عنوان القصة غير جاذب لكن نقدر نأكدلكم أنو محتواها يهبل 😍 🔥
نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
نطالقت بكل قوة عندها ، شعرها يدي فيه الريح ودا معاه عقل أسيف لي بقى يتأمل فيها ....
غيث:عجباتك الارض !واش قلتلها باه دارت ليك هكاك
أسيف:كي نفهم نفهمك ...ناض وكمل
قال:وصلني لدارنا راح الحال
غيث:ايا اركب
عند دينيز حست روحها مخنوقة قواة السرعة انتاعها وعيطت على طول جهدها تحس بهذا التصرف كأنها تسقي روحها بهوا جديد والخنقة هذيك تروح مع قربت من الدار بدات ترجف وحدها كأنها ماشي حابة تدخل حطت vيلوها تحت الشجرة ..حلت الباب دخلت كانت الدار هادية عرفت بلي مزال مجوش متحس غير برجليها دايينها لبيت تاليا فتحتها بلا مدق الباب كانت تاليا في بيروها تقرا خزرت للباب بعدما حستها نفتحت وهذي الوقفة وهذا الوجه وهذي التعابير لي راهي مرسومة فيه تعرفهم تاليا مليح مليح وتعرف الغاية لي دينيز تحوس عليها..
دينيز بصوت فيه غصة: ت..ت..اليا
تاليا فتحت يديها باه تجي دينيز للمأوة لي طول حياتها تتخبى فيه راح تجري حتاضنتها بكل قوتها وطلقت العينان لدموعها تبكى بقهر تشهق صوتها يتقطع وتاليا تربت على ظهرها تحوس تخفف عليها والفت نوبات البكى هذي غير هي لي تعرف كل صغيرة وكبيرة عليها علابالها كي تحس روحها هدات تبدى تحكيلها...
بدات تهدى دينيز سكتت لدقائق وبدات تحكي وهي مزالت غاطسة راسها في حظنها طول عمرها تاليا لي تفهمها وتحس بيها بلاك كي يتيمة الأب هي الوحيدة لي تحسها مخالفة على الناس كامل لي تعرفهم.
دينيز:مزالني نخاف نركب طونوبيل ومزالهم يستفزوا فيا بصح اليوم إستفزاز ماشي على والديا عليا أنا وكامل بسبت هذي (حطت يدها على شفتها) ضربت وسبيت وفي اللخرهذوك زوج عاونوني ....راحت تحكيلها كلش بالتفصيل تاليا تسمع وساكت شحال تمنات أنها تعيش حياة طبيعية كيما باقي لبنات.
نولوا لأسيف بعدما وصل لدار ديبريا ولبس سرvات جبد دوزانوا باه يبدى يرفيزي لكن تفكيروا كلوا معلق مع دينيز ومرة مرة يتمتم أسمها بين شواربو بقى يتسائل واش هي الدوافع لي خلاتها ترجع هكا وعلاه قالتلوا والديا خط أحمر بزاااف حوايج حيروه وتركيزوا في تفاصيل وجها كي كانت بين يديه ناض من البيرو راح لفراشو تسطح فوقو غمض عينيه وبدا يسترجع أحداث اليوم من أول ماطاحت عينوا عليها وأكثر حاجة سحراتو فيها شعرها لكحل توتة وطولو وملمسو لحرير لي مواتيها مفاقش على روحوا حتى رقد وداتو عينوا.
#أريولة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دينيز 🙈🙉🙊 كلمة ليها 😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كحلو بلعقل 😂 خلو كلمة ليه 😌 ____________________ البارت قصير خطرش منفذتوش الشرط 😒 المهم هذا البارت في خاطر الراااااااجي حبيبتي لي راها مزهيتني بليكومونتاغ 😍 yaralIB نتي لعمر ❤💋 توحشت _-nisso-_ و حيووووتة 😭😭😭
المهم متنساوش تخلو فوت في طريقكم وكومونتيو بين الفقرات 10 فوت على أقل 😊 تصبحو بخير فرولااااتي 💕❤
