عنوان القصة غير جاذب لكن نقدر نأكدلكم أنو محتواها يهبل 😍 🔥
نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
اليوم يسافر أسيف لماريكان باه يبدى بطولتو دينيز نهار كامل وهي تحس في روحها أنورمال بحاجة راح تنقص من حياتها راحت لصال واليوم مكانش تدريبات رايحين يودعو صحابهم لمسافرين لقاتهم كلهم مجموعين تما حتى من ريمان وغيث وتاليا بقاو يحكو مي دينيز بقات ساكتة تراقب بعينيها أسيف لي كان مع جماعة وحدوخرا شافتو خزر فيها وجاي من جيهتهم قلبت عينيها بعد عناق طويل وتشجيعات منهم ليه حكى أسيف :باه نسرقلكم دينيز محتاجها ..
دينيز قفزت من هدي لجملة خدودها حمارو معلابالهاش علاه قالت:لوين
شدها من يدها يسحب فيها وهي تايهة من لمست يديه دخلو لغرفة التبديل غلق الباب خزر فيها هي بقات خانسة تحوس تفهم واش هذا لي يدير فيه وعلاش جابها اللهنا ...
بقى يحكي وفي كلام فارغ المهم يستفرد بيها يشبع عينيه من شوفاتها من عينيها الزروقة لي يسحروه من كل إنش فيها يحاول يحفظ منحناياتها ويخليها تترسخ في المكان لي حب يخبيها فيه في قلبو وعقلو باه لوقت لي يتوحشها تجيه حاظرة ماشي عارف علاه يدير هكا مي لي متأكد منو قلبو بغى هي بقات ساكتة تبع غير في شفافو لي يتحركو عارفة بلي لكلام لي يقول فيه موجه ليها مي حست أنها فقدت حاسة السمع حبت لوقت يوقف في ذي اللحظة وتستمتع بكل ثانية حتى هي بقات دقق في تفاصيلو لي راح تجوز مدة متشوفهاش على المباشر ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دينيز:يعطيك الصحة ..
رجعلها أسيف وفي فمو تبسيمة عريضة فرحان كي عجبتها : بلامزية بلوطة ..فرفشلها شعرها ..
دينيز عدلت شعرها وقالتلو وهي دايرة شنوفة: أنا ماشي بلوطة ..
أسيف: لي عندو كسوحيت راس كيفك يبقى بلوطة ...
تبسمت دينيز عينيها تعباو بالدموع مش حابة تودعو حبطت راسها تهرب في دموعها دار أسيف جيهت الباب خارج حتى هو جاتو صعيبة تكلمت دينيز وهي تبلع في غصتها : أسيف بون كوراج أرواح ومعاك الميداي وكاس العالم ...
أسيف: اذا حب ربي مرسي على كل حاجة خرج وخلاها موراه مسحت دموعها رغلت امورها وخرجت يكملو مراسيم الوداع في المطار....
