ابن الأحمدي |رواية'ة

Part 19

- بس هي مقالتش ان ده اللى كان عاوز يقابلها في كافيه ع النيل و لا قالت انه اللى كانت بتدرب عنده
قالها وليد مستغربا فقالت ميرفت موضحة :يمكن عشان الموضوع مالوش لازمة و انت عارف همسة كتومة .. مقالتليش أنه طلب أيدها و الا هو جاب رقمك منين
وليد :مش عارف .. عمتا أنا هفضي دماغي دلوقتي لازم نوافق عليه ده ما شاء الله معاه مبالغ ب شىء و شويات !
ميرفت :واللي حصل زمان ؟
وليد :بيتنسي يا ميرفت .. ابـوه مايهمنيش اللى يهمني أنس !
ميرفت :بس يا وليد هيبقي حماها ..
وليد :ربنا يسهل
ميرفت :أنا هدخل أقولها
وليد :ماشي هو حدد معايا معاد على الخميس

تحركت ميرفت لتدلف لغرفة ابنتها وجدتها تمسك بعض الاوراق و هي مستندة ظهرها على مقعد مكتبها
أزاحت الاوراق من أمام عينيها و نظرت لوالدتها باستفهام
ميرفت بابتسامة :همسة حبيبتي .. انا عارفة انك لسة خارجة من مقابلة لخطوبة و فشلت .. بس ان شاء الله اللى جاى أحسن
استعجبت همسة و قالت في نفسها : لا استحالة يكون قال لبابا .. هيجيب الرقم منين و لا انا اصلا قولتله مش عاوزة هو في ايـ....
قطع تفكيرها صوت والدتها :جايلك عريس يا حبيبتي
همسة بسرعه :مين
ميرفت بضحك :مستعجلة كدة ليه .. هو أنس فو......
لم تكمل باقي حديثها لأن همسة ردت بغضب سريع :استحاااالة !!!!
ميرفت :انا عارفة انه غريب يا روحي .. بس مش انتوا كنتوا بتتدربوا سوا اكيد عرفك و أعجب بيكي
همسة بداخلها :هو عاوز مني ايه بالظبط !
ميرفت :علي العموم هييجي الخميس !
همسة : معلش يا ماما .. انا مش بفكر في كدة دلوقتي
ميرفت : احنا هنأخر زي ما نأخر .. بس هتتجوزيه دى فرصة يا بنتي
لم تقبل ميرفت سماع أى رأي منها و رحلت
زفرت همسة بضيق و قالت : وعسي أن تكرهوا شيئا و هو خير لكم !
دلف يوسف لها قائلا :ممكن اسألك سؤال !
همسة :لا اتفضل برا سيبني في حالي
يوسف بتجاهل : هو انتي زعلانة ليه .. ايه اللى مزعلك ده كذا بنت تتمني أنس
همسه : أنا بحفتظ بأسبابي لنفسى .. روح كمل مذاكرتك أحسن
* * * * *
-انا مش مصدقة يا عمرى !
قالتها والدة وعد عقب اخبار وعد لها بطلب عمر يدها فاجابت وعد بخجل :اللى حصل بقى !
شهرزاد *والدتها* :بس قوليلي .. هو عاجبك ؟
أشاحت وعد بوجهها للناحية الاخرى فابتيمت شهرزاد بحب قائلة :هبلغ بابا و لما يكلمنا هنتفق
وعد بسرعة عندما سمعت رنين الهاتف :ماشي
ذهبت وعد و أمسكت هاتفها لتجدها همسة فأجابت قائلة :ايه يا بت ؟
همسة : أنا مش قادرة اهزر حقيقي
وعد :خير .. ايه اللي حصل
همسة :مين جاب لأنس رقم بابا .. أنس كلم ابويا يتقدملي ازاى و ليه
وعد :فيها ايه يا همسة .. أنا عندى خبر برضو
همسة :ايه
وعد بخفوت :طلب أيدي !
همسة :لا والله !! .. انا كنت فقدت الامل
وعد : أنا ناقص عليا اصرخ في وسط الشارع و اقول عــمــر هـيـخـطـبـنـى
همسة :الحب ولع في الدرة .. ربنا يسعدك يا دودي !
وعد :فكي انتى كمان كدة و ربنا هيسهلها متعقديهاش
همسة :هادية أهو .. يارب ريحني
وعد :هيريحك

* * ** * * ** * * **
سابقا ..

