ﺩﺧﻠﺖ ﻟﻠﻴﺴﻲ ﺗﺤﺲ ﻛﻞ ﺍﻷﻧﻈﺎﺭ ﻋﻠﻴﻬﺎ ﺻﻮﺕ ﺩﻗﺎﺕ ﻗﻠﺒﻬﺎ ﻣﺴﻤﻮﻋﺔ ﻗﻌﺪﺕ ﺗﻤﺘﻢ ﺑﻜﻠﻤﺎﺕ ﺗﺸﺠﻊ ﻓﻲ ﺭﻭﺣﻬﺎ ﺗﻜﻤﻞ ﺗﻤﺸﻲ ﺧﺰﺭﺕ ﻓﻲ ﺍﻟﺘﻼﻣﻴﺬ ﻛﺎﻣﻞ
ﻻﺑﺴﻴﻦ ﻟﺒﺎﺱ ﻛﻴﻒ ﻛﻴﻒ ﻟﺒﻨﺎﺕ ﺟﻴﺐ ﻗﺼﻴﺮ ﻓﻲ ﺍﻻﺑﻴﺾ ﻣﻊ
ﺷﻤﻴﺰ ﺃﻛﺎﺭﻭ ﺑﺎﻟﻨﻮﺍﻍ ﻭ ﺍﻻﺑﻴﺾ ﻭﻓﺎﺳﺖ ﻧﻮﺍﻍ ﻣﻜﺘﻮﺏ ﻓﻲ ﺟﻨﺒﻬﺎ ﺃﺩﻳﺪﺍﺱ ﻭ ﺍﻟﺬﻛﻮﺭﺓ ﺳﺮﻭﺍﻝ ﺑﻴﺾ ﺷﻴﻤﻴﺰ ﺃﻛﺎﺭﻭ ﻧﻔﺲ ﻟﻮﻥ ﻣﻊ ﻓﺎﺳﺖ ﻧﻮﺍﻍ ﻛﺎﻣﻞ ﻋﻴﻨﻴﻬﻢ ﻋﻠﻴﻬﺎ ﺑﺎﻳﻦ ﻓﻴﻬﺎ ﺟﺪﻳﺪﺓ ﻋﻨﺪﻫﻢ ﺍﺳﺘﻐﺮﺑﻮ ﻣﻦ ﻟﺒﺎﺳﻬﺎ ﺍﻟﺬﻛﻮﺭﻱ ﻭﻃﺮﻳﻘﺔ ﺍﻟﻤﺸﻴﺔ ﺍﻧﺘﺎﻋﻬﺎ ﺷﻌﺎﺭﻫﺎ ﻃﻤﺎﺗﻮ ﻃﻮﻣﺎﻃﻴﺸﺔ ﻭﻣﻦ ﺗﻮﺗﺮﻫﺎ ﺗﺤﻚ ﻣﺆﺧﺮﺓ ﺭﺍﺳﻬﺎ ﻭﻫﻲ ﺗﻤﺸﻲ ﻣﺎﺷﻲ ﻋﺎﺭﻓﺔ ﻣﺶ ﻟﺠﻴﻬﺔ ﺗﺪﻳﻬﺎ ﻟﻤﻜﺘﺐ ﺍﻟﻤﺪﻳﺮ ﻣﺎﺗﺤﺲ ﻏﻴﺮ ﺑﻴﺪ ﻧﺤﻄﺖ ﻓﻮﻕ ﻛﺘﺎﻓﻬﺎ ﻭ ﺻﻮﺕ
ﺭﻗﻴﻖ ﻳﺤﻜﻲ ﻣﻌﺎﻫﺎ
ﺍﻟﻤﺪﻳﺮﺓ: ﺃﻛﻴﺪ ﺃﻧﺖ ﺩﻳﻨﻴﺰ
دﺍﺭﺗﻠﻬﺎ ﻭ ﻫﺰﺕ ﺭﺍﺳﻬﺎ ﺑﻤﻌﻨﻰﻧﻌﻢ
