كملت دينيز الدوش لبست تريكو (لاكوست) في الابيض وسروال جين مطبقاتو من التحت عراض كي العادة وبسكات (لاكوست) تاني نشفت شعرها بالسغبيات مشطاتو وكي جات باش تربطو ملقاتش ربطة لشعرها ولات خلاتو مطلوق وحبطت للكوزينة .
تاليا: نحطلك تتغداي .
دينيز: أنت تغديتي؟
تاليا: كنت نستنا فيك.
دينيز: إيه حطي همال .
حطت بداو يتغداو وعنين تاليا حابة تسقسيها واش صرالها .
دينيز فهمتها ولات حكات: شفتي راها تخلع صح؟
تاليا: هذي ضربة صحيحة .
دينيز: حتى أنا عوقت واحد فيهم .
تاليا: واحد فيهم؟! شحال كانو!
دينيز: 3 وزعمة مع لاخر جا واحد يسلكني و أنا كنت قادرة عليهم.
تاليا:3وقادرة عليهم ممم مليح ..باه نقولك لحقت البرية .
دينيز: تاع الإستدعاء؟
تاليا: منعرف واش فيها .
دينيز: لعشية تبان أنا نخرج نشري ربطات لشعري لي كانو عندي منعرف وين راهم تخرجي معايا؟
تاليا (الضحكة شادتها بسيف بسك هي لي خباتهملها ): لالا عندي إكزامة غدوة نروح نريفيزي.
دينيز: ربي ينجحك راني ماشية تاليا: طريق سلامة وشعرك راه يهبل سغتو كي راه مشمخ.
دينيز : تااااااليااااا
تالياهربت تجري وقالت:أيما على البوبية انتاعي كي تحشم لوكان برك تبدلي لبسة.
دينيز: لوكان نحكمك (شكلت يدها على شكل بوكس ورفعتها جيهتها كشغل باه تضربها)
بعدما خرجت من الدار بتاسمت من الفازة لي دارتهالها تاليا تعرفها تحبها وتعزها وحلمها تشوفها تعيش وتحلم كيما باقي لبنات ومتتصرفش على أساس أنها طفل ركبت vيلوها ونطالقت تسوق فيه شمس تاع العشية تحرق ديراكت تضرب فيها حست بسخانة ولعطش حبست قدام كافيتيريا حابة تشري عفسة تبرد بيها.
نرجعو لأسيف حبطو من الطونوبيل بعد ما ركنوها في طرف الطريق دخلوا للكافي قعدوا في طابلة جا الڨارسون دا طلباتهم ثوان حظر واش حبوا بداو يڨصروا على قرايتهم وشوية مواقف صراتلهم في الماضي نولو لدينيز دخلت للكافيتيريا ﻭﻗﻌﺪﺕ ﺗﺤوﺱ ﺗﺸﺮﻱ ﻫﻲﻫﺎﻛﺎﻙ غيث شافها مي أسيف لالا بسك كان عاطيها بالظهر ...نتبهلها واحد من ليكليو لي لفتت أنظاروا وحب يتبلاها .
الراجل: واش زين باينة عليك شبعت بوسان وحوايج خرين شعر مشمخ لبسة ماشي أنتاعك ...شحال راكي للواحد !
يهدر بالصوت العالي حتى لي في الكافي كامل خزروا فيها ومن بينهم أسيف لي حتى لضرك باه أنتبهلها.
أسيف: هذي ماشي نفسها تاع الصباح؟
غيث: وي هي دينيز ولات تغلي من هدرتوا هدرت وهي مزيرة على سنيها: راك معايا (شارة بصباعها لنفسها)
الراجل: شكون من غيرك لي تنطابق عليها هذي المواصفات هنا .
(ولوح بيديه على لكافيتيريا كاملة لي بدات تضحك تضحك ولي شفق عليها شفق ولي بدا يلوحلها في كلام ميتسمعش ) دينيز ولات كي لبركان الهايج رمات يدها للكورسي رفداتو لسما وخبطاتو بيه بكل قوتها لي تما كامل نخلعوا من التصرف انتاعها راحت لوحدة كانت تضحك شدتها من شعرها ورماتها في لارض هداك لي ضرباتو بالكورسي ناض يرجعلها الضربة خنزرت فيه .
وقالت: كي ياكلك فمك مرة خرة حكو متزيدش تهدر هدرة خاطياتك .....عطاتو بوكس حتى وجهو دار .....وحكمت لي هدر هدرة خاطية من لكول شميز شرايك نديك نعوق جدك ريحت ذراري متشمهاش و باطل من عندي الشباب وغمزتلوا ....
بقى مخلوع من جرأتها أسيف بزقت(حاشاكم)في وجه هذاك لي كانت شداتو ....حكمها هذاك لي عطاتو بوكس من يدها
قال: هذاك واش كان خصني فرخة كيما أنت تجي تضربني ...
خزرت فيه بتحدي وقالت: الفرخة هذي تعلمك الرجولة لي راها ناقصاتك ...
عيط في وجها ...
كملت قالت: متزيدش تهدر في بنات ناس بسك قادر تدي المخبط وأنت ساكت ...
هي صح قلبها يخبط وراها خايفة مي فمها سابقها وكلام لي مينهدرش لي يغلط امعاها تسمعهملو ومعندها حتى مشكل ....ناض لي بزقت عليه(حشاكم) نحاهالو من يدوا ...هنا ناض أسيف وراح لعندهم ..دنا بخطوات وهو يسقسي في روحو لاه نايض واش دخلو فيها أصلا........يتبع
#أريولة
_________________
الحلقة طويلة شوية يعني تسقي مشي كيما العادة و الحلقات الجايين نحاول يكونو طوال نوعا ما ان شاء الله 😊
نتمنى تكون الحلقة عجبتكم فرولاتي مزال أحداث تستنى و أسرار تنكشف كونو في المتابعة ونتمنى يزيد التفاعل عليها ❤💓
بلا منوصيكم كومونتيو بين الفقرات لأني نحب نقرا كومونتاراتكم 😍 كيما تعرفو أي إنتقاد راني في الإستماع فوت في طريقكم 10على الأقل في خاطري 😊 مبقالي غير نقوللكم تشاو في لامان 👋
حقا يخص زوج فوت في الحلقة 17 في كورو من يومياتي أنا وضرتي و غاجلنا جاد و تنزل بعدها الحلقة الأخيرة لي مدارتش فوت تروح دير 💋
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
