عنوان القصة غير جاذب لكن نقدر نأكدلكم أنو محتواها يهبل 😍 🔥
نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
بــعـد مــرور سـنــوات قاعد في بيروه تاع الصال دو سبور إنتاعو يلعب بالستيلو في يدو يتفرج في آخر الأخبار "الملاكمة دينيز**** وصحبة مجموعة أزياء ***** الخاصة بها مع شريكها غيث ***** يعلنان خطوبتهما بعد غد " طاح ستيلو من يدو إيه أنعم دينيز ولات مصممة أزياء وحلت مجموعة خاصة بيها تجسد شخصيتها ولي تحب عليه كان هي
أسيف :هذو هبلو بالرسمي كيفاش خطوبة ما نقطعلو راسو أنا قلتلو كثرو خرجاتك معاها وهو يقولي عادي نخدمو كيف كيف ...**** شبيه هذا ميردش ن**** حتى من ريمان مترفدش ..
حط التيليفون فوق المكتب ولا بالأصح نقولو خبطو فوق المكتب ناض وبقى رايح جاي فتح الكرفاط امتاعو خبط يديه على فخاذو وبقى يرحي في روحو لوكان يخرج الكلام لي تحط في الأخبار صحيح غيث صحبو محال يطعنو في ظهرو ..
أسيف :غيث ميديرهاش متتقلقش هدي روحك هدي ....وهو يحاول ينقص من نرفزتو سمع تيليفون يصوني لقاها تاليا..
تاليا وهي تشهق : غ..غيث و..و..دينيز باش يخطبو ..بعد غدوة...غيث خلاني يا ..أسيف
الدم جمد في عرقو حار واش يقول وكيف باش يواسيها وهو قلبو حاسو فوق الجمر يتشوا
أسيف : كيفاه هذا هكا وفجأة قررو هكا ؟
تاليا :مش عارفة نعيطلهم واحد فيهم محب يهز عليا ..
أسيف : أنت ريحي و أنا نشوف كيفاه راح نتصرف ..
فرفش شعرو بيديه الزوج باش يطيرو من راسو بقى يتحلف في غيث باه يكسر عضامو لحق نهار الخطبة دينيز كانت تفتق من الروب لي لبستها وتاتها ولكواف لي عاملة غيث بكستيم بلونوي جاي على قيس بالقدا ريمان فراشة الحفلة بروب قصيرة في الابيض جاية معاها تهبل ...
بدات الموسيقى والحضور تقريبا كلهم وصلو باش يبداو مراسيم تلباس الخواتم وتقطيع تارت ...
دخل بكل هروتو وشموخو بملامحو الحادة حدت السيف لابس كوستيم هو الآخر جاه يهبل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لقى تاليا بروب طويلة وغونفلي تاع لي بخنساس وكواف متاع عروسة وغيث بكستيمو لبسو الخواتم لبعض الفرحتهم متتوصفش شافها وهنا زادت دقات قلبو يحس في روحو باغي يحظنها ويشبع منها بعد سنين هذي الكل راح ليهم ودخل وسطهم مع شافوه دهشو ولي كانت في حالة الصدمة دينيز ...
أسيف : باش يخليك غيث ويخطب دينيز هاه ...
تاليا وغيث تغامزو فيما بينهم و طرشقو بالضحك لزوج راح غيث يحضن فيه ويعاود توحشو : لوكان مدرناش هكا ماكش اليوم هنا ..
أسيف : وأنا نسمع لعشيري يخطب ومنشاركوش الفرحة ..
جا زين يمشي ويحكي مع روحو يدور بين المعازيم ويشوف إذا مناقص والو السؤولية كلها عليه : الطابلة هذيك خص ......قبل ما يكمل شاف أسيف
زين :أهلا ..أهلا شوف شكون لي جا ..
أسيف : زين ..
زين : أسمي منستحقوش يخرج من فمك يا****** رايح ومخليها اليوم ****
يهدر وهو لاز على سنيه يقرب ليه باه يضربو لولا دينيز لي شداتو
دينيز :زيزو مش وقت هذي الهدرة رانا في فرح خليه يجوز سلامات لنبعد ويتفرى كلش ..بقى يعافر فيها مي قدرت تنقض الموقف ولى خرج راح يتنفس شوية هوا ...
