أنتِ أنثى (باللهجة الجزائرية)

الحلقة 40

رجعت للغرفة غلقت الباب وهي تنهج ترجع نفسها صدرها طالع حابط تقول شي كانت في سباق سرعة لعرق مجمع في جبهمتها تكات على الباب تستند عليها باش مطيحش حست رجليها فشلو من الموقف لي صرا رجعت شعرها للور وهي تسترجع في الاحداث لي صرات هذاوين معاه حركت راسها بسرعة كبيرة تطرد في الافكار المسوفجة لتنسج فيهم في مخيلتها رجعت للفراش غمضت عينيها وعاودت غفات....

أسيف لبس حوايجو ديال السبور دار الكاسك في وذنيه وراح لصال دو سبور يتمم تدريباتو ..

بعد مدة دخلت ريمان تفيق فيها حكت عينيها تستوعب اذا لي جرا كان صح ولا كان من حلم برك ...

ريمان:صباح الخير ..دندون ..رانا نستناو فيك باه نفطرو أغسلي وأنا بيدما تكملي تلقايني جيت عندك 

دينيز:صباح الفل اييه راني نايضة برك مديلي حوايجي نلبسهم ..

ريمان:راهم في الخزانة ..

دينيز :أوكي مرسي .

حبطت قعدت معاهم بقاو غير يلحقولها في الماكلة حتى نخرطت (كيما تقول ماما) عجبتها العايلة انتاع ريمان بزاااف رغم أملاكهم وثروتهم ومكانتهم إلا أنهم متواضعين وبسطاء كي كملو فطورهم راحو لليسي وفي طريقهم لليسي دينيز عقلها كلو في أسيف واش يقرب ريمان حشمت تسقسيها وهي كشما تفهمها بعد صراع بين قلبها لي راه حاب يعرف واش يقربلها وعقلها لي يقوللها أخطيك قررت تسألها ..

دينيز: ريمان واش يقربلك أسيف؟

ريمان : وعلاه أنت تعرفيه؟

دينيز :ماشي نعرفو نعرفو وماشي مانعرفوش كامل بين هاذي وهذي ..

ريمان:امممم وين شفتيه ؟؟ هو راه كي هلال رمضان منشوفوهش قريب نخار كامل والبارح أنت كنت راقدة كي جا هو وانا هلى حساب ماني عارفة حتى مرة ما جيدتنا هدرة وهدرنا عليه..

دينيز: بفففف أنا لاه رايحة نسقسي فيك أعطيتك سؤال ساهل ماهل واش يقربلك أسيف ..وأنت قاعدة ديريلي إستجواب هنا ..

ريمان :خلاص خلاص يحرزلي دندون كي تزعف علابلك كيفاش تولي لوكان تشوفي روحك تنخلعي ..

تولي هكا بدات تعوج في وجها منظرها كان يضحك دينيز مقدرتش تشد روحها بدات تضحك ..
ريمان دارت روحها زعمة تخمم :اممم واش يقربلي أسيف واش يقربليييي

دينيز قلبت عينيها:خلاص بطلت محبيتش نعرف ...

راحت ماشية تبعتها ريمان تجري وحظنتها من اللور :أسيف خويا ..

بعدت عليها ورجعت تخزر فيها تحاول تقرا تعابير وجها فجأة تفكرت تغير لي صرا في تصرفات أسيف قفزت وهي تسفق وتسوغ:ماتقوليليش أنت و أسيف...قبل ماتكمل واش راح تهدر قاطعتها 

دينيز :مكانش حاجة أسمها أنا و أسيف رانا وصلنا لليسي أقفلي عليا هذا السوجي بسك نعرفك كيفاه دايرة 

حطت ريمان يدها على فمها :راني سكت 
في هذي الأثناء كانت تاليا في مكتب ألاء تفرك في يديها بتوتر وتجول بعينيها في كل زاوية من المكتب ألاء عرفت بلي مزالت مترددة لذلك هي لي تبدى الحوار تطمنها باه تقدر تحكيلها ..

ألاء: تاليا مرحبا بيك عندي ..

تاليا:مرسي ..علابالك ماجيتش باه نسقسي عليك ولا انت تسقسي عليا على هذي قوليلي واش حابة تعرفي قبل منتراجع راني قاعدة هنا بالسيف..

ألاء :المفيد نعرف كلش 

تاليا :منين نبدالك؟

ألاء:منين حبيتي ..

                     #أريولة
_____________________
توقعاااااااتكم بنااااات واش راح تحكي تاليا ؟!
واش يصرا منا للقدام ؟!
بارت قصير عارفة مي نحاول نطول في الباقي الله غالب هذا واش نقدر نكتب 😅
متنساوش الفوت أقل من 10 منحطش البارت لي كان قبل تاني متنساوش اذا كومنتيتو فوتيتو كاش 20 كي الفرولات الشاطرات وطلعتولي المورال شوية غدوة نحطلكم ثلاثة لبارت 😍
تصبحو بخير وتشاو باي في لامان 😍