أنتِ أنثى (باللهجة الجزائرية)

الحلقة 49

ﺗﻘﺪﻡ ﻛﺜﺮ ﺣﺘﻰ ﻭﺻﻞ ﻋﻨﺪ أﺳﻴﻒ ﺿﺤﻚ ﺿﺤﻜﺔ ﺧﺒﻴﺜﺔ ﻭﻗﺎﻟﻮ :ﺍﻭﻭ ﺷﻮﻓﻮ ﺷﻜﻮﻥ ﺍﺳﻴﻒ ﻭ اﻟﻠﻪ ﺗﻮﺣﺸﺘﻚ ﻫﺬﻱ ﻏﻴﺒة
ﻫﻨﺎ ﺯﻳﻦ ﺯﻳﺮ ﻋﻠﻰ ﺳﻨﺎﻧﻮ ﻣﻦ ﻧﻄﻖ ﻫﺬﻱ ﺍﻟﻜﻠﻤﺔ

أﺳﻴﻒ:ﻫﺎﻩ ﻏﻴﺒﺔ ﻳﺎﻙ ﺗﻌﺮﻑ ﺳﺒﺤﺎﻥ ﺍﻟﻠﻪ ﺗﻘﻮﻝ ﺩﺧﻠﺖ ﻟﻘﻠﺒﻲ ﻣﺎﻡ ﺍﻧﺎ ﺗﻮﺣﺸﺘﻚ

ﻛﺎﻥ أﺳﻴﻒ ﻭ ﺯﻳﻦ ﻳﺘﺒﺎﺩﻟﻮ ﻧﻈﺮﺍﺕ اﻟﺴﺨﺮﻳﺔ ﺑﻴﻦ ﺑﻌﻀﺎﻫﻢ ﻫﻨﺎ ﺯﻳﻦ ﺗﻘﺪﻡ ﻭ ﻣﺪ ﻳﺪﻭ ﻷﺳﻴﻒ

ﺯﻳﻦ:ﻭﺍﺵ ﻣﺎﺗﺴﻠﻤﺶ ﻋﻠﻰ ﺻﺎﺣﺒﻚ

ﺧﻤﺲ أﺳﻴﻒ ﻣﻊ ﺯﻳﻦ ﻣﻲ ﺯﻳﺮ ﻋﻠﻰ ﻳﺪ ﺯﻳﻦ ﺣﺘﻰ ﻗﺮﻳﺐﺗﻜﺴﺮﺕ ﻭ ﺯﻳﻦ ﻣﻦ ﻛﺜﺮﺓ ﻟﻮﺟﻊ ﺑﺎﻧﻮ ﻟﻌﺮﻭﻕ ﻟﻔﻲ ﺭﻗﺒﺘﻮ ﻣﻲ ﻣﺎﺣﺒﺶ ﻳﺒﻴﻦ ﻫﻨﺎ ﺩﺧﻞ ﻏﻴﺙ ﺑﻴﻨﺎﺗﻬﻢ ﺷﺎﻑ اﻟﻮﺿﻊ ﺑﻴﻨﺎﺗﻬﻢ ﺭﺍﺡ ﻳﺘﻘﻠﺐ ﻭ ﺷﺪ زﻳﻦ ﻣﻦ ﻛﺘﻔﻮ ﻭ ﺑﻌﺪﻭ ﻋﻠﻰ أﺳﻴﻒ

ﻏﻴﺙ:ﺍﻭﻭ ﺯﻳﻦ ﻭﻳﻦ ﻛﻨﺖ ﺗﻮﺣﺸﻨﺎﻙ ﻭﺍﺵ ﺭﺍﻙ ﻭﺍﺵ رﺍﻫﻢ ﻟﻔﺎﻣﻲ ﺳﻔﺎ ﺣﻤﺪﻟﻠﻪ

ﺯﻳﻦ:ﺭﺍﻫﻢ ﺧﻴﺮ ﻣﻨﻚ

جبد كرسي وقعد عليه نطقت ريمان تحاول تكالمي الحالة ومنها تشرح لدينيز وتاليا :هههه متستغربوش هاذي طبيعة عالقتهم قدما يكرهو بعضهم قدما يحبو بعض عادي توالفوهم...

رجع أسيف بشريط ذكرياتو للماضي...

      العــــــودة لــلمـــــــاضـــي
بعدما شرا غيث الطونوبيل تفاهم مع أسيف يسڨموها ويشرو واش خصها (متفكرين الطونوبيل الرياضية) بعد مشراو ليبياس جدد لازم شكون يركبهم في ذاك الوقت زين كان صاحبهم وبحكم أنو طفل يدو خفيفة ويفهم في صوالح هاذو هو لي تكلف بيها سڨمها جاز سباق وسباق وكلما تتخسر زين يعدلها حتى لحق نهار الحادث تأكد منها قبل السباق صرا الحادث هذاك كان راح يدي أرواح صحابو بقى يلوم في نفسو ويقول منستاهلش صداقتهم وحط كل الأسباب على نفسو مور الغيبوبة فات فاق غيث طلب منو سماح غيث تفهمو لكن لما ستسمح أسيف بعد ما فطن متفهموش بالعكس عاتبو لانو بالمختصر زاد على مابيه مور هذا زين بقى يحوس على الأسباب لقى بلي لعبو في الطونوبيل أكيد واحد من المنافسين ولي ساعدهم طبيعة النهار هذاك مخلاش الشرطة ولاحتى أي واحد يفكر بلي لعبو بيها ..

رجع ليهم ودليل في يدو لكن أسيف صدو محبش يفهم منو بلاك كي عرف روحو غالط في حقو الاعتراف بغلطو جاه صعيب مور هذا قرر زين يهجر لبلاد من هذاك النهار مزادش لحقهم خبرو حتى لنهار اليوم.......

   الـــــعــودة للحـــــاضــر
زين قعد في الكرسي وحط رجل فوق رجل ويدو دور على لحيتو تكلم:نشوف وجوه جديدة معاكم شكون الكرامال لي معانا(يقصد تاليا)

تبسمتلو:تاليا..

حرك راسو:تاااليااا اسمك شباب ...شد فرشيطة وأشار لدينيز: وصاحبت عنين لزروقة ..

حتى دينيز تبسمتلو ماشي عارفة علاه فرحانة بوجودو قالت:دينيز..

طاحت الفرشيطة من يدو في الارض(علاه كتبت طاحتلو مش عافة كيما انتوما مستغربين ...نكذب نكذب أنا علابالي هههه)

حمحم بتوتر ستغربو من الجاست تلفها بضحكة :دينيز ممم بالتركية يعني لبحر...حتى عينيك زرقتهم كيفو..

دينيز:على حساب علمي يعني لبحر آآآه

عدل أسيف جلستو بدى يجبد مواضيع يحب يلهيه على دينيز أما زين عينيه مش حابة تخليها براحتها ...

جازت الأمسية هذيك يشوفو في أخبار بعضاهم بلاما تخلى القعدة من فوكاهاتهم ومغامرات زين لي كان يرويهالهم ....

                    #أريـــولة
______________________
مسااااءوووو بنااات مزاااال بارت نحطو 😚💓
شرايكم في الماضي ؟ والعلاقة تاع زين بيهم ؟ توقعااااتكم 💋 فوت في طريقكم ....~