ﺍﻟﻤﺪﻳﺮﺓ : ﺃﻧﺎ ﺍﻟﻤﺪﻳﺮﺓ ﺟﻤﻴﻠﺔ ﺗﻔﻈﻠﻲ ﻣﻌﺎﻳﺎ ﻟﻠﻤﻜﺘﺐ ﻧﺤﻜﻮ ﺗﻤﺎ ﻋﻠﻰ ﺭﺍﺣﺘﻨﺎ
ﺩﻳﻨﻴﺰ ﺭﺗﺎﺣﺖ ﺷﻮﻳﺔ ﻭﺣﺴﺖ ﺩﻗﺎﺕ ﻗﻠﺒﻬﺎ ﺑﺪﺍﺕ ﺗﺮﺟﻊ ﻟﻮﺿﻌﻬﺎ ﺍﻟﻄﺒﻴﻌﻲ ﺗﻜﻠﻤﺖ ﺑﻬﺪﻭء: ﻣﺘﺸﺮﻓﻴﻦ ﻳﻜﻮﻥ ﺃﺣﺴﻦ ﻟﻮﻛﺎﻥ نحكيو ﻓﻲ ﺍﻟﻤﻜﺘﺐ
ﻓﻲ ﻃﺮﻳﻘﻬﻢ ﻟﻠﻤﻜﺘﺐ ﻭﺭﺍﺗﻠﻬﺎ ﺍﻟﻜﺎﻓﻲ ﺗﺎﻉ ﻟﻴﺴﻲ ﻭﺍﻟﻤﻜﺘﺒﺔ ﻭ ﺻﺎﻟﺔ ﺍﻟﺴﺒﻮﺭ ﻭ ﺍﻟﻘﺴﻢ ﻟﻲ ﺭﺍﺡ ﺗﻜﻤﻞ ﺗﻘﺮﻯ ﻓﻴﻪ ﻭﺻﻠﻮ ﻟﻠﻤﻜﺘﺐ ﻗﻌﺪﺕ ﺍﻟﻤﺪﻳﺮﺓ ﻓﻲ ﻣﻜﺘﺒﻬﺎ ﻭﺩﻳﻨﻴﺰ ﻓﻲ ﺍﻟﻜﺮﺳﻲ ﻟﻤﻘﺎﺑﻞ ﻟﻴﻬﺎ ﺑﺪﺍﺕ ﺍﻟﻤﺪﻳﺮﺓ ﺗﻌﻄﻴﻠﻬﺎ ﻓﻲ ﺗﻌﻠﻴﻤﺎﺕ ﺗﺎﻉ ﺍﻟﻤﺆﺳﺴﺔ
اﻟﻤﺪﻳﺮﺓ: ﺩﻳﻨﻴﺰ ﺑﻨﺘﻲ ﻫﻨﺎ ﻛﺎﻳﻦ ﻗﻮﺍﻧﻴﻦ ﻻﺯﻡ ﺗﻘﻴﺪﻱ ﺑﻴﻬﻢ ﻭ ﺃﻭﻟﻬﻢ ﺍﻟﺰﻱ ﺍﻟﻤﺪﺭﺳﻲ ﺇﺟﺒﺎﺭﻱ ﺃﻧﺎ ﻣﻨﺘﻘﺒﻠﺶ ﻟﺒﺲ ﻋﺎﺩﻱ ﻭﺍﺫﺍ ﻭﺍﺟﻬﺎﺗﻚ ﺃﻱ ﻣﺸﻜﻠﺔ ﺃﺭﻭﺍﺣﻲ ﻟﻴﺎ ﺃﻧﺎ ﻧﺘﺼﺮﻑ ﺃﻧﺎ ﻧﻈﻤﻨﻠﻚ ﻫﻨﺎ ﻣﺮﺍﺣﺶ ﺗﻮﺍﺟﻬﻲ ﻣﺸﺎﻛﻞ ﺑﺴﻚ ﻛﻠﻬﻢ ﻣﺘﻔﺎﻫﻤﻴﻦ ﻭﻭﺍﻋﻴﻴﻦ ﺭﺍﺡ ﺗﺮﺗﺎﺣﻲ ﻣﻌﺎﻧﺎ ﻭ ﺍﻥ ﺷﺎء ﺍﻟﻠﻪ ﺗﺠﻮﺯ ﻫﺬﻱ ﺍﻟﻔﺘﺮﺓ ﻣﻠﻴﺤﺔ ﻋﻠﻴﻚ
