أنتِ أنثى (باللهجة الجزائرية)

الحلقة 47

اليمات هاذوك جازو عليها كحولة وأي شي تعملو يفكرها فيه تالمو تقريبا ايمها كلها معاه والفت قربو منها خاصة في تدريباتها أخبارو مقطعوهاش تضل تبع فيهم من هاتفها وتشوف كل مباراياتو مع غيث وتاليا و ريمان يتفاهمو يتلاقاو ويتفرجو ويشجعوه قبل أي مبارات يعملها اتصالاتهم ببعض منقطعتش أسيف كلما يتوحش صوتها يعيطلها يسقسيها على أخبارها وهي قلبها باه يحلق فرحان لأنو منسهاش ومزال دايرها في بالو آخر إتصال بينو وبينها قاللها موجدلك حاجة باه تفرحك و أنا متأكد باش تعجبك وبقى يوصي فيها على تدريباتها باه ميتراجعش مستواها هو وصل للمرحلة ماقبل النهائي تحس روحها مفتاخرة بيه أسمو ولى معروف ومباراياتو دارو صدى كبير في الساحة ولاو الناس كلهم يحكو عليه مذابيها لي تلقاه تقولو هذا الكوتش ديالي ...

مبقالوش بزاااف ويرجع بهذي الجملة راها تصبر روحها تحسب في اليامات بالساعة ماشي عارفة علاه تعلقت بيه هكا كيفاه وكتا ؟؟ 

كانت في غرفتها تدرب على ديك الحركة الصعبة تحاول ترجع ساهلة بالنسبة ليها
من تدريباتها الكثيفة خلات عضلات جسمها تبرز صدرها ولاريال أنتاعها مشدود وزاد جسمها تنحت أهم معلام أنوثتها حتى جاتها ريمان تعيط ...

ريمان: دندووووون 

دينيز:سملله الرحمان الرحيم شبيك تعيطي والله غير نسمع تحسابك طرشة 

ريمان:عارفة بلي تسمعي أما كومبة النهائية تاع أسيف قريب تبدا أرواحي تتفرجي...

دينيز حبطت وقفت على رجليها: مي مزال عليها 3 يام ....

ريمان :متبعة الاخبار بسلامتك مي هاذوين عيط لغيث وقالو قدموها ...

دينيز :أوكي راني جاية ...

تجمعو في صالون في دارهم دينيز بدات المبارات والخصم تاع أسيف اللخر الظاهر في وجهو مش ساهل دخلو للحلبة يدات المبارات وكيما توقعت دينيز مكانش ساهل قعدت تراقب في المبارات بتدقيق وتخمم كيفاه راح يدير أسيف باه يربح بدات تخمم بالطريقة لي خمم بيها حتى هو ماشي ساهل وهاذي ماشي لمرة لولة لي يشارك والحركات لي قالتهم في نفسها طبقهم أسيف أما كأنو خصمو متأثرش بزاف دب الخوف في ضلوعها كيفاه باه يدير بدات تفرفش في شعرها بعصب لأنو كل محاولات أسيف كانت فاشلة وضرك الخصم بدا يبرز في عضلاتو وبين قوتو ...

أسيف راه يتلقى في الضربات وعقلو يخمم واش باش يعمل ضربو جابو طايح في الارض دازت بين عينيه دينيز وقوة إصرارها كبس على روحو ماشي وقت الضعف و الاستسلام جاز كلامها في راسو "أسيف بون كوراج أرواح ومعاك الميداي وكاس العالم "بلاما ينسا هدفو الأول باه ينجح هو باباه لي وعد نفسو باه يرجع ليه وهو بطل العالم قوة روحو بهاذي الأفكار بعد ماجرب كل لي يعرفو وشاف الخصم متأثرش بزاف زاد لكم لكماتو وستهدف مناطق خرا لي كانت نقاط ضعفو قضى عليه بالضربة اللخرة لي كانت القاضية ونتهت المبارات برن الجرس وفوز أسيف خزر جيهت الكاميرة تبسم حك مؤخرة راسو يقلد دينيز وغمز بدات تتبسم من شوفتو في شاشة التلفاز قريب تبوسها من الفرحة تصفار غيث عبى البيت وصوت ضحكاتهم وعيادهم دليل على كمية الفرحة لي تحملها قلوبهم

             فــــي دار أخـــــرى 
كان قاعد في بيروه يتفحص المواقع الاخبارية كلهم يحكو على إنجازو وفخورين أنو من بلادهم دمعت عينو مسحها بسرعة ..

كمل يقرا كل موقع بتأني منغمس مع كل كلمة إطراء وفخر فيهم في وجهو تبسيمة مزيناتو ...

لكن فرحتو محصورة كان مع هذوا الربع حيوط لامن شاف لامن ديري....

في صالون كانت وعد تحظن في بقاء وخوه فرحانة بزاااف بوليدها وتقول هذا السبع لي ولاداتو كرشي عرفت مراحش يخيبنا طول عمرو فحل ...

جازت ليلة سعيدة على كل واحد من أبطال وأفراد قصتنا...

                     #أريــولة
____________________
مسااااءوووو حبيباتي 😘 واش راكم ؟
جـمعـة مبـاركـة علـيكـم ❤

فوت في طريقكم و تعليقاتكم بين الفقرات 😍 بلامنوصي ....~