ﻃﻠﻌﻮﺍ ﻟﻠﻴﺨﺖ ﻭ ﺍﻟﻤﺎ ﻳﻘﻄﺮ ﻣﻨﻬﻢ ﺻﻮﺕ ﺿﺤﻜﺎﺗﻬﻢ ﺳﺎﺩ ﺍﻟﻤﻜﺎﻥ ﺣﻜﻤﻮﺍ ﻟﻲ ﺳﻐﺒﻴﺎﺕ ﻧﺸﻔﻮﺍ ﻓﻲ ﺷﻌﺮﺗﻴﻬﻢ ﻭﻟﺤﻤﻬﻢ ﻣﻦ ﻟﻔﻮﻕ ...ﻟﻔﻮﻕ
ﺩﻳﻨﻴﺰ: ﺑﺎﻳﻨﺔ ﺻﺪﺍﻗﺘﻜﻢ ﻗﻮﻳﺔ ﺑﻨﺘﻮﻟﻲ ﻣﺘﻔﺎﻫﻤﻴﻦ ﻣﻦ ﻭﻛﺘﺎ ﻭﻧﺘﻮﻣﺎ ﺻﺤﺎﺏ
ﺧﺰﺭﻭﺍ ﻟﺒﻌﻀﺎﻫﻢ ﻭﺑﺪﺍﻭ ﻳﺤﻜﻮﻟﻬﺎ ﺗﺎﻟﻴﺎ: ﻧﻬﺎﺭ ﺗﻨﻘﻠﺖ ﻧﺴﻜﻦ ﻋﻨﺪﻛﻢ ﻭﻋﻤﻲ ﻣﺮﻫﻒ ﺩﺧﻠﻨﻲ ﻧﻘﺮﺍ ﻓﻲ ﻟﻴﺴﻲ ..ﺧﺰﺭﺕ ﻓﻲ ﺃﺳﻴﻒ
ﻭﻏﻴﺙ ﺿﺤﻜﺖ
*ﺭﺟﻮﻉ ﺍﻟﻰ ﺍﻟﻤﺎﺿﻲ*
ﺍﻟﻴﻮﻡ ﻧﻬﺎﺭ ﻟﻮﻝ ﻟﺘﺎﻟﻴﺎ ﻓﻲ ﻫﺬﺍ ﻟﻴﺴﻲ ﻣﺪﻳﻨﺔ ﺟﺪﻳﺪﺓ ﻧﺎﺱ ﺟﺪﺍﺩ ﻭﺣﻴﺎﺓ ﺟﺪﻳﺪﺓ ﺩﺧﻠﺖ ﻟﻠﻘﺴﻢ ﺃﻧﺘﺎﻋﻬﺎ ﻟﻘﺎﺕ ﻃﻔﻠﺔ ﻗﺎﻋﺪﺓ ﻭﺣﺪﻫﺎ ﻫﻲ ﻗﻌﺪﺕ ﺍﻣﻌﺎﻫﺎ ﺗﻌﺮﻓﺖ ﻋﻠﻴﻬﺎ؛ ﻛﺎﻥ ﻣﻮﺭﺍﻫﺎ ﻏﻴﺎﺙ ﻭ ﺃﺳﻴﻒ ﻗﺎﻋﺪﻳﻦ ﺧﻼﺻﺖ ﺍﻟﺤﺼﺔ ﻟﻮﻟﺔ ﻭﺟﺎﺕ ﺍﻟﺤﺼﺔ ﺍﻟﺜﺎﻧﻴﺔ ﻟﻲ ﻫﻲ ﺭﻳﺎﺿﻴﺎﺕ ﻭﺑﻄﺒﻴﻌﺔ ﺍﻟﺤﺎﻝ ﻫﺎﺫﻭﺍ ﺍﻻﺭﺑﻌﺔ ﻳﻜﺮﻫﻮﻫﺎ
ﺗﺎﻟﻴﺎ: ﺑﺒﺒﻔﻔﻔﻒ ﺍﻟﺴﻤﺎﻃﺔ ﻧﻮﺭ: ﻫﻲ ﺍﻟﻤﺎﺩﺓ ﺳﺎﻣﻄﺔ ﻭﻫﺬﺍ اﻷﺳﺘﺎﺫ ﺯﺍﺩ ﺳﻤﻄﻬﺎ ﻛﺘﺮ
ﻏﻴﺙ: ﺗﻘﻮﻟﻚ ﺭﺍﻩ ﻳﺸﺮﺡ .ﺑﺎﻟﺸﻨﻮﻳﺔ ﻣﻔﻬﻤﺖ ﻭﺍﻟﻮ
ﺃﺳﻴﻒ : ﺭﺍﻧﻲ ﺣﺎﺏ ﻧﺨﺮﺝ ﻛﺮﻫﺖ
ﺗﺎﻟﻴﺎ: ﻧﻮﺭ ﻧﺤﻜﻴﻠﻚ ﺣﻜﺎﻳﺔ !