خرج و هو يشعر بضيق و تبعوه بضيق أكبر
أنس بغضب لنور :حور دى مكانش ليها 30 لازمة .. ادي التعاقد بـخ
ماجد :اهدا .. على فكرة ده احسن
مهند :فعلا .. لان شكل التعامل معاهم رخم !
نور بضيق :خلاص أنا اسفة ..
ابتعدت عنهم فقال مهند :اتقمصت بقي
نظر لها زياد بضيق و تبعها
زياد :انتي رايحة فين
نور :ملكش دعوة بيا !
زياد بسخرية :هو أنا جايلك انتي يعني .. أنا جاى علشان الشغل اللى ورانا
رمقته بنظرات حادة مغتاظة و قالت :مش أنت اللي هتحاسبني يا بشمهندس !
زياد :احترمي نفسك في الكلام .
نور :متتكلمش معايا احسن .. مش انا مش محترمة في الكلام يبقي تحاسب على نفسك
زياد بغضب : انتي غبية !
نور بهدوء : متشكرة .. وأنت غبي كمان
رحلت سريعا لترجع إليهم لتجد أنس يردف ب :معلش اتعصبت عليكي
أجابت :خلاص عادى
انس :طب يلا بينا .. و أهو زياد جه
لاحقا .. تقف نور مع أنس وحدهم لتقول :يعني مش موضوع تبرع .. أنت كنت تعرفها و لما عرفت إنها صاجبة داليا . استغليت الفرصة و حبيت تروح قاعة الاطفال .. طب زمايلك جم ليه
انس :عشان مشككش حد في الموضوع في الموضوع رغم عدم اقتناعهم باللي قولته .. بس انتي قفشتي كل حااجة !
نور :ممكن اسألك سؤال .. أنت ليه عاوز تقرب منها
فكر قليلا ثم قال :أنا مش لاقي اجابة للسؤال ! .. مش عارف ده تلقائي بيطلع كدة
نور و هي نضربه في ذراعه مازحة :يا رااجل .. بتحبها ؟
أنس :مش عارف .. بس لا
نور :متأكد .. طب بتكرهها ؟
أنس :لا برضو
نور :بتشوفها واقفة مع واحد ؟
أنس :مرة في شغل المدرسة كان مستر شاب كدة !
نور :اتعصبت ساعتها ؟
أنس بتردد :شوية
نور :ليه
أنس :مش عارف ..
نور :طب بتتغاظ منها
أنس :كتير !
نور : ايه الاسباب ؟
أنس بلا وعى *تلقائيا* :لما بتتكلم في الفون و تضحك .. لما متردش عليا .. لما ترد عليا باستخفاف .. كدة يعني
نور :تمام
أنس :أسالك انا ؟
نور :ايه
أنس :استفدتي ايه ؟
نور : أنت اخويا يا أنس .. متسألش أنا بعمل ايه
أنس :لا متنسيش نفسك ده في الرضاعة بس !
نور :صح متجبش سيرة لحد .. ولا جبت ؟
أنس نافيا :لا مقولتش .. مجتش مناسبة
نور :كويس .. تفتكر بقي هتقبل تعمل خطوبة ؟
أنس :لو مقبلتش هخليها تقبل  .. بس أنا واثق إن مفيش مجال للرفض
نور :طب هطلع أنا بقي يا أنس اتأخرت .. سلملي على صفصف
أنس مازحا :لمي نفسك ده أنا مقولتهالهاش !
نور :سلم عليها بس ..
أنس و هو يعانقها : ماشي يا نور ..  همس قائلا :و اتعدلي مع زياد بقي !!
خجلت وهي بين أحضانه و قالت : أما يتعدل الاول
ثم ابتعدت عنه قائلة :تصبح علي خير يا أنس
أنس وانتى من أهله يا حبيبتي