أنتِ أنثى (باللهجة الجزائرية)

الحلقة 17

حبطت من الvيلو الفرحة باينة في وجها وأخيرا راح تتهنى من هذا ليسي ومن النحس لي جاها في جرتو دخلت وراسها مرفوع التلاميذ كامل يخزروا فيها وهي تمشي وتعرض اليد في الجيب ومرة مرة تحك مؤخرة راسها وتخزر فيهم خزرت استفزاز مرهف والف هذو تصرفات مقال والو لحقوا لمكتب لمديرة دقدق سمحتلهم يدخلوا

المديرة: أهلاااا بلالة دينيز ...وهي تتكسل على الكرسي كأنها دارت حاجة عظيمة ....دينيز قلبت وجها وطيحتلها بين شفافها.

مرهف: مرحبا بالمديرة بلا مقدمات ونعاودوا نفس الهدرة لي ملينا منها دينيز ونعرفها .

المديرة : الحمد الله كي عرفت واش ربيت.

دينيز: شدي فمك عندك عرفي واش راكي تخرجي منوا منسمحلكش تتهمي عمي في تربيتوا فاهمة ..بالعياط

المديرة: شفت الهمجية لي عندك هذي تستنا فيا نخليهالك في ليسي أنتاعي أنا معنديش حديقة حيوانات.

دينيز: أنت الحيوانة فاهمة .

مرهف: دينيز أسكتي خليني أنا نهدر .

المديرة كانت تستنا يترجاها تخليها ويوعدها متعاودهاش كيما كل مرة على هذيك كانت تسب فيها مي صدمها مرهف كي قال: ميشرفنيش بنتي تتعلم في مدرسة مديرتها تصرفاتها منحطة متلقيش بالمنصب انتاعها زوج كلمات مديلي دوسي أنتاعها.

المديرة : سي مرهف عارف واش راك تقول ؟

مرهف: بلا هدرة زايدة سمعتي واش قلتلك .

دينيز راحت لابيبيوتاك كانت تما وشافتها شحال من خطرة تجبدوا من تم تهددها تطردها وسجلت بزاف مخالفات دارتهم دينيز ضد قانون المؤسسة فتحتها لقاتو تما جبداتو.

المديرة : دينيز واش راكي ديري رجعيه لبلاستو هذي الاهانة منسكتش عليها .

دينيز: عمي هذا هو الدوسي أيا خلينا نروحوا .

خرجوا من المؤسسة دينيز ميتة بساعدة مدراتش يجي نهار وتتهنى منها في زاوية من زوايا الليسي كانت جماعة شوية وتاكل دينيز بعينيها نصهم فرحان كي راحت تهناو للإهنات أنتاوعها ونص ناقم عليها ونص كأن ضيع حاجة ثمينة .

                         #أريولة
______________________
متنساوش الفوت في طريقكم 🌸💙