أنتِ أنثى (باللهجة الجزائرية)

الحلقة 56

خرج الطبيب طمنهم على حالتو وراح يبقى في الكومة حتى يفطن رتاحو نسبيا لأنو حالتو مزالت متأكدوش منها 100% تعرض لعدة كسور وزيد عمليتو كانت صعيبة ...

الفرملية : هذو دوزان تاع لمريض شكون يستلمهم ..

أسيف : أعطيهملي ليا ..حط تيليفون و البرطموني في جيبو وسنسلة علقها في رقبتو علابالو تعني بزاف لزين من نهار عرفو منحهاش من رقبتو ...

وهو هكاك جاتهم دينيز راحت تاليا و ريمان سندوها بحكم مزالت دايخة طمنوها على حالتو ...بقاو يستناو فيه يفيق وكل دقيقة تجوز ساعة بالنسبة ليهم دخلت طبيبة تشوف حالتو بعد شوية خرجت ..

غيث: كيفاه راه ؟

أسيف : فطن ولا مزال ؟ 

الفرملية: المريض ناض وحالتو مستقرة راه يحوس على وحدة اسمها دينيز 

ناضت دينيز بالزربة : أنا دينيز نقدر نشوفو ...

الفرملية : وي تقدري بصح مطوليش ..

أسيف زير على قبضت يدو خاصة كي راه يشوف في تصرفات دينيز حكم روحو بالسيف ...

دخلت غلقت الباب من وراها حالتو كانت تشف يدو ورجلو مكسرين داير بلاط وضمادات في أنحاء جسمو يعني خضا ضربة من الصحيح وقفت قدامو شاورلها بيدو باش تقعد قدامو قعدت 

دينيز : راك مليح كيفاه تحس روحك ؟

زين : كي شفتك وليت مليح قريب رحت وأنا غالط في حقك ..

دينيز : بعيد الشر عليك الحمد الله على سلامتك ..

زين : الله يسلمك ..سمحيلي على جاست هذاك سكت 

دينيز : راك مسامح ...أنا قالولي مطوليش نخليك تريح ويجي نهارها هذي لحكاية ونحكو فيها متفهمين ..

حرك راسو بمعنى متفاهمين طبطبت دينيز على كتفو ناضت خارجة فتحت الباب وقبل متخرج سمعاتو عيطلها ...

زين : ديني...

دارت ليه لقاتو رافد الفوطو في يدو حطت يدها في جيب سروالها من لور ملقاتهاش قربت منو لقات عينيه حمورة و الهيئة انتاعو باش يبكي ستغربت 
زين :هذي ليك أنت !!

دينيز : إيه إنتاعي ..علاه!

زين : متأكدة ؟ قالها بصوت خافت خايفة من جوابها ...

دينيز : إيه متأكدة أصلا إسمي مكتوب من وراها ..

ساحو دموعو بلع ريقو وخزر فيها وقال : ديني ...سنين و أنا نحوس عليك وين رحتي وخليتيني ..

رجعت قعدت قدامو تحاول تستوعب واش يحكي علاه راه يعيطلها ديني وهي أسمها دينيز ؟؟ وزيد منين يعرفها باه يحوس عليها ؟وعلاش يبكي أصلا!

دينيز : زين فهمني بلعقل ..

حكم الفوطو حطها في حجرو 
زين : شوفي ...شاور لفوطو أنتاعها ويدو ترجف دموعو سايحة والكلام يخرج فيه بصعوبة ..هذي ديني ..وزاد خوها زيزو ..يماها زينب...باباها كنان ...عايلة ****** 

حلت عينيها على وسعهم هذا يعني بلي أسم عايلتها ***** وزين هو زيزو خوها يماها أسمها زينب باباها كنان طلقت العنان لدموعها قعدت تخزر فيه حبت تتأكد ملي فهماتو شاورت بيدها ليه وبعدها للفوطو 
دينيز حست لسانها ثقيل باه تخرج هذ الكلمات :زيزو هو أنت زين 

ميل راسو بمعنى آآه :وديني هي أنت دينيز ...ماما سماتك هكا بسك كانت تحب البحر ..

دينيز :هذا يعني أنت خويا لي عمري كلو كنت محرومة منو ...

زين : و أنت هي ديني ختي لي مزالني عايش غير باش نشوفها ونلقاها ....

ترمات في حظنو تشم في ريحتو وتسلم على كل بقعة من جسمو غمض عينيه بوجيعة مخليها تعبر على وحشها ليه ...

هذا المنظر لي شافو أسيف جهل في مخو دخل باش يكمل عليه .....يتبع

                  #أريولة
__________________
وظهر زين خو دينيز 😍 رايكم في الاحداث كي عرفها ؟! عجبكم !!

حكولي توقعاااااتكم زعمة أسيف واش راح يدير 😈 علابالي بلي شغيغة 😂 حبست في اللحظة تاع الصح ....

في الأخير مابقالي غير نقوللكم تصبحو بخير و باي تشاو في لامان 👋

و متنساااااوش الفوت مع التعليق 😘 و لي مزال مقراش الرواية يروح يقراها الله الله طلعولي المورال شوية فيها 😪 ....~