ﻧﻮﺭ: ﻛﺸﻐﻞ ﻭﻗﺖ ﻟﺤﻜﺎﻳﺎﺕ ﺩﻭﻛﺎ
ﺗﺎﻟﻴﺎ: ﻭﺍﻟﻠﻪ ﻫﺎﻳﻠﺔ
ﻧﻮﺭ : ﺭﻭﺣﻲ ﺍﺳﻴﺪﻱ ﺃﺣﻜﻲ
ﺗﺎﻟﻴﺎ: ﻗﺎﻟﻚ ﺧﻄﺮﺓ ﻓﻴﻞ ﻭﻧﻤﻠﺔ ﺗﺰﻭﺟﻮ ﺟﺎﺑﻮ ﻃﻔﻞ ﻭﺍﺵ ﺳﻤﺎﻭﻩ؟
ﻧﻮﺭ : ﻭﺍﻧﺎ ﻭﻳﻦ ﻋﻼﺑﺎﻟﻲ
ﺗﺎﻟﻴﺎ: ﻧﻔﻴﻞ ﻫﻬﻬﻬﻪ
ﻏﻴﺙ: ﺭﺍﻧﻲ ﻧﺨﻤﻢ ﻛﻴﻔﺎﻩ ﺟﺎﺑﻮﻩ ﻫﻬﻬﻬﻪ
ﺃﺳﻴﻒ : ﺗﺨﻤﺎﻣﻚ ﺧﺎﻣﺞ ﻫﻬﻬﻬﻪ
ﺗﺎﻟﻴﺎ: ﻧﺰﻳﺪﻟﻚ ﻭﺣﺪﺓ
ﻧﻮﺭ: ﺧﻬﻬﻪ ﺍﻭﻛﻲ
ﺗﺎﻟﻴﺎ: ﻧﻤﻠﺔ ﻭ ﻓﻴﻞ ﺗﺰﻭﺟﻮ ﺭﺍﺣﻮ ﻟﺸﻬﺮ ﺍﻟﻌﺴﻞ ﻛﻲ ﻭﻻﻭ ﻭﻻ ﺍﻟﻔﻴﻞ ﻭﺣﺪﻭﺍ ﻋﻼﺵ؟
ﻧﻮﺭ : ﻋﻼﺵ؟
ﺗﺎﻟﻴﺎ: ﺑﺴﻚ ﺗﺒﺤﺮﺗﻠﻮ ﻓﻲ ﺍﻟﻔﺮﺍﺵ ﻫﻬﻬﻬﻬﻬﻬﻪ
ﻏﻴﺙ: ﺍﻭﺍﺍﻩ ﺍﻟﻔﻴﻞ ﻭ ﺍﻟﻨﻤﻠﺔ ﻏﻴﺮ ﺻﺎﻟﺤﻴﻦ ﻟﺘﺰﺍﻭﺝ ﻫﻬﻬﻪ ﻭﻣﻦ ﻫﻨﺎ ﻧﺴﺘﻨﺘﺞ ﺃﻧﻪ ﺍﻟﻄﻔﻞ ﻣﺎﻳﺠﻴﺶ ﻫﻬﻬﻪ
ﺃﺳﻴﻒ : ﻟﻮﻛﺎﻥ ﺗﺒﻠﻊ ﻣﺎﺷﻲ ﺧﻴﺮ ﻫﻬﻬﻪ ﺃﺣﺸﻢ ﺷﻮﻳﺔ
ﻏﻴﺙ: ﻫﻲ ﻛﻲ ﺣﻜﺎﺗﻬﺎ ﻣﺤﺸﻤﺘﺶ ﻭﺍﻧﺎ ﻛﻲ ﻧﻌﻠﻖ ﻧﺤﺸﻢ.
