عنوان القصة غير جاذب لكن نقدر نأكدلكم أنو محتواها يهبل 😍 🔥
نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
خرجت من الدار حطت ليكيت في ودنيها دارت غنية راب سولو شابة كانت نسمات الهوا الدافية تضرب في وجها زادت من السرعة انتاعها وصلت لوسط لمدينة كانت الطريق عامرة بالطونوبيلات وتقلقت من الازدحام وهي حابة تريح راسها تقعد في بلاصة تستخلوا بيها ايا بدلت طريقها ...
راحت للبحر نقصت من سرعتها بشوية بشوية حتى حبست عند واحد الكرسي نحات ليكيت قعدت تتأمل في البحر لي كانت مواجو هادية ..المنظر انتاعوا يريح العقل يخلي نفسيتك تستراح .....
نخليو دينيز ونمشو لجيهة أخرى بعد ما ناض ودار تولات انتاعوا لبس سورفاتمون وباسكات الساعة في اليد راجل طول وعرض سمر شوية طاي هبال لحية خفيفة عيونو حادة كاسيف طبيعتو واعرة وهادي في نفس الوقت يتملكو الغضب داخليا خزر في لمراية سڨم خصلات من شعرو خرج من شمبرتو حبط لصالة مونجي..
لقى عايلتو متلمة عليها لي متكونة من اب اسمو مالك ، يماه وعد ، خوه لكبير مؤيد ، مرتو لقاء ،هو أسيف ، ختو الصغيرة ريمان.
مالك:صباح لخير سبع انتاعي .
أسيف: صباح لخير عليكم ردولو كامل
وعد: أيا وليدي اقعد تفطر
ريمان: رايح دير فوتينڨ؟
أسيف : وي راني رايح (ودار من جيهت لخدامة وقال): جيبيلي كاس جو رمان .
مؤيد: قريب يبداو لمقابلات !
أسيف: وي لازم عليا ننطريني مليح .
ريمان: دوك كي لعادة تربحهم في رمشت عين .
أسيف : إن شاء الله (مع بسمة خفيفة)
لقاء: و نديرولك حفلة الله الله .
مالك حط المغرف من يدو وقال وهو يخزر في أسيف :كي يجيب الشهادة الجامعية ويولي يخدم في الشريكة تما نديرولو حفلة.
أسيف دور وجهو عروقو برزت شوية ..لاحظت يماه وحبت تدعمو وعد: وليدي يتهلا في قرايتو وفي السبور انتاعو يجيبهم في زوج ان شاء الله.
جابت الخدامة لأسيف الجو رشف منو رشفات وحب يبدل الموضوع أسيف: واش ڨنينة كيفاه مع القراية توجدي للباك.
ريمان: وي راني نقرا ونوجد .
أسيف: ربي معاك أيا أنا نخليكم لنبعد إن شاء الله.
وعد: طريق سلامة .
خرج من الباب حط لكاسك في وذنيه دار غنية وبدا الفوتينڨ وعقل يخمم وسارح بعيد ........
غيث: وي وين راك أصاحبي رحت لدار قالولي رحت دير فوتينڨ الغابة كامل حوستها عليك رحتك مكاش من موقبيل و أنا نعيط.
أسيف: مسمعتوش مانيش في الغابة ليوم بدلت راني في البحر في ***** .......يهدر بصوت تاعب
غيث: أسيف واش بيك!! واش كاين !!
أسيف: أرواح وخلينا نڨصرو. غيث: أوكي قيس طريق .....وقطع
#أريولة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البطل ديالنا أسيف 😍☝☝
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غيث 😋 __________________ البارت هذا في خاطر هذيك المخلوقة لي قالت لي اذا منغيضوكش 😍😘 نسيت اسم الواتباد ديالها 😅 المهم مرسي عليك كي رامي تبعي في الحكاية و البارت هذا اهداء ليك 😙
مزالنا في البداية أعطوني أرائكم فرولاتي 😻 و يرحم والديكم كومونتيو في الفقرات نحب نقراهم 😍 ليكومونتاغ ...فوت في طريقكم حبوباتي متنساوش 😶
