أنتِ أنثى (باللهجة الجزائرية)

الحلقة 37

دخلت لليسي وهي حاطة راسها في الارض على أمل كشما وين تلقاها طايحة وهي تمشي حتى خبطت في ريمان..

ريمان: أي راسي ...

دينيز :يالنعل ن**** خرا هذي أنت !!

ريمان: عندك راس ولا حجرة ايما راسي تفلق ...بصح واشبيك هكا عينيك منفخين ووجهك صفر كي القارص ؟؟

دينيز: والو مشبعتش نوم برك ..

ريمان: دينيز بصح ني حاسة كاينة حاجة خلاف ..

دينيز : اااععع نسيت بلي انت سامطة على جمال ودوك تصرعيني بالهدرة مع صباح ربي و أنا ماشي حاملة ...

ريمان ربعت يديها وقالت: الحمد الله كي علابالك أيا أحكي ..

دينيز: تبحرتلي حاجة غالية عليا بزاف صح هي بسيطة مي تسوا عندي لحياة هذي الكل ..

خبط ريمان راسها تفكرت واش لقات:اصبري هي صورة لالا؟

دينيز حلت عينيها على وسعهم وعيطت :لقيتيها ريمان !! 

ريمان :هذي لالا؟؟

خطفت الفوطو من يدها وقعدت تتفحص فيها بأنامل صبيعاتها ودموعها غاسلين وجها رجعت لحظنها عايلتها رجع باباها ..يماها..خوها...طبعت­ قبلاتها المشتاقة ليهم فجأة فاقت من الحالة لي كانت فيها حظنت ريمان بكل قوتها وهي تشكر في ها وتعاود ريمان محبتش تبحث علاه دير هكا حبت دينيز هي لي تفتح قلبها وتحكيلها كي ترتاحلها صح علاقتهم تحسنت ولاو كيف أي صديقات مقربات من بعضاهم مي الحوايج الشخصية مزال محكاوهاش كل واحدة فيهم تستنا من لوخرة تفوت تحكي ..مسحو دموعهم وهوما يخزروا في بعضهم ..

دينيز :والله ماني عارفة كيفاه نرجعلك خيرك 

ريمان :بوووه عليك مبيناتناش الحمد الله كي لقيتيها.

دينيز : الحمد الله

ريمان:دندون راكي تخلعي الموتى بهذا الوجه ...

خبطتها دينيز بوكس ناضت ريمان تسوغ :تششش ريمو بركاي متزيدي عليها هذا البكس تاع تمسخير نوضي تمثيلك باسل لدرجة متتصوريهاش ..

ريمان: ايا صيبون خلينا نخلو نقراو

دخلو لكلاصتهم بدات الأستاذة تشرحلهم وتنبهم على الوقت لي مبقاش با يجوزوا الباك كلفتهم بآخر مشروع للسنة والعمل راح يكون ثنائي شرحتلهم عليمن المشروع موراها بدات تملي في الأسماء حتى لحقت لآخر ثونائي لي كان دينيز و ريمان ..

ريمان:مزية جينا كيف كيف ..

دينيز: وي حتى أنا فرحت ..

الأستاذة: باه نبهكم الوقت مبقاش مجبورين تعطوني المشاريع بعد غدوة 

ناضو تلاميذ يتحججو (هاذي كيفي مع البروجي تاع العربية بففف قراية تاع لعوج) 

ريمان :هاذي راها في عقلها باه تقول بعد غدوة ؟

دينيز: يا الزح واش هذا مهبولة سوغ .

ريمان : دينيز لازم تجي معايا لدار نخدموه ..جات تعارضها مخلاتهاش ممبا..متحكي حتى كلمة ارواحي تعيشي 

دينيز: مي...

ريمان: احسبيها كشغل رديتيلي خيري تاع الصباح ..

دينيز: يتسمى هكا حكمتيني من اليد لي توجع ماعليش يا لالة .

ريمان: هههه مليح لي يخدم الخير ..

                      #أريولة
________________
هلااااو 🌸 بارت خفيف باش نحرقلكم شوية الأعصاب 😈
زوج حلقات ملي حطيتهم موصلوش عشرة اذن من فوق بارتي منزيدلكمش اليوم 😒

ودوك يا تكونوتيو كي خلق الله يا منتفاهمش معاكم 😒 مدووولي رايكم تعرفو واشنها رايكم ماكومش كامل تتفاعلو واحدة فيكم ماراهي تمدلي رايها في الأحداث اذا عجبوها ولا نن غير كملي توب كملي 😡 ياااربي فرحوني أسيدي بالي الافكار ملاح ولا !! ...

دوك يا تمدولي توقعاتكم واش راح يصرا يا معلاباليش واش ندير 😡

وباه نقوللكم راح يصراااااو أحداث أكيد باش تعجبكم ❤😍😈 نشوفو شكون لي تتوقع أحسن وتوقوعاتها أقرب ❤💙 فرحوني تشو أقل من 10 فوت منتفاهموش  !!