Libro ng Kalokohang Aral

Part 47-Dear IKAW,Nagmamahal, nasaktan, nag-post Si AKO

Dear IKAW,

Hello. Si AKO nga pala yung para sana SA'YO ngunit kailan ma'y hindi magiging si TAYO dahil sa ngayon, si IKAW ay para kay KANYA na alam kong hindi si AKO.

Naaalala pa ni AKO ang unang araw nang aking masilayan yaring mukha. Nag-daramdaram-daramdaram ang pintig ng puso ni AKO.

Yung parang sa pelikula na naging slow motion ang lahat ng echuzerong tao sa kalawakan habang nagsisihulugan ang mga bulaklak mula sa kalangitan. Naisip  na sana'y nabunggo ni AKO si IKAW tapos mahuhulog ang mga gamit  natin sa sahig, sabay nating pupulutin  ang mga ito hanggang magdikit ang ating mga kamay. Dahan-dahan tayong tatayo habang nakatutok sa mata ng bawat isa.

Pero hindi iyon naganap, bagkus ay hinayaan lang kitang lumagpas sa aking harap. Iniikot pa ni AKO ang paningin  upang sulyapan si IKAW. Nagbabakasakaling titigan rin ni IKAW  si AKO oh sinta. Ngunit ang nakita ni AKO ay iba. Akbay  mo si SIYA  habang si IKAW ay masaya  samantalang si AKO ay nakanganga at nagmumukhang tanga.

Pilit itinago ang pighati ngunit buong araw  na ang utak ni AKO ay nahahati- sa bagay na dapat inaasikaso at sa IKAW na sa diwa'y nanggugulo.

Agad ngang hinanap ang pangalan ni IKAW sa peysbuk, hindi naman nahirapan si AKO na mahanap  si IKAW  dahil marami naman ang myutwal prinds. Nila-layk ni AKO lahat ng post ni IKAW mula sa pikchur  hanggang bidju . Martir na kung martir pero kahit pikchur nyo ng ispisyal someone  ni IKAW ay nilalayk ni AKO, yung iba pinupusuan  pa ni AKO. Papansin lang . Nagbabakasakaling dumating ang panahon na i-layk  rin ni IKAW ang post ni AKO na "MANHID KA" na may hashtag na #GigilMoSiAko  pa na parang sampung beses na yata na-post.

Nung una ay sinabi  ni AKO sa sarili ni AKO na handa si AKO na maghintay hanggang mapansin ni IKAW si AKO kahit pa sa panahon na yun ay may puting buhok na si AKO, kahit kasama na ulit nila tao ang mga alien  sa planetang earth at nangyari na lahat ng prediksyon ni Madam Auring at Nustradamos.

Ngunit lumipas ang ilang buwan  na tila bagang ilang dekada , nawalan na si AKO ng pag-asa. Si AKO ay sumuko na . Malungkot man ngunit si AKO ay wala nang magagawa pa. Ngunit tama nga ang nakasaad sa dakila at mahiwagang Libro ng Kalokohang Aral,"May PAG-ASA nga ang BAGYO, TAO pa kaya ".

Isang gabi  nang tumunog ang silpon  ni AKO. May notipikeyshon  at mensahe  sa inbaks ng peysbuk ni AKO. Nagulat  pa si AKO nang mabasa na ang pangalan ni IKAW. Sabi ko "WHAAAAAAAAA!"  tapos binato si AKO ng ka-bordmeyt  ni AKO. Nag-daramdaram-daramdam  ulit ang puso  ni AKO. Binasa  ang mensahe  ni IKAW at bwesit na bwesit si AKO dahil sobrang bagal ng internet koneksyon , kasing bagal ng daloy ng trapiko. Nang mabasa ang mensahe  ni IKAW ay napasigaw ulit si AKO ng "WHAAAAAA!"  tapos binato ulit si AKO ng bordmeyt  ni AKO.

Mas nag-daramdaram  ang puso  ni AKO. "Ken wi bi prinds?" tanong ni IKAW na agad namang sinagot ni AKO ng "Pwede nemen pe".  Pabebe.

Nag-chat2x si TAYO hanggang madaling araw  at napagkasunduang magkita na natupad naman at sa huli'y naging matalik na magkaibigan . Parang Rebisco, ang sarap ng feeling ni AKO araw-araw.Cloud 9!!!  Simpleng "Hi. Kumain ka na. Wag magpagutom. Ingat" lang ni IKAW ay nagdadaramdaram-daram  agad ang puso  ni AKO. Sabi ni AKO "Eng sweet mo nemen!" 

Napaluha  nalang si AKO nang mabasa ang kasunod na mensahe  ni IKAW. "Sweet talaga ako sa mga kaibigan ko". Napaluha si AKO... pagluha na nang di nalaon ay nauwi sa hagulgol. .

Saksi ang pipeng mga pader ng tahanan  sa lungkot 😢 na nadama ni AKO. Pader na puno ng mga ginupit na litrato  ni IKAW na itinabi sa ginupit ding litrato  ni AKO . Naawa si AKO sa unan na yakap-yakap dahil sahalip na panis na laway  ay maalat na luha  ang sa kanya'y nagpapabasa.

KAIBIGAN-walong simpleng letra na pilit hinahanap ng iba upang sumaya ngunit sa iba'y nagpapadusa. Bakit? Bakit hanggang KAIBIGAN lang ang turing ni IKAW kay AKO?  Dahil ba hindi AKO si SIYA? Ano bang meron si SIYA na wala si AKO? Ano bang wala si AKO na meron si SIYA? 😣 Gusto ni AKO na isiwalat na yaring pagliyag na nadarama ngunit si AKO ay naduduwag, nangangamba na baka sa huli'y si IKAW ay umiwas at kalimutan nang ganap si AKO. Hindi na alam ang gagawin ni AKO. Sana sa simpleng sulat na ito ay mabatid ng manhid na si IKAW  na nandito si AKO na bagamat hindi nag-aasam na maghiwalay si KAYO  dahil alam ni AKO na mahal ni IKAW si SYA at mahal ni SYA si IKAW ay patuloy paring umaasa't naghihintay na magkaroon ng inaasam na TAYO  .

Nagmamahal, nasaktan, nag-post

Si AKO