بس مينفعش كدة
قالتها همسة بغضب و هي تستمع لكم الواجبات الهائل الذي يفرضه أنس عليهم
أنس ببرود :بيتهيألي ملكيش دعوة باللي انا بعمله .. انتي جاية تتدربي مش جاية تعملي اللي يعجبك
همسة بانفعال : الموضوع مش موضوع اعمل اللي يعجبني .. انا بقولك الصح .. حرام دول لسة ابتدائي هيذاكروا انجلش بس؟ .. دي ماسمهاش مذاكرة كمان ،ده هيكتبوا بدون تركيز و طبعا بعد التعب ده كلو قولي هيذاكروا امتي
أنس :نتكلم بعدين ..
كان جميع الطلاب يتابعون هذا حتي نظر أنس اليهم قائلا :الحصة خلصت ..
ما ان قالها حتي سمع تنهيدات من الطلاب دلالة علي الراحة
جلس على كرسيه و خرج من الفصل و قال بصوت آمر :عم حسين .. هات كرسي زيادة
ذهب عم حسين و احضر كرسيا و اعطاه لـأنس فأخذه منه وهو يشكره
وضع أنس الكرسي بجانب المكتب قائلا :اتفضلي اقعدي
وقف هو وراء الكرسي و هو يكتب علي السبورة الواجب المنزلي حتي لا ينساه احد
بينما جلست همسة و أخرجت هاتفها من جيبها و أرسلت إلي تالين :معلش بقي اتأخرت عليكي .. أصل هنا في أبو لهب الاصلي .. فاكرة مستر مسعد اللي حكيتلك عنه .. عندي أنيل .. شوية و نازلالك
أنس بخفوت :واخبارك ايه بقي مع ابو لهب دلوقتي .. هو ساكت اهو كده حلو ؟
همسة دون انتباه :اه كدة احسن ..
ثم فتحت عينيها بصدمة و هي تنظر له .. ثم قامت قائلة ببرود مصطنع :معايا تليفون مهم هروح ارد برا
ثم خرجت و هي تحمد الله انها مازالت بخير
تنهدت بضيق و هي تقول :انت اللي حطمتني وانا صغيرة .. خليتني افقد ثقتي بأصحابي حتي البنات .. ربنا ياخدك .. او مياخدكش بس تبعد عني
ثم حركت ساقيها بعصبية و هي تنظر إلي فناء المدرسة من الاعلي و تسند يديها علي السور قائلة بنظرة غاضبة :بس مش هسامحك في عمري يا أنس .. مش هساامحك !!
تحركت لتطرق الباب مجددا و تدخل و هي تمسك هاتفها وتنظر اليه و كأنها رأت منشورا مضحكا و تضحك بخفوت و لا تبالي به
جن جنونه فقال بغضب مكتوم :احنا في فصل اتفضلي سيبي الموبايل
أنزلت الهاتف من يديها و هي تغلقه و وضعته في جيبها بعدم اكتراث و نظرت للطلاب الذين يتهامسون قائلة : حصة الانجلش اللي جاية امتي يا شباب
رد عليها كل منهم بالاجابة ولكن بصوت متداخل .. استطاعت ان تتفهم انها ستكون بعد غد فقالت :طيب هتذاكروا كويس عشان هعمل كام سؤال بس المتفوقين و اللي مذاكرين هما اللي هيجاوبوا و عليه جايزة حلوة
رأت اوجه الطلاب المبتسمة فابتسمت بلطف و تركتهم و هي تجلس منتظرة صوت الجرس علامة علي موعد الرحيل
اتتها رسالة من تالين لكنها لم تفتح هاتفها امتثالا لما قاله أنس ولتثير غضبه
أنس بصوت منخفض :متعمليش كدة تاني
نظرت اليه مستغربة قائلة بلا مبالاة :اعمل ايه؟
أنس :حكاية الجايزة و الكلام الفارغ ده
همسة بسخرية :اه معلش
صدر صوت الجرس فانطلق الجميع من يلملم اشيائه و من يخرج سريعا
فوقفت همسة قائلة بهدوء :يلا يا تسنيم
تسنيم :طيب طيب
همسة :طب بقولك .. هتلاقي تالين تحت روحي استنيني معاها و هجيب حاجني من الاوضة
تسنيم :حاضر
_______________
دخلت همسة غرفة معلمي اللغة الإنجليزية و لم تجد احدا فقد ذهب الجميع عداها و أنس يلملمون اشيائهم
كانت هي تأخذ حقيبتها التي تركتها هناك
أنس و هو يرتدي نظارته الشمسية :ابقي فوق في الفصل تتكلمي معايا كويس .. و مش كل حاجه قدامهم !