ﺍﻻﺳﺘﺎﺫ: ﺃﻧﺘﻮﻣﺎ ﺑﻴﻦ ﺭﺑﻌﺔ ﻃﻴﺮﻭﺍ ﻋﻠﻴﺎ ﺑﺮﺍ
ﻧﻮﺭ: ﻳﻌﻄﻴﻚ ﺍﻟﺼﺤﺔ ﺑﺐ ﺃﻣﻮﺍ ﻧﺮﻭﺡ ﻧﺸﻮﻑ ﺣﺒﻘﻠﺒﻲ ﺳﻠﻤﺖ ﻋﻠﻴﻬﺎ
ﺧﺮﺟﻮﺍ ﻣﺸﻠﻮﺧﻴﻦ ﺑﺎﻟﻀﺤﻚ ﻧﻮﺭ ﺭﺍﺣﺖ ﻭﺧﻼﺗﻬﻢ
ﻏﻴﺙ: ﻭﺍﺵ ﺣﻜﺎﻳﺘﻚ ﻣﻊ ﺍﻟﻔﻴﻞ ﻭ ﺍﻟﻨﻤﻞ ؟
ﺗﺎﻟﻴﺎ: ﻭﺍﻟﻮﺍ
ﻏﻴﺙ: ﺍﻧﺖ ﺟﺪﻳﺪﺓ!! ﺑﺴﻚ ﺟﺎﻣﻲ ﺷﻔﺘﻚ
ﺃﺳﻴﻒ : ﺭﺣﻠﺘﻮ ﺗﺴﻜﻨﻮ ﻫﻨﺎ؟
ﺗﺎﻟﻴﺎ: ﺁﺁﻩ ﻣﺎﻣﺎ ﺻﺤﺘﻠﻬﺎ ﺗﺨﺪﻡ ﺧﺪﺍﻣﺔ ﺗﺎﻉ ﺩﺍﺭ ﻭﺟﻴﻨﺎ ﻧﺴﻜﻨﻮ ﻫﻨﺎ ﻣﻊ ﻣﺎﻟﻴﻦ ﺩﺍﺭ ﻭﺍﻟﺤﻤﺪ ﺍﻟﻠﻪ ﻃﺤﻨﺎ ﻓﻲ ﻧﺎﺱ ﻣﺸﺎء ﺍﻟﻠﻪ
ﻧﻌﺠﺒﻮ ﺑﺼﺮﺍﺣﺘﻬﺎ ﺃﻧﻬﺎ ﻣﺘﺤﺸﻤﺶ ﻣﻦ ﻛﻮﻥ ﻳﻤﺎﻫﺎ ﺧﺪﺍﻣﺔ ﻓﻲ ﺩﺍﺭ ﺍﻟﻨﺎﺱ ﺑﻞ ﺑﺎﻟﻌﻜﺲ ﻓﺨﻮﺭﺓ ﻭﻋﻔﻮﻳﺔ ﻛﺘﺎﺏ ﻣﻔﺘﻮﺡ ﺻﻔﺤﺎﺗﻮ
ﺑﻴﻀﺎ ﻛﻴﻤﺎ ﻋﺘﺎﺑﺮﻫﺎ ﻏﻴﺙ
ﺃﺳﻴﻒ : ﻣﺘﺸﺮﻓﻴﻦ ﺃﻧﺎ ﺃﺳﻴﻒ
ﻏﻴﺙ: ﻭﺃﻧﺎ ﻏﻴﺙ ﺃﻧﺴﺔ
ﺗﺎﻟﻴﺎ: ﺗﺎﻟﻴﺎ ﺃﺳﻤﻲ ﺗﺎﻟﻴﺎ
ﻏﻴﺙ: ﻣﺘﺸﺮﻓﻴﻦ ﻧﺘﻤﻨﻰ ﻧﻜﻮﻧﻮ ﺻﺤﺎﺏ ﻭﻟﻲ ﻳﺨﺼﻚ ﺗﻘﻮﻟﻴﻨﺎ ﻋﻠﻴﻪ
ﺗﺎﻟﻴﺎ : ﺍﻥ ﺷﺎء ﺍﻟﻠﻪ
ﺑﻘﻰ ﺳﺎﺭﺡ ﻓﻲ ﺗﻀﺎﺭﻳﺲ ﻭﺟﻬﺎ ﻭﻟﻲ ﺩﺍﻟﻮ ﻋﻘﻠﻮ ﻋﻴﻨﻴﻬﺎ ﻟﺨﻀﻮﺭﺓ ﻛﻲ ﺧﻀﺮﺕ ﻟﺤﺸﻴﺶ ﻧﺴﻰ ﺭﻭﺣﻮ ﻭﻫﻮ ﻣﺰﺍﻝ ﺣﺎﻛﻢ ﻳﺪﻫﺎ ﻣﻠﻲ ﺑﺪﺍ ﻳﺘﻌﺮﻑ ﻋﻠﻴﻬﺎ .
