بعدما لحقوا لدار عاودوا واش صرا لروانا فرحت لفرح دينيز وراهم حققوا أول خطوة من الخطة دوك بقى غير ألاء تعيطلهم باه يسجلوها في ليسي جديد لحقت لعشية رجعت تاليا من الجامعة زادت حكاتلها دينيز بلي خلاص تهنات لليسي هذاك حبت تاليا تبدل الجو معاها بسك عندهم بزاف مخرجوش كيف كيف وزيد باه تتقرب منها كتر ومتخليهاش وحدها .
تاليا: واش رايك دينيز نخرجوا نعملو شوبينغ عندنا بزاف مخرجناش .
دينيز: إيه صح واليوم كي راني فرحانة لازملها شوبينغ .
تاليا : أيا وجدي روحك .
~عنـــد أسيـــــف~
كان شاد ڨيتار عندوا في شمبرتوا قاعد يستنر بيه محبسش حتى صونا تيليفونو.
أسيف : وي خو
غيث: راني كاره يا خو أمشي نخرجوا ندوروا شوية
أسيف: وين نروحوا
غيث: راهم خاصيني حوايج نروح كشما نشري منها ندوروا أنبعد نروحوا للميناء نقعدوا شوية يا حنا جبنا لعشية الواحد حتى لدرك كمل لي ڨزامة خلينا نتفرهدوا شوية.
أسيف : نوجد روحي و أرواح مانيش في ڨصطو باه نسوق
غيث : ماعليش أوكي .
~عنــد ديـنيـز~
كي لعادة لبستها باسكات سروال جين بودي عراض عليها طوماطيشة لشعرها لاهي كملت أما تاليا لالا سروال سليم مع لاطاي أنتاعها شعر مطلوق على طولو بودي عريض شويةمكياج خفيف ركزت على عينيها كتر مع لونهم الرمادي وبشرتها الخمرية ولات تفتق كتلة من الزين راحت دينيز لشمبرتها لفتحت الباب شافتها بهتت في زينها صفرتلها تصفيرة وتاليا بدات تضحك عليهاهي عكس دينيز تهتم بؤنثتها.
دينيز: اللهم صلي وسلم على النبي بسم الله ما شاء الله
تاليا: هذا كامل ههههه
دينيز: نظمنلك رجال الطريق اليوم كامل مورانا يحوسو يدوا خزرة منك راني خايفة خطفوك مني .
تاليا: من نيتك امشي امشي رانا روطار.
خرجوا من الدار وراحوا للمول يمشوا كيما علابالكم دينيز متقدرش تركب طونوبيل ولا ترا أباغ لvيلو.
وصلو للمول في نفس الوقت وصل أسيف مع غياث مي متلاقاوش وكل زوج فيهم راحوا بجيه .
#أريولة
_______________________
متنساوش الفوت مع التعليقات بين الفقرات فرولاتي 💙🌸🍓
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
