ﺑﺪﻟﺖ ﺩﻳﻨﻴﺰ ﺣﻮﺍﻳﺠﻬﺎ ﺑﺪﺍﺕﺗﺤﺲ ﺭﻭﺣﻬﺎ ﺗﺮﻋﺶ ﻭﻛﺄﻥ نوبتها ﺑﺪﺍﺗﻬﺎ ﺩﻣﻮﻋﻬﺎ ﺑﺪﺍﻭ
ﻳﻄﻴﺤﻮ ﺣﻜﻤﺖ ﺍﻟﻤﺨﺪﺓ ﺑﻴﻦ ﻳﺪﻳﻬﺎ وﻏﺮﺳﺖ ﺭﺍﺳﻬﺎ ﺩﺍﺧﻠﻬﺎ ﺗﻜﺘﻢ ﻓﻲﻏﺼﺘﻬﺎ ﻣﺎﺷﻲ ﺣﺒﺘﻬﻢ ﻳﻔﻴﻘﻮ ﺑﻴﻬﺎ .
ﻓﺠﺄﺓ ﺗﻔﻜﺮﺕ ﺩﻭﺍﻫﺎ ﺣﺒﻄﺖﺗﺤﺖ ﺍﻟﺒﻮﻧﻚ ﺩﻳﺎﻟﻬﺎ ﻧﺰﻋﺎﺗﻮ ﻭﻫﻲ ﻣﺰﺍﻟﺖ ﺗﺒﻜﻲ ﻛﺮﻫﺖ ﺍﻟﻨﻬﺎﺭ ﻟﻲ ﻭﻻﺕ ﺗﺎﺧﺬﻭ ﻓﻴﻪ ﻭﻛﺎﻧﺖ ﺧﺬﺍﺕ ﻗﺮﺍﺭ ﻣﺘﺰﻳﺪﺵ ﺗﺘﻨﺎﻭﻝ ﻷﻧﻬﺎ ﺗﺤﺲ ﺭﻭﺣﻬﺎ ﻧﺎﻗﺼﺔ ﻭﻣﺎﺷﻲ ﻛﻴﻒ ﻟﻌﺒﺎﺩ ﺍﻟﻄﺒﻴﻌﻴﺔ ﻛﺎﻥ ﺑﻴﻦ ﻳﺪﻳﻬﺎ ﻟﻲ
ﻳﺮﻋﺸﻮ ﻭﺩﻣﻮﻋﻬﺎ ﺷﻼﻝ ﺗﻘﻮﻝ ﺭﺍﻩ ﻓﻲ ﻋﺰ ﺍﻟﺸﺘﺎ ﺧﺬﺍﺕ ﺍﻟﺤﺒﺔ ﻓﻲ ﻓﻤﻬﺎ ﺗﺒﻠﻌﻬﺎ ﺑﺴﻴﻒ ﺷﺮﺑﺖ ﺍﻟﻤﺎ ﺑﺎﻩ ﺗﺤﺒﻄﻬﺎ ﻗﻌﺪﺕ ﻗﺮﻳﺐ
ﻧﺺ ﺳﺎﻋﺔ ﻭﻫﻲ ﻓﻲ ﺍﻻﺭﺽ ﺣﺒﺴﺖ ﺭﻋﺸﺘﻬﺎ ﺟﻔﻮ ﺩﻣﻮﻋﻬﺎ ﻭﻋﻘﻠﻬﺎ ﺗﺎﻳﻪ ﻳﺨﻤﻢ ﺍﻟﺤﻞ ﻭﻳﻦ ﺑﺎﺍﻩ ﺗﺘﻌﻠﻢ ﻭﺗﺪﺭﺏ ﺿﺮﻙ ﺧﻄﺮﺕ ﻓﻲ باﻟﻬﺎ ﻓﻜﺮﺓ ﺧﺒﻄﺖ ﺭﺍﺳﻬﺎ ﻋﻠﻰ ﻏﺒﺎﺋﻬﺎ ﻋﻼﻩ ﻣﺨﻤﻤﺘﺶ ﻓﻴﻪ ﺧﺮﺟﺖ ﻣﻦ ﺑﻴﺘﻬﺎ ﺑﺴﺮﻋﺔ ﻛﺒﻴﺮﺓ ﻧﺰﻟﺖ ﺍﻟﺪﺭﻭﺝ ﻭﺩﺧﻠﺖ ﻟﺒﻴﺖ باﻳﻨﺔ ﻣﻬﺠﻮﺭﺓ ﻣﻦ ﺯﻣﺎﻥ .
