غيث: هذي على حساب الشوفة لازمها ميكانيسيا .
أسيف: هذي المرة الثالثة لي نوضوها وماتنوضش .
غيث: أيا قريب نوصلوا لدار امشي نكملوها نمشو
أسيف: ااه اصبر نجيب تيليفوني ......مشاو مترات
غيث: يادرا لعجوز واش نلقاوها طيبت لغدا
أسيف : أنا بديت نجوع
غيث: اصبر اصبر واش راه صاري هنا !!
أسيف: هذيك لي في الوسط طفلة لالا
غيث: ايه طفلة راهم يحوسو يدناو ليها هاذو؟
أسيف: منعرف ......
وقعدوا يتفرجوا في دينيز والجماعة هذيك
دينيز: مكفاكش الضرب تع نهار لخميس الشباب 😉
الطفل: هذي الهدرة راح تستقاملك غالية علابالك😏
دينيز: تعرفني راح نخاف بهاذي الهدرة بعد بعد من طريقي أنا منضيعش وقتي مع الذر لي كيما أنتوما
الطفل 2: شوف لهدرة ياه تعرفي راني حاب نكرفصلك هذاك لوجه
دينيز: أنت غير سكت الضرب تاع نهار الاثنين مزال مبردش على لحمك عينك مزالت زرقة ايدا راك حاب نعميك معندي حتى مشكل .😉
الطفل3:بلا هدرة زايدة هذا واش بقى خنفوسة كيما أنت تجي تترجل علينا .
دينيز: كون راجل ودربني ايدا مخرجتش معوق منتسماش دينيز.
حبطت من vيلوها وحطت سكادو في الارض وقعدت تخزر فيهم واحد بواحد تتفكر في صغرها بضبط في هدرتهم كي يسقسوها والديك وين راهم ويضحكوا عليها وهي تقوللهم ماعليش بصح عندي عمي وعندي طاطا تقول وتعاود فيها وهي تبكي وهما يحبوا يستفزوها مالڨري علابالهم بلي يتيمة وماعندهاش خاوتها لي يدافعو عليها ولا حتى ولاد عمها متيقنين بلي مراحش تعاود واش صرالها معاهم ومراح تشتكي لحتى واحد ...
تتفكر كي كانو ينحولها الدراهم لي كان يعطيهملها عمها وكي متحبش تمدلهم يضربوها وهي على جال داك الضرب تعلمت الجيدو باه ميزيدوش يستقواو عليها درك راها طبق عليهم ومادابيها تضرب وتضرب ...
تقوللهم هكا كنت نحس كي ضربتوني هكا كنت نحس كي ضحكتو عليا بلي يتيمة....
غمضت عينيها وعاودت حلتهم كأنها تطرد الافكار لي يخلوها تتقلق حكت مؤخرة راسها بغضب خنزرت فيهم.
غيث: اااااووووو هذو صح منهم رايحين يدربوها امشي نعاونوها.
أسيف: وحنا واش دخلنا فيهم
غيث: مشي زعمة انت بكسور .
أسيف : أنا بكسور في الحلبة ماشي بكسور شوارع
غيث: الطفلة باينة بلي راح تخرج مدڨدڨة هوما 3 وهي وحدها .
غيث خزر فيه خزرة ترجي ولاو تقدمو لعندهم....
#أريولة
_______________
نزيدلكم بارت ؟!
مدوووولي رايكم و متناساوش فوت في طريقكم وكومونتيو بين الفقرات 😍
دراااااااااجييييييي انت ضباسط في هذي نشبع ضحك كي نقرا تعليقاتك متشوقة 😘
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
