أنتِ أنثى (باللهجة الجزائرية)

الحلقة 53

طريق كامل وهي تخمم أكيد بعد ما عتارفو لبعضهم علاقتهم باش تتبدل زعمة كيفاش راح تصرف و أسيف كيفاش راح يعاملها واش تكون ردت فعلها اذا قرب منها تمشي و أفكارها تدي وتجيب فيها حمارو خدودها من المواقف لي نسجتهم في خيالها نفضت راسها تطرد فيها كلما تقرب خطوة لنادي تزيد دقات قلبها وتحس النفس كأنو خلاصلها ...(اااا ه يا دينيز واش الشي هذا لي راه صاريلك توخضت في المخلوقة هههه) وصلت لصال دو سبور 
بقات جول بعينيها تحوس على ڨليع ڨلبها (ااااعععع غرت) ملقاتوش يعني حساباتها كلهم راحو في الما ...

حطت كابتها بدات توجد روحها حتى بيدما يجي متحس غير بيد نحطت على خصرها ودفعتها خبطت في الحيط لي وراها اااا قصدي صدرو نفاس سخونة تضرب في رقبتها خلاتها تحس كرشها دغدغ فيها (شفت وريت مي مضنيتش راح يصرالك هكا يا بنات شدوها لاطيحلي هنا ) حس أسيف برعشتها توعد أنو يهبلها وبقى يتبسم ابتسامة الخبث هههه

أسيف : بلوطة واش توحشيتيني ...

حارت واش تجاوبو دينيز :وين كنت ؟جيت ملقيتكش...

أسيف :يتسمى توحشيتيني ..حتى أنا توحشتك ..

قلبها لعندو بحيث ولات مقابلاتو طبع بوسة خفيفة على خدها خلات دينيز تلهب لهيب وحشمتها باينة موش قادرة تخبيها شي لي خلى أسيف يضحك بسك ماشي متعود عليها تحشم (حتى أنا وراها خالعتني حرت منين طاحت عليها)

حط أسيف يدو في ذقنها طلعلها وجها حتى قابلو وعينيها في عينيه و اليد لوخرا محاوطها على خصرها حكى وأنفاسو الحارة تضرب في وجها ....

أسيف :بديت نتوحش دينيز لقديمة ..

دينيز حلت عينيها على وسعهم يعني مش هو لي كان حابها تبدل وترجع مرا كيف النسا ...أسيف من شوفاتها فهم واش يدور في راسها كمل يحكي ...

أسيف: الحشومية هذي يبقى كان أنا لي نشوفها ومرر يدو على بدنها وهذا اللبسة باه تتبدل روحي ليفاستياغ تلقي لي جبتهولك البسيه ورجعي نكملو ...

دينيز ستغربت ملي قالو مي راحت تنفذ في اوامرو أما أسيف باش عروقو تطرشق من العصب حك شعرو وهو يرجع في النفس طلع للحلبة يلبس عليه القفازات و سيليكون في فمو يستنا دينيز توجد وهو يتفكر برزت عروقو وعينيه حمارو ....

نروجعو وين كان أسيف 
كان في بيت التبادال يبدل حتى سمعهم يحكو ومحسوش بوجودو ...
الاول :شفت لي يدرب فيها أسيف ...

الثاني : ايه شبيها .

الاول:مكانش يبان عليها فاتنة لذيك الدرجة .

الثاني : اييه صح خاصة نهار الحفلة

الاول:نظن راها صحبة أسيف نن!!

الثاني :منعرف نتأكدو و اذا لالا بصحتنا بيها ....

مع آخر كلمات طار عقل أسيف من راسو ولا كي ثور الهايج لي يعرفو هذو الزوج خسرو الهدرة في حق دينيز وهي حاجة تخصو تمنى لو بقات كيف كانت مايشوفها كان هو وواحد ميرغب فيها 

دخل عليهم بالضرب واحد واحد وهوما مصدوهش عارفينو باه يزيد يهيج على ماهو هايج وعارفين هوما لغالطين سمعهم ملا يرضيهم بكميات من العيار الثقيل تاع سبان خرج قابلاتو دينيز دور راسها في أرجاء صال باينة تحوس عليه تأملها لدقايق عدل روحو وراح ليها ...الباقي عارفينو 

رجع للواقع كي دخلت دينيز الحلبة وبدات تستعد لتدريباتها معاه خذا كل واحد فيهم الموقع انتاعو وخذاو وضعية الاستعداد وبدا النزال كان أسيف يقرب من دينيز بصفة غريبة ويخليها تشرد وهو متقصد هذا الشيئ بعدها يضربها لمنطقة ضعفها لي لازم تحميها هذا الشيئ خلا أسيف يتعصب عليها ماهيش تدرب كيما يلزم عليها خاصة أنها راح تشارك في مسابقة عالمية ....

قرب منها ضربها من جيهة كليتها ضربة صحيحة خلات دينيز تصيح من الوجيعة كي جات ترجعها صدها وزادلها ضربة ..

أسيف:أحمي روحك متخليش هذي وهذي بلاحماية يديك في وجهك اتفداي الضربة ..لازم الخفة ..تركيز ..تركيز ..دينيز وين راهم هاذو ..لحق الصحة في الحلبة متسهايش لازم تضربي وتضربي باش تربحي كي فتي حطيتي رجلك داخلها لازم تخرجي رابحة وثقي بلي تقدري ..شوفي فيا 
طلعت عينيها لي تغرغرو بالدموع من قوة لكماتو ليها لأنو كان يحكي وفي نفس الوقت يلكمها ...

صح سهات عرفت دارلها هكا باه تفيق مي هي بقات غارقة فيه ونسات بلي بلاصة.. بلاصة خدمة لازم عليها تتعلم الخفة و الذكاء و الحيلة باه تنجح وميعلمهملها إلا أسيف ..

أسيف :فاهمة واش نحكي ؟

هزت راسها بمعنى ااه وقالت: غلطة و متتعاودش غير الربحة لي نربح باش يعرفو دينيز واش قادرة دير ..

أسيف:هكا نحبك ..نعاودو ..

دينيز: وي 

أسيف : المهم تبعي واش ندير غاردي على وجهك باه كي نضرب هكا........راح يعطيها باقي تعليماتو ...

                     #أريـولة
___________________
هااااي 👋 ان شاء الله يعجبوكم الأحداث 😊 نزيدو بارت !!