أنتِ أنثى (باللهجة الجزائرية)

الحلقة 27

دخلت للحمام تأكدت بلي مكاين حتى وحدة خذات من جيب سروالها باطة تاع دوا خذات منها حبة خزرت في روحها على لمراية تنفست بعمق جبدت الفوطو 
تأملتها شوية طبعت بوسات عليها سغمت حالتها واتاجهت للكلاصة كانو دخلو يقراو ديجا دقدقت سمحتلها الأستاذة تدخل توترت من شوفاتهم ليها ومن همساتهم ..

الاستاذة :رحبو بطالبة جديدة معاكم ممكن تعرفيهم على روحك .

خذات نفس وحكات دفعة وحدة :اسمي دينيز نتمنى نجوز معاكم فصل مليح ..

الأستاذة: إن شاء الله تفضلي اقعدي 

خزرت دينيز في الطوابل لقات طابلة لي كانت آخر وحدة في الصف فارغة قدام التاقة حطت دوزانها وقعدت ..

الأستاذة :دوك تجي لي تقعد معاك هذي ديما روطار حاولي تبعي معانا ...

الأستاذة: وين وصلنا ...آآه افتحو لكتاب صفحة .....قطع كلامها صوت دقديق الباب بعدها طلت وحدة منو شعرها كحل طويل كل حاجة فيها صغيرة وجاية بلوندة ...

..:معليش ندخل 

الاستاذة :ادخلي يا لالة ادخلي ..

.....:صحيتي ..دخلت تجري حتى لحقت لعندها :اوووو وأخيرا جات لي تشاركني هذي البلاصة مرحبا بيك ..

دينيز:مرسي ..

....:متعرفتش عليك شكون الشابة.. وغمزتها .

دينيز:دينيز ..مدت يدها تخمس معاها 

......:أنا ..قطعت كلامها

الاستاذة:مانيش دايرة حصة تعارف لنبعد وتعرفو وشبعو حكايات دوك انتابهو لدرس ....وراحت تكمل في درسها لي قريب رقدو تالمون سامط الدرس هذاك صونات الراحة وخرجو كامل التلاميذ راحت دينيز تكمل تستكشف ارجاء المؤسسة طلعت لسطح وبقات تشوف في منظرها من الفوق وهي سارحة في تفكيرها حست بحركة من وراها كانت الطفلة لي قعدت امعاها خزرت فيها وبتاسمت :هاااي سلام

دينيز:اوولا

...:نعاودو نتعارفو ههه أنا ريمان 18 سنة
بادلتها المصافحة
دينيز:و أنا دينيز قدك 18سنة

ريمان:الله يبارك 

دينيز:يبارك فيك ..

ريمان:ظهر أنا و أنت نحبو هذي البلاصة
كلما نخرجوﻟﺮﺍﺣﺔ ﺃﻧﺠﻲ ﻧﻘﻌﺪ ﻫﻨﺎکﺘﻔﺎﺕ ﺩﻳﻨﻴﺰ ﺑﺎﻹﺑﺘﺴﺎﻣﺔ ﺟﺎﺯ نهارهم ﻋﺎﺩﻱ ﺧﻼﺻﻮ ﺍﻟﺤﺼﺺ وﻛﻞ ﻭﺣﺪﺓ ﻓﻴﻬﻢ ﺭﺟﻌﺖ ﻟﺪﺍﺭﻫﻢ.

                     #أريولة

ريمان ☝👆 كيفاش جاتكم ؟!