عمياء القاسي(تتمة)

325

♡ داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#___وما_الثأر_الا_باب_لهوسي_بك__يا_صغيرتي

#الحلقات____الاخييرة ..

فشيكااغو ..

خرج تيجري من الكوخ فاتجاه الكوفر فتحو وهز منو ساشيات ورجع للكوخ بعدما سد الكوفر .. كانت جالسة على الكناباي وهي مكمشة وتترعد باقي حمرة وباين المرض والثعب فوجها الشاحب وعيونها الدبلانة ..
تنهد قبل مايجلس لقرفصاء قداامها ويحط ليها كيس من الاكياس ياللي فيدو ويشوفيها ..
صقر : احم لبسي عليك بينما نوجد لك ماتاكلي اوك ...
حركات راسها بالموافقة والاستغراب باين فوجهها تبعاتو بعينيها غاادي للمطبخ اللي ملاصق مع دك الصالة الصغيرة لفلكوخ وسرحات بافكارها بعيد وهي تتحل فالكيس وبالها مع لوقع ..
كان فيه كسوة طويلة بلبيج ومشبكة من اليدين مع باسكيت بيضة كمشات حواجبها بخيبة ماشي ستيلها لكن مضطرة عليه تلفتات ليه كان حادر عينيه تيقطع فالفواكه وهي تخشي راسها فالكسوة دغيا دغيا لبساتها وحدراتها تالرجليها ورجع بالها مشا مع تصرفاتو معها وهو مقابلها وخاايف عليها حكات عنقها بتوتر وهي تتفكر كلامو ويلاه جات تنوض عندو تستفسر حتى قاطعها ..
صقر : نوو نوو ممنوع تنوضي .. باقا مريضة ..
فردوس شافت فيه باستغراب هدا ناوي على شي حاجة كلمه قالتها بينها وبين نفسها قبل متنهد وهي تتشوفيه منغمس فخدمتو حتى رن الهاتف تاعو ، جبدو من جيبو بعدما مسح يديه ودارو على ادنو ..

صقر : مزيان كنت عارف نقد نعول عليك هاني خاارج براافو لوكاس ..
قطع لخط وشافيها تيبتسم براحة بينما فردوس باستغراب مراقباه تبعاتو حتى خرج ثاني وهي تنوض غير ناضت ضارت بها لأرض تعكزت على الفوطوي واتجهت لسرجم تتطل كان صقر واقف مع واحد طويل ومتريني ومن لباسو وهيئتو باين بوديكارد عضات على شفايفها حاضياهم وهزات حجبانها مراقبة صقر تيشد شي حاجة من عندو ..
فردوس : شغايكون دكشي لعطاااه !!

برا كان صقر تيضحك ويتأكد من لباسور هز راسو فلوكاس وقال ..
صقر : Bro معندي منتسالك ..
لوكاس : هدي أقل خدمه نقدمها لثايغر ..
صقر : بااقي محتاجك اصاحبي .. بعد ساعتين غاادي تعطي لثايغر هد العنوان غانكونو حنا خرجنا من المغرب .. (سكت لوهلة ) أناا منااويش نمشي فالطيارة لبيي لاش! !
لوكاس : ملقيت حتى رحلة للمغرب هد الليلة من غير الرحلات الجوية ..
صقر : مشكلة هدي (عض على شفاايفوو ) ماعلييش
لوكاس : غانرجع نشووفك !!
صقر : اكييد ولكن ماشي داابا على الأقل حتى يتهدن ثايغر انا فوضع ميمكنلييش نحااربو هو الأب ديالي فنفس الوقت ميمكنليش نخليه يحرمني منها
لوكاس : كاتبغيها لهد الدرجة! !
صقر بتهرب : يلاه سييير قبل ميعيقو بغيابك ..

شاافتهم تسالمو بعناق رجولي ودك الراجل توجه لطموبيلتو مغادر المكان وهي ترجع تتزرب وجلست فبلاصتها تبسم صقر وهو تيلعب بلباسور تاعها بين يدو ..
دخل لكوخ وشاافها جاالسة فوق الفوطوي كييف خلاها رجع للمطبخ كيدندن ورجع تيقطع فالفواكه قبل متقااطعوا وهي تتشوف فالباسبور حاطو حدااه ..
فردوس : شنوو هدك؟
هز عيونو فيها وتنهد بدون ميجااوبها لحد الساعة معندوش أجوبة لها .. فردوس سكتات تتشوف فالباسبور ووسطو وراق بيضين باينين تداكر تنهدات بفرحة وهي تتمنى يكونو وراق تيخصوها إلى كان الأمر هكدااا مستعدة دير المستحيل وتهرب من هد البلاد ومن قبضة هد الجلاد ..