أنتِ أنثى (باللهجة الجزائرية)

الحلقة 5

بداو يجهزوا في روحم وعنيهم كاملين عليها حايبين ينهشوها نهيش وهي نضراتها كلهم ألم وغل وحقد عليهم بدات دور في راسها يمين وشمال وطرطق في صبيعتيها تستعد للمهاجم الأول فيهم قرب منها الطفل الأول وقبل ما يوصل وجهتلو لكمة لوجهو حتى دم سال من فمو خزر فيها وراح يرجعهالها هي بعدت وغافلات بركلة جا مفروش في الأرض....

تقدم الطفل الثاني هجمت هي لولة ولكماتو لكرشو مع لي حبط ضرباتو بجونو لراسو داخ..

تقدم الطفل الثالث حاب يغدرها من ضهرها بصح هي نتابهتلو وبحركة خفيفة جات واقفة على يديها وصوطات حكمتلو رقبتو بين رجليها وقلباتو في الأرض قعدت فوقو وجهتلو عدة لكمات في وجهو صدرو رجعاتو مدمدم فشت غلها فيه وهو يعيط متألم محستش لي كان موراها الطفل الأول حكمها من شعارها وجرها في الارض وهي حاكمة صوت وجعها ماشي حابة تضعف قدامهم...

رماها ورفد رجلو باه يركلها هي حكمت الرجل لوخرا وسحبتها بكل قوتها جابتو قاعد على مڨاعدو (كيما تقولها ماني ههه)

ناضت نفضت يديها وركلاتو في السيد 😂خلاتو يعيط لربي لي خلقو ماتحس غير بيدين شدوها من وصتها وكف خماسي الأبعاد في خدها حتى شفتها ساح منها الدم وشعرها طاح على وجها ....

قعدت تزعبط بين يديه حتى شافت هذاك لي ضربها مفروش في الأرض وتشوف في واحد مقابلها لي كان شادها رخف عليها رجع للور خايف .

أسيف:نوضوا لموا روحكم وروحوا منا ياالله (بالعياط).

الطفل الأول يهدد في دينيز: سلكتي من يدينا هذي المرة عسي روحك مليح .

غيث: طلق راسك وروح وبالاك يغرك شيطانك تزيد تدنا ليها .

أسيف: الهدرة ليكم تاني نتوما أيا روحو منا

دينيز : عييت روحك برك كنت قادرة عليهم

أسيف: حبيت نعاون برك .

لقات ربطت شعرها تقطعت تنهدت حطت يديها في شعرها فرفشاتو شوية دارت صكادو انتاعها في ضهرها ركبت vيلوها وراحت و أسيف راقب كل تحركاتها فاق من سرحتو فيها على صوت غيث .

غيث: أسيف نكملو لدار.

أسيف: آه ..........يتبع

                   #أريولة
________________
بارت صغييييير لخاطر دراجيييي لي مزهييتني بليكومونتاغ 😍 راني درتلك حلبة مصارعة ملاكمة تاع كلش 😂 علقي علقي بين الفقرات 😘😘

توحشت حيوتة و نيسو اليوم مبانوش 😞

ومرسي لصفصوفة انتاعي تاني حاظرة رغم لحكاية ماشي عاجبتها بزاااف 😂

متنساوش كومونتيو و فوت في طريقكم و عرضو صحاباتكم يقراااو تستنا فيكم حلقات ناااااااار 😈

تشاو في لامان 👋