أنتِ أنثى (باللهجة الجزائرية)

الحلقة 48

نتائج الباك اليوم تخرج دينيز وريمان على أعصابهم الدقيقة تزوج ساعة بالنسبة لكل وحدة فيهم في دارهم ريمان كلهم مجتامعين يستناو المنيجة تظهر الوضع مكانش مخالف في دار دينيز كانت تاليا شادة البيسي تستنا وقتاش يفتحو السيت مرهف و روانا واقفين عند راسها دينيز قاعدة في فوتاي تاكل في ضفارتيها دقائق وتفتح السيت كتبت الرقم وطلعت دينيز ناجحة بإمتياز روانا دمعو عينيها من الفرحة دينيز بقات تنكز كي الكونغورو باش تختارق البلافون رغم كل لي صرالها نجحت وبمعدل هايل حظنها مرهف يباركلها وتاليا سلمت عليها وحظنتها هي الآخرى دينيز كملت فرحتها كي عرفت بلي ريمان تان نجحت وبمعدل مليح (الله لا يحرمنا من فرحت النجاح قولو أمين) 

        عـــنــد ريـــمــــان 
تيليفونات أسيف منقاطعتش باه يعرف النتيجة أخيرا طمن قلبو من ناحيتهم هوما لثنين ..قرر مالك يديرلها حفلة كبيرة أما ريمان حبت تشاركها دينيز باباها مكانش من العاكسين حب غيث هو يتكفل بكل التحظيرات وطبعا بمساعدة تاليا لي باش تشرف على ديكور ...

قررو باه يعملوها على يومين في ذو اليومين نشاغلو بزاااف مع التحظيرات دينيز كي قالولها تلبسي سواري حصلت مع صباط طالون متعرفش تمشي بيه تبلات معاها ريمان تعلمها ..

دينيز:لعجب هذا كيفاه يمشو بيه اااي رجلي حنطيح ..

ريمان : بركاي متزيدي عليها ونوضي كملي امشي بيه باه متبهدليناش نهار الحفلة ..

دينيز:شديني تشوفي ..

ريمان:كسلي روحك متشيش معوج ..

دينيز:اااوووف هكا مليح !

ريمان:وي مليح ...

غيث خير لاصال لي راح يديرو فيها الحفل وبدات تاليا تخير واش لازمها واش يوالمها وما إلى ذلك في جل هاذي التحضيرات دينيز كان همها غير أسيف وقتاش يجي ويقوللها على المفاجأة لي حكالها عليها من هذاك نهار مزاد ربطهم حتى اتصال بقات تستنا في نهار الحفل على جمرة ....

_______________
ضو خافت بالموف وزهري بلونات في كل أرجاء الصال شراشف في الموف والبيض يزينوها طوابل قماشهم بنفس اللون شموع تحتل أغلبها ...

جو رومانسي للخر تسلط الضوء الأبيض الساطع عليهم يبرز أميرات الحفل لي تعمل على جالهم بهتو الحظور من كتلات الجمال لي كانو حابطين باه يسلمو على الحظور موسقى خافتة تعملت خصوصي لطلعتهم بدى الحظور يسفق والبعض منهم يلقي تصفيرات يعبر على شدة جمالهم كان تقريبا كل المعزومين من معارف ريمان ودينيز قليل بحكم عارفين سبب معرفها أقل من قليل بعدما خذاو مباراكات وهداية حط الديجي غنية صولو بإشارة من غيث لي حب يشاركها مع تاليا ...

دخلو يشطحو حتى من ريمان لقات شريك ليها بقات دينيز واقفة تشوف في الحظور مر وقت لباس بيه من المفروض أسيف يكون جا شافت الساعة ونفخت بملل لي كان يهمها من هذي الحفلة أنها تشوف أسيف بقات تراقب فيهم بلا متنتبه لي عينيه باش يخرجو من شوفاتها قدما رسمها في خيالو راح تكون فاتنة متوقعش لدرجة هاذي الروب سامبل في الروج مفصلة على لحمها شلقتين في الرجلين لثنين حتى لفخذها مفتوحة من صدرها وجاية بروتال دايرة إكسسوار خفيف سنسلة في رقبتها و غورمات شعرها مطلوق كيف ما يحبو بوكلاتو مع بابيليز خفيفة مع اللخر أما المكياج كان خفيف حتى هو لكن ركزت على عينيها بدرجة أولى متخيلين كمية الفتانة الجمال دي أش باش تخلي في أسيف قرب ليها بخطوات راكزة بحكم الظلمة منتبهتلوش ريحت عطرها خلخلاتو كثرمن لي كان ...