ظلت تفكر في صاحب تلك الرسالة .. لم يخطر ببالها سوى صديقاتها و ضحكت و هي تقول :والله تلاقيها تالين العبيطة
اتصلت بتالين لترد قائلة :بصي قبل أي حاجة انا بطلت ابعت حاجات زي زمان ده مراد أخويا
ضحكت همسة قائلة :انتي معندكيش اخ اسمه مراد اصلا
تالين :ونتي اشعرفك انتي انا ادرى وبعدين هريحك .. ده عمر احويا كان بيبعت ع اساس انك وعد يعني
همسة :امممم .. اشمعنا وعد
تالين :هه .. بعدين بعدين
__
**
دخل وليد على همسة غرفتها قائلا بابتسامة :أنا صممت اجي اقولك بنفسي اللي حصل
همسة باستغراب :ليه في ايه؟
وليد :ابن عمك تامر يا همسة عارفاه ؟
همسة بدهشة :طبعا يا بابا
وليد بسرور :جاى يتقدملك يا بنتي
نظرت له مندهشة و قالت :انا !
وليد :اه يا حبيبتي و هييجي بكرة
أنهى كلامه معها لتبتسم قائلة :مز العيلة عاوزني انا !
نظرت لنفسها فى المرأة قائلة : أنا عروسة!!
* * *
- مش حاسة ان في حاجة غلط !
قالها بامتعاض لتقول بتوتر :زي ايه؟
تامر على مضض :زي اننا شايفين بعض اخوات و كدة .. انا شايف نظراتك ليا بتقول انك مغصوبة عليا
نظرت له بصدمة فأكمل :انا ممكن اقول اننا مش مناسبين لبعض لو مضايقة
نظرت له شزرا و قالت :و طلاما انت شايف اننا اخوات .. جيت ليه من اصله يا ابن عمى
تامر :الحقيقة ده بابا ال جابنا
نظرت له بصدمة فلم يعقب
أنتهت تلك الجلسة و قال وليد و هو يودعهم بلطف :ان شاء الله خير
اغلق الباب فوجدها شاردة الذهن فقال :مالك يا همسة يا حبيبتي
همسة : معلش يا بابا انا مش مرتاحة و مش موافقة
وليد بغضب :ليه .. ده ابن عمك يا همسة يقولوا ايه علينا ؟؟؟!
همسة بحزن عميق :بابا ده قالي أنه شايفني أخته و شكله مغصوب عليا اصلا !
ميرفت :ده كان قاعد والضحكة من الودن للودن
همسة :اومال عاوزاه يعيط يعني ! .. اكيد هيضحك و مش هيبوظ الليلة و لما قالي كدة كان عاوزها تيجي مني و ارفض أنا
ميرفت :ايه اللي حصل طيب
همسة بوهن :محصلش .. انا مش موافقة يا ماما بس!
دخلت غرفتها لتجلس و هي تسترجع اشياء كثيرة .. ايام نجاحها .. تفوقها.. صديقاتها .. ابن عمها و ما حدث منذ قليل .. و من ضمن الاشياء : هــو
همسة بغضب لنفسها : انتي غبية يا همسة ال زيه مش هيفكر فيكي !!! ..
ثم اكملت :طب و بيلف عليا ليه ؟ .. اوف بقي والله انا غبية ! .. طب ما ممكن بيحبك يا همسة .. لا صح هو هيحب فيا ايه؟ .. طب انا بفكر فيه ليه
يوسف بخبث :علشان بتحبيه !
انتفضت من مكانها قائلة بغضب :انت هنا من امتى
يوسف بمكر :جيت اطمن عليكِ و سمعتك بالصدفة
همسة :تكونش بتلمع اوكر ؟؟! .. ولااا غور من وشي
يوسف :بابااااا .. همسة موافقتش على تامر عشان بتــ.......
كانت همسة قد وضعت كفها على فمه بغضب شديد قائلة في اذنه :لو مسكتش و مسحت العبط اللى في دماغك ده هجوزك سمية بعد ما تخلص ثانوي
نظر لها بتوجس و ازاح يدها قائلا :اوعـــى!!!!!
همسة بخبث :براحتى؛و ماما معجبة بيها كمان و بتخطط لك عشان تتجوزها
يوسف وهو ينهض ليخرج :يخربيت اللي يجي يقعد معاكي
قالت :اه .. كل اللي سمعته عبط ها .. بلاش لساانك الطويل
___________
مر يوم .. اثنين .. خمسة أيام مرت
- داليا قافلة ده كلو ليه ؟
كتبتها همسة في رسالة عبر *واتس آب*لترد وعد :انتي عارفة ! تلاقي جالها عريس تاني و زي كل مرة
همسة و هي ترسل رموزا غاضبة :هما مش لاقيين غيرها يضايقوه!!
وعد :ربنا معاها .. مصطفي اخوها عندها بقاله اسبوع زى ما نتي عارفة كدة .وشكله هيريحها منهم
همسة :انتي اخبارك ايه
وعد :الحمدلله ونتي
همسة :مقصدتش اخبارك انتي .. قصدت مع عمر
وعد :مفيش حاجة بينا .. يمكن ده من ناحيتي بس
قصت لها همسة ما حدث حيال الرسالة
وعد :تفتكرى ممكن ؟
همسة :وليه لا .. علي فكرة هو باين عليه اساسا زي ما باين عليكي كدة
وعد :باين عليا حاجه .. اوف هو انا بقيت فظيعه كدة
همسة :ربنا يرزقك باللي بتتمنيه .. بقولك انا خايفه من الامتحانات اللى قربت دى
وعد :انا علي قد ما خايفة بس مش مصدقة انها اخر سنة جامعه
همسة :مجرد اني بفتكر بنشكح كدة .. صح محدش قالك اللي حصل
وعد :ايه
همسة :نور كانت هتسافر المانيا كمان اسبوعين بس بتقول حصل ظروف و مش هتسافر خلاص
وعد :هتستقر هنا ؟
همسة :معرفش بس اللي عرفته انها حاليا مش هتسافر
وعد : وهي ايه الظروف دى
همسة :حاجات في الشغل
وعد :انا حاسة ان في حاجه في الموضوع ده ..
همسة :ملناش دعوة بقي
وعد :بقولك ولاد عمي و عمي جم .. انا هقوم بقي استقبلهم
همسة :تمام يلا باي
وعد :باي
أنت تقرأ
ابن الأحمدي |رواية'ة
Non-Fictionو يشاء القدر أن يجعلهم يتقابلا بعد سنوات .. و يتحدي هو الجميع بأن تكون له .. فهل ستكون له بالفعل أم يعيش هو محطمًا ؟!
