أنتِ أنثى (باللهجة الجزائرية)

الحلقة 6

وصلو لدار غيث دخلو لقاو يماه في الكوزينة

غيث:ريحة الماكلة راها دايرة حالة ..

سلم على راسها وسيلة:أهلا وليدي أسيف تفضل عندنا راح سلم عليها .

أسيف:كيفاه راكي طاطا راكي مليحة يزيد فضلك

وسيلة: لاباس الحمد الله و أنت واش راك وداركم واش راهم!

أسيف: لاباس الحمد الله

وسيلة : الحمد الله أيا تفضلو تاكلو هذاك هو وقت لغدا والفطور طاب .

غيث: يروح أسيف يدوش ويبدل حوايجو ونولو

وسيلة :راحتكم راني نوجد الطابلة كي تكملو ارواحوا .

دخلو لشمبرة تاع غيث مدلو حوايجو راح لدوش لي في لاشومبر وغيث بقى يلعب بلايستايشن يستناه يكمل نخلوهم ونروحو لدينيز حطت vيلوها تحت الشجرة كي لعادة ودخلت لدار طربقت الباب حتى تاليا قفزت من الخلعة خرجت تجري من الكوزينة شافتها عرفت علاه حالتها هكاك عاودت دخلت وخلاتها على راحتها طلعت دينيز لشنبرتها جبدت من خزانتها حوايجها ودخلت لدوش شافت شفتها كيفاه صرالها تنفخت وحمارت زفرت بالقاوي وبدات دوش عند أسيف كمل الدوش راحوا يتغداو مع الخالة وسيلة ڨصروا ضحكو معاها كي كملو حلفو عليها يغسلولها لماعن (شحال يعجبوني لي عاونو يماهم) وهي راحت دير لاسياست كي كملو قال غيث

غيث: وين نروحوا ؟

أسيف : نروحوا للكافيتيريا تاع ******* نريحوا هذي لعشية تما ڨصارين جوايه 16:00 كل واحد يسهل لدارهم يقرا غدوة عندنا إڨزامة .

غيث: يازح راح من بالي كامل مزية فكرتني

أسيف: أيا نروحو

غيث: أصبر نجيب مفاتح الطونوبيل

أسيف: طونوبيل !! ياك خليناهااااااا.....كش­غل تفكر حاجة خزر فيه هذيك الخزرة رجعهالو غيث .

غيث: ااااه هاذيك لي راها في بالك

أسيف : ااا سڨمتها!

غيث: إيه سڨمتها وبدلتلها لاكولاغ .

أسيف: أجري ديني نشوفها .

راحو للڨاراج كانت تما مغطية كامل بغطا كبير

أسيف : متقوليش صح هي ؟

غيث:نحي لغطا وستمتع بلوكها لجديد نحى أسيف لغطا بشوية وقلبو يخبط بالقاوي بدا تبان لكولوغ الجديدة لي ولات نواغ لي كانت مقبل بلوسيال وبانو زوج بوندات جاين بجيه في لكابو في لبلون زجاج ولا فيمي ...الطونوبيل من النوع الرياضي يشوف وقلبو قريب يطير من الفرحة نحى لغطا كامل وبدا يتلمس فيها ويعيط ماشي مأمن عينيه راح عنق غيث بالجهد وغيث رجعهالو بنفس الحرارة

غيث: كنت عارف بلي راح تفرح

أسيف:يعطيك الصحة ياهكا صحبة يا مكانش .

غيث: بلامزيتي هذي حتى أنا تعنيلي بزاف .

                      #أريولة
_________________________
توقعاااااااتكم 😍 كومونتيو بين الفقرات لأني نحب نقراهم ومتنسااااااوش فوت في طريقكم كتشجيع على الأقل 10 فوت ❤
تستنا فيكم أحدااااث 🔥🔥🔥🔥
كونو في الموعد يطلع التفاعل شوي راني نزيد في ليبارت حبكم فرولاتي في لامان 👋😘

حقا يخص 3فوت في حكاية من يومياتي أنا و ضرتي وغاجلنا جاد في البارت 15 لي مدارتش فوت تروح دير باه نحط 16😍