أنتِ أنثى (باللهجة الجزائرية)

الحلقة 43

غربت الشمس تعلن على نهاية النهار دينيز مزالت تتمشى في مدينتها تحوس على صال تدرب فيها عيات نهار كامل وهي تحوس بدون فايدة مي مستسلمتش مزال عندها أمل تلقى لفتت إنتباها بلاكة شاعلة الضو فيها صورة لقفازات الملاكمة قربت منها قرات واش مكتوب فيها دل على أنو في زنقة هذيك كاين صال دخلت لتم لقات باب مقابلتها تنفست حلت عينيها ودخلت كان الضو فيها بزاف تتوسطها حلبة تاع ملاكمة وكثير من الأثقال بكل الأوزان كانت الصال فارغة تسألت في سرها كيفاه فارغة والضو شاعل بدات تتجول فيها حتى شافت عبد معلق يحبط ويطلع يخدم في عضلاتو قربت بخطوات ساكتة تحقق فيه حتى لقاتو أسيف حلت عينيها مصدومة تخبات مور سور أثقال كان قدامها بقات تراقب فيه وفي عضلاتو المفتولة لي تحت البودي انتاعو ....

أأسيف 😍😻

أسيف جاز نهارو كيف نهارات لي سبقوه ديمة يبقى اللخر في صال يتمم تدريباتو وهو يخدم في عضلاتو حس عبد يراقب فيه دقق في ذوك العينين لي مش ممكن ينساهم ومن غيرها كذب واش راه يشوف حب يتأكد حبط من الحديد لي كان معلق فيه نحى تريكوه شد الما شرب دار من جيهتها وهو مزال يشوف في عينيها سمع صوت شهقتها أكيد متتحملش منظرو وهو بلا تريكو كيف المرة السابقة تبسم بخبث وقرب ليها هي رجعت لور خبطت راسها من بهامتها أكيد فاقلها ...

أسيف :واش جابك هنا ..

دينيز بدات تأ تأ وحارت واش

تقول:أنا..جيت..أ..

أسيف: توتريني جيدو ياك !

دينيز:كنت ..

أسيف :نفهم من كلامك حبستي 

دينيز : تقدر تقول 

ربع يديه كيلها من راسها لرجليها وقال: مليح تطور هايل بديتي تشبهي للبنات ..

بقات دينيز مبهمة فيه مفهمتش ..

أسيف:بما أنك راكي هنا شرفي للحلبة عندك كومبا معايا ..

دينيز : عارف واش تحكي ؟؟

قرب منها نحالها ربطة شعرها بقا يمرر في صبعانو فيه وحكا: باه تنظم هذي الربطة لصحاباتها .. شرطي الأول لي تنفذيه مور ما نربح الكومبا شعرك يبقى مفرود فاهمة ..