ﺷﻌﻠﺖ ﺍﻟﻀﻮ ﻭﻫﻲ ﺗﻜﺢ ﻣﻦ ﺍﻟﻐﺒﺮﺓ ﻟﻲ ﻣﻌﺒﻴﺔ ﺍﻟﺒﻴﺖ ﺗﻤﺸﺎﺕ ﺧﻄﻮﺍﺕ ﺣﺘﻰ ﻭﺻﻠﺖ لو ﺳﻄﻬﺎ ﺧﺰﺭﺕ ﻣﻦ ﺣﻮﻟﻬﺎ ﻗﺎﻟﺖ ﻭﻫﻲ ﻣﺒﺘﺎﺳﻤﺔ: ﺃﻧﺖ ﻫﻲ ﺍﻟﺤﻞ
ﺭﺟﻌﺖ ﻟﺒﻴﺘﻬﺎ ﻓﺮﺣﺎﻧﺔ ﻋﻜﺲ ﻟﻲ ﻛﺎﻧﺖ ﺍﻟﺘﻔﺎﺋﻞ ﺭﺟﻌﻠﻬﺎ ﺗﺴﻄﺤﺖ ﻓﻲ ﻓﺮﺍﺷﻬﺎ ﺟﺒﺪﺕ ﺍﻟﻔﻮﻃﻮ
ﺩﻳﻨﻴﺰ:ﺗﻮﺣﺸﺘﻜﻢ ﻳﺎﺭﻳﺘﻜﻢ ﻣﻌﺎﻳﺎ....
طبعت 3 بوسات ورجعتها وين ﻛﺎﻧﺖ ﺗﻘﻠﺒﺖ ﻋﻠﻰ ﻛﺮﺷﻬﺎ ﻋﻨﻘﺖ لﻤﺨﺪﺓ ﻏﻤﻈﺖ ﻋﻴﻨﻴﻬﺎ ﻭﺳﺘﺴﻠﻤﺖ ﻟﻨﻮﻡ
فـي مـكـان آخـر
ﻛﺎﻥ ﺃﺳﻴﻒ ﻏﻴﺮﻣﺎ ﺧﺮﺝ ﻣﻦ ﺻﺎل دﻭ ﺳﺒﻮﺭ ﻻﺑﺲ ﺳﻮﺭڤﺎﺕ ﻭﻳﺸﺮﺏ ﻓﻲ ﺍﻟﻤﺎ ﺣﻂ ﺳﻜﺎﺩﻭ ﻓﻲ ﻃﻮﻧﻮﺑﻴﻞ ﻭﻗﺒﻞ ﻣﺎ ﻳﺮﻭﺡ ﺟﺎﻩ
ﻏﻴﺚ
ﻏﻴﺚ: ﻣﻌﺪﻧﺎﺵ ﻧﺸﻮﻓﻮﻙ
ﺃﺳﻴﻒ : ﻳﺸﻮﻓﻚ ﺍﻟﺨﻴﺮ ﺗﺨﺎﻣﺴﻮ..ﻋﻤﻠﻮ ﺣﺮﻛﺔ ﺑﻮﻛﺲ ﺑﻴﻨﺎﺗﻬﻢ
ﻏﻴﺚ:ﺗﻮﺣﺸﻨﺎﻙ ﺃﺳﻴﺪﻱ
ﺃﺳﻴﻒ: ﻣﻊ ﺍﻟﺴﺒﻮﺭ ﻋﻼﺑﺎﻟﻚ
ﻏﻴﺚ : ﻓﻴﻬﺎ ﻣﻴﺪﺍﻱ دوري ﺇﻥ ﺷﺎء ﺍﻟﻠﻪ
ﺃﺳﻴﻒ : ﺇﻥ ﺷﺎء ﺍﻟﻠﻪ
ﻏﻴﺚ: ﻛﺎﺵ ﺑﻼﺻﺔ ﻧﺮﻭﺣﻮ ﻟﻴﻬﺎ ؟
ﺃﺳﻴﻒ: ﻳﺴﻤﻮﻧﻲ ﻧﺮﻭﺡ ﻟﺪﺍﺭ ندوش ﻭﻧﻌﻄﻴﻬﺎ ﺑﺮﻗﺪﺓ ﻧﻲ ﻋﻴﺎﻥ
ﻏﻴﺚ: ﺃﻳﺎ ﻣﺎﻋﻠﻴﺶ ﻧﺘﻼﻗﺎﻭ ﻏﺪﻭﺓ
ﺃﺳﻴﻒ:ﺃﻭﻛﻲ
