أنتِ أنثى (باللهجة الجزائرية)

الحلقة 35

وصلت لدار عيانة عقلها يخمم راحت للبيت لي رجعت تدرب فيها لبست الكيمينو ديالها لي كان معلق مور الباب بدات تدريباتها تخرج في غشها بعد مدة قعدت في الارض تسترجع انفاسها لي تهرب منها من شدة التعب علابالها هذوا التدريبات ميجيبوش نتيجة جديدة وراح تبقى في مكانها وهي راها تطمح لحاجة تكون اكثر من هكا يرجع عندها صدى في ميدان الرياضة وتولي مشهورة وتبين لناس لي ستحقروها وستخفو من امكانياتها بلي هي قادرة تطمح..تحلم.. وتحقق بقات تخطط في تفكيرها واش هي الخطوة لي تخطيها باه تحقق كل هذا ؟ بالخط الأحمر بلا مننساو بدون مساعدة أحد من افراد العايلة او حتى تاليا دخلت لدوش دوشت حبطت تعشات قصت عليهم موعدها مع ألاء ومدت لمرهف يشريلها الدوا الجديد ...

غسلت لماعن مع تاليا وهي تحكيلها على ريمان ..لحقت الساعة 11:35 كل فرد فيهم دخل لعشو لي يأويه يخليه مرتاح يرفد كل أتعاب نهارو حطت دينيز يدها تحت لمخدة باه تجبد صورة لي تعودت تحادثها وتبوسها قبل ما ترقد العادة هاذي ملازمتها من كان عمرها 3سنين لكن.......

المرة هاذي كانت غير الصورة مكانتش في مكانها المعتاد هنا حلت عينيها بصدمة تفكرت ملي حطتها في جيبها الصباح مزادتش جبدتها على غير عادتها موالفة كي تبدل تنحيها من حوايجها وتحطها تحت المخدة نتفضت من بلاصتها قلبت لبستها مليح زادت الكوزينة..لبيت لي دربت فيها ..

وكل بلاصة خطرت في بالها لكن النتيجة مكاين حتى أثر ليها...

دموعها سبقوها قلبها يخبط بالقاوي وتيرة التنفس ديالها ضطاربت السؤال الوحيد لي بقى يدور في راسها وين تكون راحت فاقو مفجوعين على صوت تكسار فاز من الصالون لقاو دينيز حالتها حالة قاعدة على ركايبها دموعها غاسلين وجها ويديها يرجفو وتهذي بكلمات ماشي مفهومين..

مرهف:دينيز بنتي بيك حاجة واش جرالك.

روانا:غير الخير ..متخوفيناش عليك ..

حبطت تاليا ليها تحظن فيها..روانا شادة يدها أما مرهف عيط لآلاء ...هنا سمعت تاليا دينيز تقول عايلتي راحت معرفتش نحافظ عليها ..عاودوا راحو ...خلاوني وحدي ....

                    #أريولة
________________________
نزيدلكم بارتي ولا نن 😶! متنساوش الفوت مع الكومونت ❤