Flaws and All

Eight

You run...

Nagpasya na akong magpaalam dahil alas otso na rin ng gabi. Tapos ng nag dinner ang lahat, ang kambal na si Zades at Zephryne ay patuloy pa rin sa paglalaro, napangiti nalang ako dahil tila hindi sila nakakaramdam ng pagkapagod.

"Prim, una na ako. Andyan na sila manong sa labas" paalam ko, bumeso sya sakin at nagsabing magingat ako.

"Kids, be good ha? Alis na si Ate, see you again tomorrow" Zephryne kissed my cheek habang nakifistbump lang sa akin si Zades.

Kiko, Ely and Ryan just nodded their heads dahil busy sila sa paglalaro ng DoTA. Habang si Chairman naman ay deadma.

Napalingon ako ng tumayo sya at umakyat ng kanyang kwarto.

Ang sungit!

"Tita, alis na po ako. Andyan na ho si Manong sa labas" paalam ko kay Tita Penelope, she smiled at me bago bumeso.

Ang ganda nya talaga!

Nginitian lang ako ni Tito Zero na prenteng nakaupo sa tabi ni Tita, Chairman got his looks from his dad. Hindi na iyon maipagkakaila.

Nasa garden na ako ng may humigit sa kamay ko. Pinasadahan nya ng daliri ang kanyang buhok bago napamulsa.

"Ugh... uwi na ako. Bakit?" tanong ko.

" I will drive you home" aniya, hinila ko ang kamay ko na kanina nya pa hawak at tinitigan sya.

"Andyan na si man... Halla! Bakit umalis?" nakita ko kasing umandar at umalis na ang sasakyan naming kanina ay nakapark lamang sa harap ng kanilang gate.

Kinuha ko ang cellphone ko sa aking bag at dinial ang number ni Manong. Tatlong ring lamang ay sinagot na nito ang tawag.

"Manong, bakit po kayo umalis? Sorry po natagalan, balik na po kayo palabas na ako"

"Iha, sabi kasi ni Sir Zarette ay sya ang maghahatid sa iyo" nilingon ko ang katabi ko na ngayon ay pinaglalaruan ang kanyang susi sa kanyang kamay.

Kumunot ang noo ko sakanya pero sya ay nagkibit balikat lang.

"Ganon po ba? Sige po, ingat kayo" paalam ko bago pinatay ang tawag.

"Bakit mo pinaalis si Manong?" inis na tanong ko sakanya. He tssed bago ako hinarap ulit.

"I want to drive you home." maikli nyang sagot.

"May sundo na ako, sana hindi mo nalang pinaalis sayang naman ang effort ni Manong" napakahilamos sya sa mukha bago bumuga ng hangin

"Okay, next time. Ngayon pwede na ba kitang ihatid?" tanong nya.

"May iba pa akong choice?" masungit kong tanong. Sinamaan nya ako ng tingin, napalunok ako at napatahimik nalang.

I should not behave like that, lalo na sa harap nya.

"Bakit mo ba ako gustong ihatid? Alam mo ba kanina ko pa napapansin na iba ang pakikitungo mo sa akin ngayon...."

"Una you smiled, nagustuhan mo pa ang graham cake na dala ko kahit hindi ka naman kumakain ng hindi gawa ng personal chef o dito sa bahay nyo..." pumamewang sya at tinitigan ako. Nakikinig sa tila panenermon ko.

"Pangalawa, pinasok mo ako sa kwarto mo. Kwarto mo yun, lalaki ka tapos pinasok mo ako doon. Babae ako. Nakita mo naman kung gaano tayo tinukso ng mga barkada mo"

"Pangatlo, sinandukan mo pa ako ng food. Alam mo iniisip ko na talaga... Crush mo ako no? Yieeee. Aminin mo na" tukso ko sakanya. Tinusok ko ang braso nya habang tinatawanan sya.

"You can think whatever you want." masungit nyang sabi.

"Hindi naman pwedeng ganon noh! I need confirmation. Isa pa, joke lang naman yun. Asa naman akong magugustuhan mo ako no!" mabagal lang kaming naglalakad, malawak ang kanilang garden kaya naman medyo malayo pa kami sa kanilang gate.

"Madox." pagtawag nya sa akin. Huminto ako at nilingon sya, tinaas ko ang aking kilay bilang senyales na naghihintay ako ng sasabihin nya.

"Run. Run as fast as you can" aniya, kumunot ang noo ko saka ako humakbang palapit sakanya.

"bakit ako tatakbo?" naguguluhan kong tanong. "Maghahabulan ba tayo? Kakakain lang natin ah"

Ngumisi sya at inabot ang kamay ko, ito na naman ang tahip tahip na pagpintig ng puso ko.

"Yeah. Maghahabulan tayo. Run and I'll chase" malamlam ang kanyang mga mapupungay na mata at may ngiti sa kanyang labi.

Habang ang puso ko hindi magkandaugaga sa sobrang bilis ng pintig.

"A-ano? I'm confused" naguguluhan kong sabi.

"Saka why would you want to chase me? Ano ba to taya tayaan?" he ran his hand on my neck to my shoulder.

"Dahil sa ating dalawa ako dapat ang maghahabol. You run, I'll do the chasing" humalakhak sya ng tahimik parin akong prinoproseso ang sinasabi nya.

"Hindi ko maintindihan, ipaintindi mo sa akin" pakiramdam ko ay ang tanga tanga ko ngayon dahil hindi ko maintindihan ang sinasabi nya.

"Okay, you can ask me" iginiya nya ako sa kanilang swing para pansamantalang umupo. Maaga pa naman at alas nueve ang aking curfew kaya umupo muna ako.

Isa pa gusto ko talagang malaman ang lahat ng sagot sa mga "bakit" na kanina ko pa gustong itanong.

Umupo sya sa katabi kong swing at tumingala sa langit na punong puno ng mga makikinang na mga bituin.

"Bakit ganito mo ako itrato ngayon? Ang bait bait mo sa akin, lagi mo pa akong sinesave sa mga nambubully sa akin. Ang weird lang kasi gusto kong lagyan ng malisya kahit alam kong impossible, wala akong karapatan"