عنوان القصة غير جاذب لكن نقدر نأكدلكم أنو محتواها يهبل 😍 🔥
نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
دخلت الشمس البيت وعلى ما يبدو مزال ملحقتش للكائن ولا الكائنة لي راها متسطحة في سابع نوم لابسة شرط قصير و بودي عريض راقدة على كرشها ومعنقة المخدة رجل في بلاد و رجل التانية في بلاد وحدوخرا محتلة المساحة تاع لفراش كامل رغم أنها عادة سيئة ومتليقش بطفلة ترقد هذي الرقدة مي بطلتنا مختالفة على لبنات في بزاااف حوايج .......
بدا تيليفونها يصوني لحقت 6:00 الوقت لي تفطن فيه حلت عين وعين مغمضتها تحوس على تليفونها باه تسكتو حطت يديها فوق لاطابل دينوي طفاتو وعاودت تقلبت في فراشها حابة تزيد ترقد عاودت تقلبت من جيهة وحدوخرا ....
تقعدت وربعت رجليها فوق الفراش ليوم عطلة ومكانش قراية وهي من النوع لي كي يلحق الوقت تنوض مام لوكان تحب تولي ترقد متديهاش عينها ولات ناضت غسلت وجها .. راحت لخزانتها تشوف واش تلبس أصلن ميستدعيش الأمر بزاف بسك لي في خزانتها كامل سراول جينز و تركوات (لي بودي المهم هادوك) بألوان ورسمات وكتبات مختالفين وفي جيهة حاطة لي باسكات من كل الأنواع بماركات مختلفة وكل ملابسها من النوع الذكوري حطت يدها جيهة سراول ليجا في يدها لول رفداتو بعدما لبست حكمت لمشطة تمشط شعرها كانت لابسة بودي بلونوي مكتوب فيه أديداس عريض عليهاوسروال جين تاني عريض مطبقاتو من لتحت و بسكات أديداس تاني..... شعرها حابط مع ضهرها كحل كي ليل حرير هايل( نهار لي تشد المشطة ...المشطةتموت بساعدة بسك ماشي مهتمة بيه وقليل وين تمشطو شباب طبيعيا) عينين زروقة كيف زرقت لبحر بشرتها ماسمرة مابيضاء و لاطاي متبانش بسك الحوايج عراض ....
حكمت ربطة تاع الشعر ولوات شعرها طوماطيشة وربطاتو مخزرتش في لمراية مشافتش روحها ايدا راها شابة ولا نن تحس لمراية زيادة في بيتها ...حكمت ساكادو بيد وليد لوخرا خشاتها في جيبها وخرجت من لبيت حابطة الدروج بخفة وتصفر للكوزينة لقات بنت لخدامة انتاعهم والبسمة على وجها اسمها ﺗﺎﻟﻴﺎ ﺟﺎﻳﺎ ﺧﻤﺮﻳﺔ ﺷﻌﺮﻫﺎ ﺷﺘﺎﻥ طويل مع ظهرها ﻃﻔﻠﺔ ﺗﺤﻔﻮﻧﺔ ﻣﻦ ﺍﻟﺰﻳن ﻭ ﻻﻃﺎﻱ ﻭﻋﻴﻨﻴﻬﺎ خضورة.
تاليا: صباح الخير دينيز .
دينيز : صباح نور تاليا كي صبحتي؟
تاليا :لاباس الحمد الله وأنت ؟!كي لعادة متقدريش طولي الرقاد في العطلة.
