أنتِ أنثى (باللهجة الجزائرية)

الحلقة 57

لوكان ماشي غيث حكمو في أخر لحظة..

غيث : أسيف خلينا نفهمو لحكاية أنبعد ساهل ..

أسيف : هذا راه حاب لعضمات لي بقاولو نكسرهوملو ...

دينيز فاقت لروحها بلي وجعاتو بعدت عليه

دينيز: سمحلي ...وجعتك ..

زين: نن أنا هذي لحظة عندي شحال و أنا نستنا فيها

دينيز : وماما و بابا وين راهم ؟

حبط راسو كاره باه يتفكر حط يدو على وجها وبدا يحكيلها

زين : متفكرة الحادث هذاك ...

دينيز :حفظاتو كثر من أسمي

زين : فيه غير أنا و أنت لي سلكنا ..

دينيز : هذا يعني ماما وبابا عندهم بزاف ملي ماتو حتى أنت تحرمت منهم وعشت حياتك وحدك ..

زين : تربيت في ميتم تكفلو بيا عمري مفقدت الامل بلي راح نلقاك ..مسح دموعها وسلم عليها من جبهتها: أنا راح نعوضك على كلش راح نكون يماك باباك وخوك أنا هي عيلتك ...

دينيز : فرحانة بيك متتصورش قداش وأخيرا عرفت أنا شكون وفرحانة كثر لي لقيت لي تجري فيه دمي ودم والديا وعندي لي قطعة منهم حتى هو ..

زين : تعرفي علاش درت فيك هكاك

دينيز : مش عارفة

زين : خطرة كنا أنا و أنت في دارنا لعبنا مع ماما الغميضة تخبينالها في القبو و أنت خفتي تم قولتيلي زيزو كانت أول مرة تعيطيلي و أنا حظنتك باه متخافيش ...ملي جيت وشفتك كل حاجة فيك تفكرني فيك كي كنتي صغيرة قلت لازم ندير حاجة بلاك تفكرك مي متفكرتيش كنتي صغيرة بزااف ..

دينيز : لالا تفكرت بصح ماشي كلش ..

زين : أصبري نوريلك كيفاه كنتي كي كنتي بيبي ...حط يدو على رقبتو ملقاش سنسلتو بسك فيها كان كاين كتاب مخبي فيه الفوطو انتاعها...فجأة جات قدامو ..

أسيف : كنت مخليها عندي ..

دينيز : من وقتاش و أنت هنا ..

أسيف : من مقبيل

راحت تجري ليه حظناتو وبقات تنقز فرحانة أنها لقات فرد من عايلتها ..

دينيز : زين خويا هو خويا ..

بقات تحضن فيهم بالواحد الدنيا مش سايعتها من الفرحة و أكثر وحدة فرحلتها تاليا بسك هي لي تعرف واش عانات دينيز بالتفصيل ..

أسيف : و أنت يا سي شباب خوفتنا عليك ...

زين :يااقلبي أسيف خاف عليا

أسيف : شكون لي قال هذي الهدرة أنا علابالي بيك قط بسبع رواح ..

زين : غير ولي عرف كيفاش تهدر معايا كل غلطة راح تكلفك غالية ..

أسيف : كيما واش مثلا

زين : منخليش دينيز تشوفك ..نهار تجي تخطب منمدش ..وكاين...قبل مايكمل
أسيف سحب دينيز ليه من خصرها ...

أسيف : نضن معلابالكش بلي راسها بلوطة ومتسمعش الهدرة ..

زين : أنا خوها ماشي كيف كيف ..

أسيف :آبووون دينيز ...

شدت راسها بين يديها

دينيز :ااااععععع سكتو عليا في زوج

ريمان : ربي يعينك معاهم ..

ضحكو كامل وأخيرا تلم شمل الإخوة💙💙
       
                        #أريـولة
____________________
رايكم في الأحداث ✌ مزال بارت اتهلاااو 💋