ألاء قدما سيات تنحيلها لمخدة بين يديها و تشوف وجها ولا تحبسها من التحراك لي راها تحرك فيه مقدرتش ودينيز في عالم آخر كيما هدرت معاها مرجعتلهاش غير صوت شهقاتها معبي البيت و البقية يتفرجوا في الحالة لي وصلت ليها.
ألاء : اوااااه هكا مراح نستفيد والو ممبا مخلاتنيش نعاينها ...أرواحوا أحكموها لازم نديرلها تشكى(إبرة) باه نفصحها على راحتي وتخرج من الحالة هذي....
تحاماو فيها بين 3 تاليا ومرهف و روانا دينيز محبتش تركح قعدت تقاوم فيهم وتعيط وتضرب بعد دقائق من المعركة معاها قدروا يثبتوها حكمت ألاء الإبرة ودارتهالها شوية بشوية بدات تهدى و عينيها يتغمضوا حتى رقدت عاينتها ...
وجه ألاء ميبشرش بالخير كي كملت خرجوا من غرفتها غلقوا الباب راحوا لصالون قعدوا بدات ألاء تشرحلهم في وضعها .
ألاء:الحالة هاذي كنت خايفة دينيز تلحق ليها ولا نقول تولي ليها بعد ما عينتها كتاشفت عندها مدة مخذاتش دواها وهذي لي ساعد نفسيتها باه تزيد تدهور مع المحيط لي عايشة فيه و أنتم أدرى بشخصيتها كيفاه كنت حذرتكم تنتابهوا ليها .
مرهف: بصح لي قالت عليها تحظر ورانا نبذلوا جهدنا باه ميخصها والو .
روانا: من جيهتي راني نهدر امعاها وراهي تقعد معانا مبقاتش كيما كانت وراها تضحك تڨصر مشكيناش كامل .
تاليا: رغم كل هذا مي واحد فينا محرص على دواها وقتاش راها تشربوا، اذا شربت ولا لالا
ألاء: هنا غلطتوا وباه نقللكم راه صريلها إضطرابات نفسية يمكن... ماشي يمكن سور عاودنا ولينا لنقطة الصفر أمعاها ...
ألاء غضتها حالت دينيز هذوا الكلمات خرجتهم بالسيف عليها ....
روانا: كيما علابالك دينيز متحكيش واش بيها
ألاء: هذا هو المشكل في حالتها طبيعتها كتومة مي كاين عفايس تحكيهم لتاليا معليش المهم كاين لمن تفرغ قلبها غدوة صباح نحتاجها جي عندي باه نفهم منها علاه مشربتش دوها وراح نبدى جلسات أمعاها تاليا أنت حاولي تزيدي تتقربي منها ومهما كان حاولو قدر الإمكان متخلوهاش وحدها .
مرهف: طردوها من ليسي زعمة هذا دافع من الدوافع باه صرالها هكا!
ألاء: يمكن آه ويمكن لالا يمكن تكون بداية جديدة في ليسي جديد و عباد جدد بالنسبة ليها بلاك ترتاح نفسيتها.
روانا: ملي دخلت تُنتْريني جيدو مهبطوش من راسها المشاكل سغتو من هذاك الليسي.
ألاء: باه نبداو مرحلة جديدة من العلاج لازم نبدلولها كلش مام هي لازم تتبدل لازم نتعاونوا عليها مرهف لمسيد هذاك مترجعهاش ليه عندي صحبتي مديرة تاع مؤسسة داخلية راح نحكي معاها عليها ونسجلوها تما.
مرهف: هكا نتهنى عليها كثر .
روانا : ونكلفوا عيباد يراقبوها ولا كاش وحدة لازم تتقرب منها باه تكون صحبتها.
تاليا: وهكا متبقاش وحدها .
ألاء: مكنتش دايرا نولي نتآمر على راس وحدة مي على مصلاحتها .
تاليا: أيديكم أيها العقول المدبرة ...
حطوا كف فوق كف وتافقوا باه يبداو المخطط انتاعهم ودينيز غارقة في عالم أحلامها لي كلُ ظلام ......يتبع
#أريولة
________________________
هلااااااا فرولاتي 💕❤ البارت ان شاء الله ينال إعجاااابكم توقعاتكم للقادم واش راح يصرى في رايكم كيفاش راح تتبدل حياة دينيز ؟!
إذا لقيت عشرين واحد شاف البارت وكاش خمسة فوت راني نزيد بارت هذي لعشية 😍
تشااااو في لامان 👋
حقا متنساوش كومونتيو بين الفقراااات وروخوا قرااااو الرواية بنيييز 🙇🙆.
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