ﺩﻳﻨﻴﺰ: ﺑﺎﻳﻦ ﻋﻼﺑﺎﻟﻚ ﺑﻜﻞ ﺍﻟﻤﺸﺎﻛﻞ ﻟﻲ ﻛﻨﺖ ﻧﺪﻳﺮﻫﺎ ﻭﻛﻠﺶ ﻛﻠﺶ ﻣﻲ ﻣﺬﺍﺑﻴﺎ ﺍﻟﻬﺪﺭﺓ ﻫﺬﻱ ﺗﺒﻘﻰ ﻫﻨﺎ ﺭﺍﻧﻲ ﺣﺎﺑﺔ ﻧﺒﺪﻯ ﻣﻦ ﺟﺪﻳﺪ ﻭﺣﺘﻰ ﺣﺎﺟﺔ ﻣﺎ ﺗﺘﺒﻌﻨﻲ ﻣﻦ .ﻟﻴﺴﻲ ﻟﻲ ﻓﺎﺕ
ﺍﻟﻤﺪﻳﺮﺓ: ﺣﻨﺎ ﻧﺤﺘﺎﻓﻈﻮ ﺑﺄﺳﺮﺍﺭ ﺍﻟﻄﻼﺏ ﻣﺘﺨﺎﻓﻴﺶ ﺗﺼﺮﻓﻲ ﺑﻜﻞ ﺃﺭﻳﺤﻴﺔ ﺩﻭﻙ ﺗﻘﺪﺭﻱ ﺗﺮﻭﺣﻲ ﻟﻠﻘﺴﻢ ﺍﻧﺘﺎﻋﻚ ﻭ ﺍﻟﻠﺒﺎﺱ ﺍﻟﻤﺪﺭﺳﻲ ﻟﻌﺸﻴﺔ ﻳﻠﺤﻖ ﻟﺪﺍﺭﻛﻢ ﻏﺪﻭﺓ ﻣﺬﺍﺑﻴﺎ ﺗﺠﻲ ﺑﻴﻪ.
ﺩﻳﻨﻴﺰ: ﻧﺮﻭﺡ ﻟﺤﻤﺎﻡ ﻗﺒﻞ ﻭﺑﻌﺪﻫﺎ ﻧﺮﻭﺡ ﻟﻠﻘﺴﻢ ﺍﺫﺍ ﺗﺴﻤﺤﻴﻠﻲ ﻭﻣﻦ ﺟﺎﻧﺐ ﺍللبسة ﻧﺤﺎﻭﻝ ﻧﺠﻲ ﺑﻴﻬﺎ
ﺍﻟﻤﺪﻳﺮﺓ: ﺃﺭﻭﺍﺣﻲ ﺑﻴﻪ ﻣﺎﺷﻲ .ﺗﺤﺎﻭﻟﻲ ﺍﻟﻠﺒﺎﺱ ﺇﺟﺒﺎﺭﻱ
ﻫﺰﺕ ﺭﺍﺳﻬﺎ ﺣﺎﺷﻤﺔ ﻭﻗﺎﻟﺖ: ﺇﻥ ﺷﺎء ﺍﻟﻠﻪ
ﺍﻟﻤﺪﻳﺮﺓ :ﺗﻘﺪﺭﻱ ﺗﺘﻔﻀﻠﻲ
#أريولة
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