ﺑﻌﺪ ﺳﺎﻋﺘﻴﻦ ﺩﺧﻞ ﺃﺳﻴﻒ ﻓﺮﺍﺷﻮ ﻓﺘﺢ ﺗﻴﻠﻴﻔﻮﻧﻮ ﻟﻘﺎ ﺳﺎﻋﺔ ديباصات 12 ﺗﻨﻬﺪ ﺣﻂ ﻳﺪﻭ ﺗﺤﺖ ﺭﺍﺳﻮ ﺧﺰﺭ ﻓﻲ ﺍﻟﺴﻘﻒ ﺣﺘﻠﺖ ﺗﻔﻜﻴﺮﻭ ﺩﻳﻨﻴﺰ ﻋﻨﺪﻭ ﻣﺪﺓ ﻣﻘﺎﺑﻠﻬﺎﺵ ﺣﺲ ﺭﻭﺣﻮ ﺑﺎﻏﻲ ﻳﺸﻮﻓﻬﺎ ﻷﺳﺒﺎﺏ ﻣﺠﻬﻮﻟﺔ ﺑﺪﻯ
ﻳﺘﻔﻜﺮ ﻓﻲ ﺑﻌﺾ ﺍﻟﻤﻮﺍﻗﻒ ﻟﻲ ﺟﻤﻌﺘﻬﻢ ﺗﺒﺴﻢ ﺑﺼﺢ ﻓﻲ ﻟﺤﻈﺔ ﺗﻤﺤﺎﺕ ﺩﻳﻚ ﺍﻟﺒﺴﻤﺔ ﺑﺴﻚ ﻣﺎﺷﻲ ﻫﻮ ﻟﻲ ﻳﺒﻨﻲ ﺣﻴﺎﺗﻮ ﺑﻄﻔﻠﺔ ﻭﻻ ﻳﺨﻠﻴﻬﺎ ﺗﺤﺘﻞ ﺗﻔﻜﻴﺮﻭ ﻣﻔﺎﻗﺶ ﻣﻊ ﺭﻭﺣﻮ ﺣﺘﻰ ﺩﺍﺗﻮ ﻋﻴﻨﻮ.....يتبع
#أريولة
_____________________
زوج بارتيات خفاف ضراف لسهرة متنساوش الفوت مع الكومونت في طريقكم أقل من 10 منقبلهاش كي العادة ❤💙
في البارتي الجاي راح يتلاقاو مي كيفاااش !؟
واش حكاية الصورة تاع دينيز ؟!
عجبوكم الأحداث ؟! واش تتوقعو وجاوبو على واش سقسيت نشوف واش راكم تخمو
مرسي لكل واحدة راها تبع فيها وتفرحني يالوكان بكلمة 💙🌸💋
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
