اعزائي القصص كثيرة ولكن كلما تذكرت واحدة اسرعت بكتابتها
اريد اغير شوية للطرافة واتكلم بالعامية راح تكولون أشو نص كلامك فصيح راح اكول فقط للتوضيح
اليوم راح اتكلم عن مصطلحات اهلنا
احتمال راح تضحكون لأن كلماتهم بسيطة ببساطة حياتهم قبلخل نبدي بسم الله
اول كلمة
(خضرة ام الليف )
كانوا يخوفونه بيها طلعت بالنهاية النخلة(الشيبه) حيوان الگرطة او بالفصيح يسمونه (غرير العسل)
(السعلوة) مخلوق خيالي موجود بقصصهم يعني مثل الوحش
(أم المساحي) المسحاة هي اداة يحفرون او يحرثون بيها اما هاي المخلوقة فهي ايضا خيالية بس رجليها مساحي وايديها سچاچين 😂وتاكل بشر هههههههه
الطنطل او يسمونه (الماصخ) لأن يكره الملح ايضا هذا نوع من الجن المرعب
(الفرود) يستخدمونه للصعود للنخل علمود يلقحون النخل او ياخذون من ثمره وهو شبكة من الحبال وقويه يربطونه حول النخلة وهم بداخله وهاي صور للفرود
البله. حصيرة الخوص
الباريه. حصيرة القصب
الخريط. مادة صفراء تشبه الطحين تستخرج من قصب البردي وتطبخ
النشوو. صغار النخل
الطبگة. هاي قارب كبير يسد مسد الجسر يحمل الناس والسيارات الى الجهة الثانية
التفگة. بندقية قديمة مال صجم والصجم تعرفونه عبارة عن خرز حديد صغيرة
الطوفه. السياج
النسرة. مخلوقه خياليه متوحشه وتأكل كل شي
ثمر التمر من يكون بعدة صغار يسمونه (حببوك) والأخضر (چمري) والأصفر (خلال) والنص اصفر ونص تمر يسمونها (رطب) وبعد الرطب ينضج ويصير تمر
(الگنطرة) جسر يصنعوه من جذع نخلة
(الشريعة او المشرعة) مكان مرتب للنزول على النهر👆 هذه الآلة اسمها( العدّة ) يسقون بيها الزرع
(اچيم التنور) يعني اشعله نار بعدما اترسه حطب
(وجر التنور )يعني صاري حامي وجاهز للخبز
ا(المحراث )هي عصا من جريد النخل يحرثون بيها رماد التنور علمود يطلعون الجمر من جوه الرماد
(الزرزور )هو العصفور
(حشف) هو التمر اليابس او الما ملقح ويصير زغار ويابس يستخدمونه علف للحيواناتمصطلحات اهلنا كثيرة بس هذن اجن على بالي وخاف تجي بالقصص وما تعرفونها فقط علمود اوضحلكم
أنت تقرأ
حكايات اهلنا
Kısa Hikayeقد لا اجيد الكتابة وتأليف القصص وتنميق الكلمات وترتيبها الا اني احببت ان اكتب قصصا كنت اسمعها من اهلنا منها ماهو خيالي ومسلي ومنها ما هو حقيقي حدث مع اشخاص حكوها بأنفسهم . فأرجوا ان تنال اعجابكم وارجوا ايضا ان تستخلصوا منها الفائدة