يسوق في الطونوبيل وعقلو كامل مع صاحبو خايف عليه صح طبيعتو هادي مي الداخلو ثور هايج محسش بالطريق حتى لاقى روحو لحق ڨارا في الطرف خرج بكل هروتو بشرتو الخمرية ﺷﻌﺮ ﺷﺘﺎﻥ ﺍﻟﻌﻴﻨﻴﻦ ﻓﺎﻏﺖ ﻟﺤﻴﺔ ﺧﻔﻴﻔﺔ ﻛﺎﺩﺭ ﻭﺟﻬﻮ ﺯﺍﻳﺪﻟﻮ ﺍﻟﻮﺳﺎﻣﺔ ﺍﻧﺘﺎﻋﻮﺍ ﺟﺴﻤﻮ ﺭﻳﺎﺿﻲ راح وين راه قاعد حط يدو على كتفو ...
غيث: واش خو وين راك سارح تكى أسيف على الكرسي ورخف روحو قعد غيث قدامو.
غيث : واش صرا عمي مالك كشما زاد قال؟
أسيف: مزالو شاد في هذاك الخيط تاع نولي نخدم في الشريكة أنتاعو غيث أنت تعرفني أنا ماشي تع شريكة وهذا الخرطي لوكان مور ما ندي الشهادة يقولي روح خدم تم نرفد روحي ونخرج من البلاد هذي كامل .....
يهدر وقابض يدو وحاس روحو رايح يطرطق
غيث: لالا واش هذي الهدرة دوك انت خمم في قرايتك كملها وخمم في الكومبا لي راها جاية لازم تربح باه تبينلو بلي الحاجة لي راك حابها راك ناجح فيها ماشي كيما يخمم هو يقول مافيهاش فايدة.
أسيف: نشوف وين رانا رايحين نوصلو معاه.
غيث: أيا نروحو لدار دوش بدل عليك وراك معروض لغدا من عندي .
أسيف : أوكي ماشية .
نخلوهم يروحو ونعاودوا نولوا لدينيز لمزالت قاعدة تتأمل في البحر بعد ما حست بلي ريحت نفسيتها قررت تولي لدار ركبت vيلوها ومشات عند غياث و أسيف.
أسيف : غيث واش راك ناوي دير مور ما جيب الشهادة.
غيث : نكمل ادارة أعمال وراني حاب نفتح شريكة خاصة بيا منخدمش مع بابا.
أسيف : تخدم مليح شريكة حر مالك دير واش تحب فيها مينخافش عليك تقدرلها .
غيث : ايه هكا راني نخمم ايدا سهل ربي
أسيف: إن شاء الله........حبست الطونوبيل.
أسيف: علاش حبست هنا (بلاصة خالية بين الفيلات اليوم عطلة وكل عايلة وين راحت)
غيث: حبست وحدها منعرف علاه!
أسيف: أمشي نحبطو نشوفو واش بيها.
حبطو باعدما فتحو الكابو لقاو الخلل وين راه جبدو الدوزان باه يسڨموها .......
نروحو لزنقة من زنق البلاصة هذيك كانو زوج دراري في 18 سنة هكاك بvيلواتهم قاعدين يستناو في تيليفون صاحبهم الثالث لي كان يتبع في دينيز شوية هكا وعيطلهم .
هو: راها داخلة لزنقة وجدو روحكم.
هوما : اوكي وهنا راها فارغة نديروا فيها راينة ونطلقوها 😈
هو : ايا راها مريڨلة .
هوما: رانا واجدين 😏
دينيز داخلة لزنقة هديك وماعلابالهاش واش راه يستنا فيها ما حستش بلي كان يتبع فيها بسك عقلها سارح بعيد بعيد وهي هكاك حتى خرجو هادوك الزوج قدامها حبست vيلوها كأنها عارفة واش حابين علابالها بلي جايين ينتاقمو منها بسك رجعتهم ضحكة في ليسي مي كي ضاربت امعاهم كان كل واحد وحدوا وضرك جاوها ثلاثة على ضربة .........يتبع
#أريولة
___________________
بدينا ندخلو للمسقي تاع لحكاية 😈 توقعاااااااتكم بناااات 😘😍
رايكم في القصة و الابطال انتاعنا ؟!
فوووت في طريقكم متقراوش و تهربو بلا منوصيكم 😘 علابالي فحلات ❤💋
تشاو في لامان 👋
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
