مصطفى ممكن تعيطي ليا با مصطفى هاني ابنتي لداخل تكملي ودخلي ليا الكاس..
حركات فردوس راسها بالايجاب وشداتهم من عندو مستغربة غير دخل للمحلبة وهي تهز الراس لدكشي بشراهة تتاكل دقيقة وحدة كانت كافية تكمل فيها وهي تتمسح فمها هزات عينيها شافت مرا دايزة وتتشوف ليها فسكاتريس لفوجهها ولفعنقها وهي تقاد شعرها بخيبة تتغطي مدار فيها .. تقدمات داخلة للمحلبة وشافت فالراجل لتيبتسم لها وشد الكاس من عندها حدرات فردوس راسها وتوتر قالت ..
فردوس : انا معنديش لفلوس ولكن ممكن نعاونك وهدا وهو خلاصي لهدشي لكليت..
جاوبها وهو تينفي : لا ابنتي بصحتك وراحتك..
فردوس : ليخليك انا مصرة..
تنهد وحرك لها راسو موافقها : واخا ابنتي لعجبك .. دخلي للكوزينه.. شنو سماك الله ابنتي
فردوس : I'm ferdaws ..
مصطفى : واش ابنتي نتي نصرانية ؟؟ وشكون دار فيك هد لحالة.. (تيشوف فالندبة )
فردوس : اندخل نعاونك ..
دخلت للكوزينه فين شير لها وهو حرك راسو بتفهم منين مجاوبتوش دخلات للكوزينه لكانت صغيرة لبوطاجي تاعها عامر كيسان وطباسل دارت طابلية وطلقات لفابو وبدات تغسل لماعن .. بحكم أنها مموالفاش بقات فيهم نساعه عاد حيدت طابلية وخرجت تتمسح يديها فكسوتها تبسمات ليه بامتنان وبلما تتكلم جات خارجة حتى قاطعها ..
مصطفى : ابنتي واش مقطع بيك الحبل هنا؟
تلفتات ليه بعدم فهم فهمها وستأنف كلامو ..
مصطفى : واش معندكش الفلوس؟
فردوس : لاااا
مصطفى :ومااااعندك حد !!
فردوس : انا يتيمة معندي حد ..
تنهد بقلة حيلة وقال ..
مصطفى : وفين اتمشي ابنتي نتي باين عليك ماشي وجه الزنقة كازا غول ونتي متقدييش عليها ..
اجي تخدمي معيا وتباتي هنا فالمحل تيحلها ربي
بابتسامة مريرة شافت فيه ..
فردوس : الإنسان تيرجع لاصلو مهما مرت السنين كنت بنت الزنقة ورجعت لها .. شكرا أبا مصطفى ..
خرجات من المحلبة وهي تتبكي وتضحك فنفس الوقت بينما هو متبعها بعينيه بقلة حيلة حتى غابت على انظارو .. بقات غادية فالشارع حتى وصلات لواحت الركنة مجموعين فيها المتشردين والطلابة شي تيشم شي تيلعب شي ناعس شي تيتخاصم وتنهدات هازة راسها كابتة دموعها جلسات فالأرض بعيدة عليهم وتربعات تتنخصص قبل ميوقفو عليها زوج شماكرية من اللي ضايرين بها هزات راسها تتشوفيهم هما غير شاافو سيكاتريس لفيها رجعو اللور بخوف الظاهر ان هد التشوه لفوجهها غايكون مصدر أمان لها
#رأيكم ❤
أنت تقرأ
عمياء القاسي(تتمة)
حركة (أكشن)تحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
