أنتِ أنثى (باللهجة الجزائرية)

الحلقة 12

الحلقة_12
في هذي الاثناء دخل مرهف الطونوبيل للكاراج حبطت روانا هي اللولة ستناتو طفاها ودخلوا لدار (هذا عم دينيز ومرتوا ) هنا خرجت دينيز وتاليا من البيت حتى تقابلو في الدرج .

مرهف: دينيز بنتي واش بيك ؟

روانا: غير الخير علاه عينيك حمورة كنت تبكي!

دينيز: لالا مكاين والو ...بصوت تاعب..

تاليا: أنا نروح نوجد لعشا باين راكم جعانين.

روانا: إيه بنتي أنا زواوش كرشي ماتوا...

ضحكوا كامل غير دينيز
مرهف مزال يحوس واش بيها: دينيز ياك واحد مقلقك لي يقلقك قوليلي برك راني هنا.

روانا شدتها من كتافها وقعدتها على لفوتاي ..تاليا راحت للكوزينة وتخمامها كامل في الليل واش راح يصرا دينيز هدوءها راه مقلقها كيما راه مقلق مرهف و روانا قعدوا معاها لزوج وحوسوا يجبدوها بالهدرة باه تحكي مي كيما دارولها مهدرتش هذا الشيئ لي زاد من نسبت قلقهم عليها ..

دينيز لي دايرة في بالها خلاص ولات مولات 18سنة وهي لي لازم تتحمل مسؤولية نفسها علابالها بلي تاليا هي بئر أسرارها واش تحكيلها متعاودوش يالوكان يحطوا لموس في رقبتها مرهف ملي تبناها دايرها بين عينيه ولي تقول عليها تحظر بدون ما يناقشها وكي دير مشاكل ديما يوقف معاها مالڨري تكون غالطة يوقف معاها أما روانا تعتبرها بنتها لي مولدتهاش كرشها صح ربي مرزقهاش الدراري مي جمرتها طفات من نهار جات دينيز لدارها أما دينيز رغم كل هذي المحبة مقدرتش تبادلهم نفس الشعور صح تحبهم تحتارمهم مي مقدرتش تعتابرهم والديها بقات تقول عمي وطاطا وهوما يعرفوا معزتهم عندها وتفهموا إحساسها.

بعد محولات كثيرة بقات دينيز ساكتة محبوش يضغطوا عليها خلاوها على راحتها هنا تاليا بدات توجد في طابلة كي كملت عيطتلهم يتعشاو راحوا كل واحد شد بلاصتوا وطبعا تاليا قعدت معاهم وهوما ياكلوا بقاو يخزروا في دينيز بنظرات مظطاربة ويولوا يبحلقوا في بعظاهم طبق أنتاعها بقى نفسو لقمة ماحطتها في فمها.

مرهف: دينيز كولي بنتي.

دينيز: راني ناكل......

بعد ما كملوا مكلتهم ......يتبع

                     #أريولة
_______________
بااااارت خفيف قولولي واش زعمة راح يصرااااا!؟
نلقى 10 عيباد شافو هذا البارت راني نزيد بارت 😍😘 للسهرة
وهذا بونوص في خاطر الدرااااااااااجي ❤💕
yaralIB