ﺃﺳﻴﻒ: ﻏﻴﺎﺙ ﻣﺮڨﺘﻬﺎ ﺧﻠﻲ ﺍﻟﻄﻔﻠﺔ
ﻏﻴﺙ : ﺃﺳﻤﺤﻴﻠﻲ ﻣﻔﻘﺘﺶ
ﺗﺎﻟﻴﺎ: ﻫﻪ ﻋﺎﺩﻱ
*اﻟﻌﻮﺩ ﻣﻦ اﻟﻤﺎﺿﻲ*
ﺩﻳﻨﻴﺰ: ﺍﻱ ﻳﺘﺴﻤﺎ ﻣﻦ ﻧﻬﺎﺭ ﺟﻴﺘﻲ ﻋﻨﺪﻧﺎ ﺁﺁﺁﻩ... ﺃﺳﻴﻒ ﻭ ﻏﻴﺎﺙ ﻣﻦ ﻭﻗﺘﺎﻩ ﺗﻌﺮﻓﻮ ﺑﻌﻀﻜﻢ!؟
ﺃﺳﻴﻒ: ﺃﻧﺎ ﻭﻏﻴﺙ ﺻﺤﺎﺏ ﻣﻦ ﺍﻟﻄﻔﻮﻟﺔ ﺑﺴﻚ ﺑﺎﺑﺎ ﻭ ﺑﺎﺑﺎﻩ ﺻﺤﺎﺏ
ﺩﻳﻨﻴﺰ: ﺃﻣﻤﻤﻢ
ﻏﻴﺙ: ﻭ ﺃﻧﺖ ﻋﻨﺪﻙ ﺻﺤﺎﺏ ﺃﺑﺎﺭ ﺗﺎﻟﻴﺎ ﻛﻴﻔﺎﻩ ﻋﺸﺘﻲ ﻃﻔﻮﻟﺘﻚ؟ ﺗﻔﺎﺟﺄﺕ ﺩﻳﻨﻴﺰ ﻣﻦ ﺳﺆﺍﻟﻮ ﻣﻜﺎﻧﺘﺶ ﻣﺘﻮﻗﻌﺎﺗﻮ ﻭﺟﻬﺎ ﺣﻤﺎﺭ ﻛﻲ ﺍﻟﻄﻤﺎﻃﻴﺸﺔ ﺑﺪﺍﺕ ﺗﻔﺮﻙ ﻓﻲ ﺻﺒﻌﺘﻴﻬﺎ ﻫﺮﺑﻮﻟﻬﺎ ﺍﻟﻜﻠﻤﺎﺕ ﺃﻭ ﺑﺎﻷﺣﺮﻯ ﻣﻠﻘﺎﺗﺶ ﻭﺍﺵ ﺗﻘﻮﻝ ﺧﺰﺭﺕ ﻓﻲ ﺗﺎﻟﻴﺎ ﺗﺴﺘﻨﺠﺪ ﺑﻴﻬﺎ ﺑﺎﻩ ...ﺗﻨﻘﻀﻬﺎ ﻣﻦ ﺍﻟﻤﻮﻗﻒ ﻫﺬﺍ
ﺗﺎﻟﻴﺎ: ﻫﻬﻬﻪ ﺷﻤﺲ ﻏﺮﺑﺖ ﺭﺍح ﻳﻄﻴﺢ ﻟﻴﻞ ﻭﺣﻨﺎ ﻣﺰﺍﻟﻨﺎ ﻫﻨﺎ
ﺃﺳﻴﻒ: ﺍﻳﻪ ﺻﺢ ﻻﺯﻡ ﻧﺮﻭﺣﻮﺍ
ﻗﺒﻞ ﻣﺎﻧﻤﺮﺿﻮﺍ ﻭﺃﻧﺎ ﻋﻨﺪﻱ ﻣﺒﺎﺭﻳﺎﺕ ﻻﺯﻡ ﻧﻜﻮﻥ ﺑﻜﻞ ﺻﺤﺘﻲ
ﺩﻧﺎﺕ ﺗﺎﻟﻴﺎ ﻗﺪﺍﻡ ﺩﻳﻨﻴﺰ ﻭﻃﺒﻄﺒﺖ ﻓﻲ ﻇﻬﺮﻫﺎ ﺧﺰﺭﺕ ﻓﻴﻬﺎ ﻭﺧﺮﺟﺖ ﺫﻳﻚ ﺍﻟﺒﺴﻤﺔ ﺑﺎﻟﺴﻴﻒ.
#أريولة
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
