أنتِ أنثى (باللهجة الجزائرية)

الحلقة 54

طاح ليل و الوقت تأخر بزاف ﻛﻤﻠﺖ ﺩﻳﻨﻴﺰ ﺍﻟﺘﺪﺭﻳﺐ ﻣﻊ أﺳﻴﻒ لي كان متعب بالنسبة ليها لدرجة كبيرة وجسمها كلو يوجع من الضربات لي خذاهم ﺭﺍﺣﺖ ﺗﺒﺪﻝ ﺣﻮﺍﻳﺠﻬﺎ ﻛﻲ كملت ﺗﻔﺎجأت ﺑﺰﻳﻦ
لي ما ﻋﻠﺒﺎﻟﻬﺎﺵ ﻭﻳﻦ ﺧﺮﺟﻠﻬﺎ
ﺩﻳﻨﻴﺰ:ﺯﻳﻦ ﻭﺍﺵ ﺟﺎﺑﻚ ﺟﻴﺖ ﺗﺸﻮﻑ ﺍﺳﻴﻒ

ﺯﻳﻦ:ﻻﻻ ﺟﻴﺖ ﻧﺸﻮﻓﻚ ﻧﺘﻲ

ﺩﻳﻨﻴﺰ:ﻏﻴﺮ ﻟﺨﻴﺮ ﻭﺍﺵ ﺗﺤﻮﺱ ﻣﻦ ﻋﻨﺪﻱ
ﺑﺪﺍ ﺯﻳﻦ ﻳﻐﺰﺭ ﻓﻴﻪ ﻏﺰﺭﺍﺕ حزينة 

ﺩﻳﻨﻴﺰ:ﻭﺍﺷﺒﻴﻚ ﻋﻼﺵ ﺭﺍﻙ ﺗﻐﺰر ﻓﻴﺎ ﻫﺎﻙ

ﺯﻳﻦ:ﺩﻳﻨﻴﺰ ﺳﻤﺤﻴﻠﻲ

ﺩﻳﻨﻴﺰ:ﻋﻠﻰ ﻭﺍﺵ ﻧﺴﻤﺤﻠﻚ

ﺯﻳﻦ:ﻋﻠﻰ ﻫﺬﻱ...

ﺧﺮﺝ ﺯﻳﻦ ﻣﻦ ﻏﺮﻓﺔ ﻭ ﻏﻠﻖ لباﺏ ﻋﻠﻰ ﺩﻳﻨﻴﺰ ﻭ ﻛﻤﻠﻬﺎ ﺯﺍﺩ ﻃﻔﺎ اﻟﻀﻮ..ﺑﺪﺍﺕ ﺩﻳﻨﻴﺰ ﺗﻌﻴﻂ ﻭ ﺗﺨﺒﻂ ﻓﻲ ﻟﺒﺎﺏ

ﺩﻳﻨﻴﺰ:ﺯﻳﻦ ﺍﻓﺘﺢ ﺍﻟﺒﺎﺏ ﺧﺮﺟﻨﻲ ﺗﻌﻴﺶ ﺯﻳﻴﻴﻴﻦ....زيييين ماديرش فيا هكا ..خرجني من هنا ...ياااا زييييين 

دموعها بدات تسيل ويدان حاولت قد ما تقدر متخممش في حاجة خايبة و باش ميحكمهاش الاضطراب من جديد الظلمة كانت زيت لي خلات دينيز ترعش من الخوف هي بطبيعتها تخاف منو خلات مخيلتها تهيألها أشكال غريبة عجيبة دخلت الخوف لقلبها غمظت عينيها ترفض فيهم وقوات في صياحها فجأة تفكرت حاجة كأنها صرات معاها وهي صغيرة في وقت لي كانت وسط عيلتها 
كأنها كانت في قبو تاع دار وكان ظلام كانت خايفة بصح يدين تحوطو عليها غمروها خلاوها تهدى ...
رحة لي كانت في كمام اليدين مزالت عاقلة عليها وكأنها تصرى معاها دوك ...ضمت يديها لصدرها باه تهدى وتبقى غير في هذي اللحظة لي حست روحها فرحت كي تفكرتها ....

أﺳﻴﻒ كان يبدل في حوايجو هو تاني ﺳﻤﻊ ﺻﻮﺕ ﺩﻳﻨﻴﺰ ﺗﻌﻴﻂ ﺭﺍﺡ ﻳﺠﺮﻱ ﻳﺸﻮﻑ ﻭﺍﺵ ﻛﺎﻳﻦ ﺷﺎﻑ ﺯﻳﻦ ﻗﺪﺍﻡ ﺍﻟﺒﺎﺏ ﻭ ﺍﻟﺒﺎﺏ ﻛﺎﻥ ﻣﻐﻠﻮﻕ ﻋﻠﻰ ﺩﻳﻨﻴﺰ ﺭﺍﺡ ﻳﺠﺮﻱ طبع زين بعيد حتى ختل توازنو وجا طايح ﻓﺘﺢ ﻟﺒﺎﺏ ﻟﻴﻬﺎ وشعل الضو ...

أسيف :ﺩﻳﻨﻴﺰ راكي مليحة ؟

خايف عليها خاصة كي لقاها ضامة روحها تنفضت دينيز حلت عينيها تستوعب في صرا و لي يصير دوك ..
حظنها أسيف يطمن فيها 
أسيف : ياك صفا مابيك والو ..

هزت دينيز راسها طمنو ﺷﺎﻑ أﺳﻴﻒ فيها وحكى 
أسيف :يصرا واش يصرا متدخليش تعابير

وجها دل على أنها مفهمتش أما هو راح وخلاها واقفة 
عيونو حمارت كيفاه زين يدير هكا كيفاه يتصرف هكا؟ عصب كثر من لي كان ﺩﺍﺭ ﻟﺰﻳﻦ حكمو من تريكو أنتاعو ﺿﺮﺑﻮ ﻟﻜﻤﺔ ﻋﻠﻰ ﻭﺟﻬﻮ ﻭ ﺯﻳﻦ ﻣﺎﺩﺍﺭ ﻭﺍﻟﻮ تف الدم لي تسرب منو وبقى ساكت ﺍﺳﻴﻒ حسو يستفز فيه ﻗﻌﺪ ﻏﻴﺮ ﻳﻀﺮﺏ ﻭ ﻳﻀﺮﺏ ويعيط ويسب مهداش ﺣﺘﻰ ﺩﻳﻨﻴﺰ ﺷﺪﺍﺗﻮ
ﺩﻳﻨﻴﺰ:ﺣﺒﺲ ﺧﻼﺹ خلينا نخرجو ﻣﻦ ﻫﻨﺎ ﺗﻌﻴﺶ

ﻭﻗﻒ ﺯﻳﻦ ﻭ ﺑﺘﺎﺳﻢ ﻭﺍﺣﺪ 
ﺍﺑﺘﺴﺎﻣﺔ ﻣﻦ ﺑﻌﺪ ﺧﺮﺝ..ﺍﺳﻴﻒ ﺷﺪ ﺩﻳﻨﻴﺰ وخرجو هوما تاني ...

                    #أريـولة
___________________
هذي هي الثانية أيا تهلاو غدوة ان شاء الله❤