أنتِ أنثى (باللهجة الجزائرية)

الحلقة 41

كيما علابالك بالحادث هذاك لي صرا كان هو سبب حالتها كنقطة أساسية بسك فقدت أعز ناس على قلبها لي هوما عايلتها بين ليلة ونهار ولاو في خبر كان وزيد هي غير طفلة صغيرة النطق مزال متعلماتوش مليح أسمها متعرفش تنطق حروفو لولا هذيك الفوطو لي كان مكتوب فيها إسمها لوكان رانا معرفناهش ..

ألاء:هذ لكلام عارفة بيه أنا من هذاك الوقت وأنا متبعة حالتها حتى كان كاين إحتمال كبير أنها تفقد النطق إنتاعها ..

تاليا:أوكي همال نبدى من نهار شافها عمو مرهف ...في ذاك الوقت كانت طاطا روانا تعمل في تحاليل باه تشوف اذا تقدر تحمل وكانو في هذا السبيطار تما على حساب محكاولي خرجت دينيز من غرفتها وهي حاكمتها هيستيريا بكا تمشي في الكولوار وتحوس على والديها تما خبطت في رجل عمو مرهف وهو رفدها وروانا كانت تحاول تهديها في ذيك الدقيقة أنت شفتيها بين أحظانهم كنتي تحوسي عليها تما كي عرفو أنها يتيمة وروانا إحتمال تحمل شبه منعدم قرروا يربوها وأنت وقفتي معاهم ..

ألاء عرفت بلي جاتها صعيبة تحكي على هذي راها تحكيلها أحداث هي عارفة ييهم نقولو تهييأ في نفسها:ايه واش صرا مور مداوها؟

هنا تنفست بعمق: كي داوها حاولو يفرولها كلش لامن الناحية المادية يا من الناحية المعنوية دينيز بدات تكبر والصورة تظل مرافقتها وديما تستنا في الباب يرجعو ليها حلتها النفسية كانت مضطاربة بصح ماشي لدرجة كبيرة بدات تتعود على حياتها جديدة وتتعلم تحكي عام على عام كبرت ولحق وقتها باه تدخل تقرا كان إحساسها مخالف على معتاقدوه لأنها رفضت تماما تروح للمسيد وتبعد على الدار أو حتى عليهم تما إكتاشفو بلي عندها فوبيا من العلاقات الجديدة ومن ركب المواصلات ولا داها مرهف تمشي كامل الاطفال كانو مع والديهم أما دينيز لا قعدت وهي بعيدة عليهم بعد ما راح مرهف لخدمتو ووصا الاستاذة عليها قعدت تشوف في عايلتها المحبوسة في ذيك الصورة بقات طفلة منعازلة على بقية التلاميذ واذا صرا اي احتكاك معاهم ولا الاستاذة حبتها تشاركهم في شي نشاط تلقاها ديما تبكي وكلما تكبر تزيد تحس بفقدان اهلها كثر وكثر رغم إنو روانا و مرهف ماقصروش معاها مي هي تحس أنو وااديها لي هي من لحمهم ودمهم ميتعوضولهاش بداو بعض تلاميذ يتعرضولها كي كتاشفو شخصيتها ضعيفة ومكانش لي يدافع عليها هنا زادت ولات منعازلة كثر وكي كتاشف مرهف حالتها جا ليك وحكالك ومن تم انت بديتي علاجها بصح هي مكانتش تحكيلك في ذيك الفترة إنتاقلت أنا وماما لعندهم كانت كثر الاوقات تبكي و الاتفه الاسباب بديت نتقرب منها السبب اللي خلاه توثق فيا هو أنو أنا تاني يتيمة هكا متحسش بالنقص معايا كنا نتشاركو أحزانا و أفراحنا بدات نفسيتها تتحسن على ماكانت جازو لعوام ووصلت لليسي دخلت تتعلم جيدو باه دافع على روحها تلبس لباس ذكوري تخبي في أنوثتها باه ميتحرشوش بيها ولي كان ينفرزها هو سبهم ليها لأنها متعرفش اللقب انتاعها تحس روحها مقط.عة من شجرة لا أصل لافصل .. وعلى انها فتاة يتيمة والحاجة لتستفزها أكثر كي يجبدولها عايلتها وتاني ولات تحس روحها ناقصة و أنها هي مش كيف لبنات و لا العباد الطبيعية كي تتناول هذيك الحبوب لي أنت تمديهالها ...

خرجت منها آآآه متألمة للوضع لي تعرضتلو دينيز مسحت دموعها تنفست شوية باه تمسك الدموع لي بقاولها كملت قالت:و الباقي راكي عارفاتو ..

ألاء حكمت يدها : خلاص متخافيش صحيتي كي حكيتيلي هكا نعرف كيفاه نتصرف معاها ..تأكدي راح تبرى ..

تاليا: على هذا واش نحوس ديري لي تقدري عليه المهم ترجع دينيز مليحة ..

ألاء: إن شاء الله.

تاليا: أنا نخليك باي.. 

                      #أريولة
______________________
مسااااااااءوووو لبناااات ان شاء الله تكونو بخير و على خييير 😍
بـــــون آنـــي 🎉🎄
كــل عـــام و انتــومــا بخـير 🎂🎆

متنساوش الفوت + كومنتيو في الفقرااات شرايكم في واش قالتو تاليا ؟!