أنتِ أنثى (باللهجة الجزائرية)

الحلقة 7

فتح الباب وركب من جيهت لي يسوق حط السانتور...ركب غيث بجنبو دور المفتاح بدا صوت المتور يرعد رعيد ونطالق مخلي موراه الدخان انتاعها بدا يسوق بسرعة جنونية توحش طنوبيل الرياضية هاذي عندوا شحال مساقش هكا وبيدما هو يسوق غرق في بحر الذكريات

#رجوع_للماضي
غطى غيث عينين أسيف ودخلو للڨاراج 

أسيف: غيث علاش راك مغمضلي عينيا

غيث : أمشي و أسكت دوك تعرف

نحالو الربطة حك أسيف عينيه وبدات الرؤية توضحلو بلعقل شاف غطى مغطي حاجة ماعرفش وشنها

أسيف : واشنو هذا؟

غيث: نحي لغطا وشوف

نحى أسيف لغطا بلعقل وبدات تبان الطونوبيل 

غيث: هذي شريتها بصح خصينها ليبياس وكاين ليبياس لي فيها مخسرين ولازمها سبيغة ونعاودولها الرود .

أسيف: يتسما خاصينها بزاف حوايج اامممم ماعليش نبداو نحوا لي ميصلحوش ونشروا واش راه خص .

غيث: نبداو دوك

أسيف : أنا نروح نشري واش خصها باه نكملو بيه بيه 

بدا غيث ينحي ليبياس لمخسرين المهم بعد يومين كانت واجدة ولات جديدة لحق ليل راحوا تلاقاو هوما وولاد حومات أخرين يديروا سباق سرعة و لي يربح يعطولو مبلغ مالي كانوا أغلبية السباقات يربحهم غيث و أسيف حتى جا نهار لي حكمتهم لابوليس وسمعوا والديهم تقلقوا منهم زڨاو عليهم مي هكاك ومسمعولهمش بقاو يلعبوا وفي نهار من النهارات كانت المطر طيح عيطولهم باه يتسابقوا مي المكان تغير كان في وحد الجبل الظلمة طاحت الشتا قوات وحرارة التحدي وحب الفوز زاد شعل بدا سباق كان غيث يسوق وأسيف قاعد جنبو سرعة كانت عالية بزااف وصل لوحد الدورة مقدرش يدور غلباتوا الطونوبيل وكملت ديراكت تقلبت بيهم وهوما فقدو الوعي كي داوهم لسبيطار بعد العملية دخلوا كومة أسيف شهر وغيث 3شهر منها غيث حبس بسك كان مضرور بزاف مي أسيف قلبو تعلق بالبوكس وباباه كان معارض لاخطرش حاس بلي تهدد حياتو مي أسيف كي لقى الدعم من أفراد عايلتو الباقيين تمسك بيها........فاق من شريط ذكريات كي قال غيث: وصلنا..........يتبع

                        #أريولة
_________________
بارت خفيف اذا لقيت كاش عشرة عيباد شافوه و كاين لي دار فوت ليوم نزيد حلقة 😍
كومونتيو بين الفقرات متنساوش 😘