همسة ببرود :لا .. حاجه تاني
أنس :بتكلميني كده ليه محسساني اني قتلتلك حد ولا خاجه
همسة :انا حرة
اخذت حقيبتها و خرجي باحثة عن تسنيم و تالين الي ان وجدتهم
تالين بتعب :يخربيت اللي. يستناكي
همسة بضحك :والله اكيد مش اسوأ من اللي معايا
تالين و هي تتحرك ليذهبوا :في ايه بقي .. ايه ابو لهب دي
همسة :ده انا وقعت تحت ايد واحد .. اعوذ بالله
تالين :اسمه ايه ده
همسة بضيق :اسمه أنس .. أنس فوزي الأحمدي !
تالين بدهشة :بيشتغل ايه ؟! مدرس زيه زينا !
همسة :اومال ايه؟! هكذب يعني .. بس ايه بقي .. واحد ىخم و رزل و غتت و بارد و مقرف و متكبر و ..
تالين مقاطعة بضحك :بس بس .. هاتيلنا ميزة
همسة بتفكير مصطنع : ميزة .. ميزة ..امممم .. يا تري هو فيه ميزة ده؟
تسنيم :اه حلو .. و بعيون زرقا .. وغني و حاجاته شيك جدا ..
تالين :مركزة اوي ما شاء الله
__________________
تجلس لين الانصاري أمام التلفاز و هي تأكل بعض الكعك
ليدخل مهند فيجدها لا تنظر اليه و لا تعرف اصلا أنه اتي
مهند باستغراب :لين ! .. يا بت!
لم ترد لين فقال : انتي يا زفت الطين
منى *والدة مهند* :خرست بعيد عنك
مهند :ازيك يا ماما .. والنبي تحطيلي اكل جعان
منى بابتسامة متعبة :وانا واخدة منكوا ايه غير طلبات
لين بصياح :ممكن كفاية رغي انتوا الاتنين ! .. ضيعتوا الحتة المهمة .. هعيدها فين تاني ها؟
مهند :انتي مبتروحيش المدرسة؟!
لين :لا مبحبش يوم الاتنين .. انت بتسأل ليه .. ملكش دعوة
مهند بصوت امر :قومي ذاكري يا لين !
لين و هي تنظر للتلفاز :استني اما الفاصل يخلص .. دي اخر حتة اللي جاية و المسلسل يخلص
تحرك مهند و وقف امام التلفاز و أغلقه قائلا :قومي ذاكري .. ولو فضلتي جوا الاوضة طول اليوم تذاكري كويس بليل هجيبلك المسلسل بالحلقة اللي بعدو كمان علي الشاشة
لين بابتسامة ساخرة :طيب
دخلت غرفتها واغلقت الباب و لكن سرعان ما غتحه مهند و هو يأخذ هاتفها من علي سريرها و اي شيء يخص اللعب
لين :رخم
مهند :يلا مع السلامة يا حبيبتي
لين وهي تنظر اورقة تكاد تقع من جيبه :استني يا مهند
مهند :ايه
اخرجت الورقة من جيبه بضحك و هي تقول :دي اييه
نظر لها مهند بدهشة كاد ان يأخذها لكنها قفزت علي السرير و هي تقرأها قائلة بضحك :بقيت حماار يا مهندد!!
مهند :ماشي يا لين!
أنت تقرأ
ابن الأحمدي |رواية'ة
Non-Fictionو يشاء القدر أن يجعلهم يتقابلا بعد سنوات .. و يتحدي هو الجميع بأن تكون له .. فهل ستكون له بالفعل أم يعيش هو محطمًا ؟!
