مرهف فتح الباب بالقاوي تبعاتو روانا وموراهم تاليا لي خافوا منو صرا وخايفين العواقب لي بقاو مشوكيين من الحالة لي كانت فيها دينيز لي ضامة لمخدة ليها بكل قوتها غاطسة راسها داخلها وتبكي بطريقة هبستيرية وصوت شهقاتها يتعالى ومرة مرة تعيط على طووول جهدها قاعدة فوق فراشها وتتهز وتولي لي يشوفها يقول وحدة مخطوفة في عقلها راحت روانا تهدي فيها تاليا قاعدة تحوس على دواها باه تتكالما أما مرهف رفد تيليفونو وعيط لطبيبتها.....
مرهف: سمحيلي ألاء عيطتلك في هذا الوقت
ألاء: غير الخير مرهف دينيز بيها حاجة
مرهف: عاودت ولات لحالتها لقديمة
ألاء: حذرتكم مقبل كونتوا تلتهاو بيها علاه هكا يا مرهف علاه راني جاية حاولو تهدوها و تخرجوها من الحالة لي راها فيها
مرهف: رانا نخدموا في جهدنا مدابيك تزربي ألاء حالتها راها تخوف
ألاء : مسافة الطريق.....قطعت
في شمبرت دينيز
روانا وهي معنقة دينيز:بنتي رانا معاك خلاص رانا هنا ريحي بنتي متخلعينيش عليك خلاص
مرهف: تاليا ملقيتيش دواها؟
تاليا: لالا ملقيتوش حوست كامل لقجور تاع شمبرتها مكاش.
روانا: والحل كيفاه نخلوها هكا
مرهف: ألاء راها في الطريق .
تاليا: لي كونا خيفين منو صرا
روانا : لالا دينيز تبرى متبقاش هكا .
دينيز مزالت تبكي بنفس الطريقة و تروح وتجي وهي قاعدة تاليا لي قاعدة تخمم في دواها وين راح مكانش كيفاه لكمية قد هذيك تخلاصلها وريحت لقراع تعهم مكانش قعدت تخمم مع راسها قطع تخمامها صوت لاصونات راحت تجري تفتح لقاتها ألاء .
ألاء وهي داخلة تزرب وتهدر: تاليا وينها دينيز !
تاليا: في شمبرتها
ألاء كي دخلت نخلعت فيها تحلو عينيها على وسعهم
روانا: ألاء حبيبة شوفي حالتها كيفاه راها شوفي كشما ديريلها خرجيها من هذي الحالة ....وهي تبكي .
ألاء : روانا اطلقيها خليني نشوف وصيتكم تعسوها متخلوهاش وحدها وراقبوها علاه خليتوا حالتها تولي هكا .
كامل حبطوا ريسانهم ملقاو ميقولوا وكلهم أفكارهم تخمم واشنوه الدافع لي خلى حالتها هكا.............يتبع 😈
#أريولة
________________________
مسااااااااااااااءوووووو فرولاتي ❤🌸 توحشتكم شوفو البارت قصير كي العادة متقتلونيش 😂 راني في فترة امتحانات علابالكم 😭 المهم إن شاء الله يكون عجبكم علابالي معمر نديييب وبكى 😂😂 مي ماعليش ......
رايكم فيه توقعاااتكم شبيها دينيز ؟! وينو دواها !! وواش يكون مرضها ؟
كومونتيو بين الفقرات تعرفوني نحب نقراااااهم 😍 وفوت في طريقكم كي العادة 10 فوت يتحط البارت القادم 🌸
ولي مزااااال مقراااااش الرواية تاع غابة كالفودرين تعيشو يروح يقراااا محتاجة تشجيع فيها والله رواية مليحة وخيالية بزااااف 💝 مبقالي غير نقوللكم تشاو في لامان 👋
أنت تقرأ
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
