أنهت ارتداء ملابسها و ارتدت شقيقتها ملابسها ايضآ
تسنيم بعبوس :هو لازم يعني يا همسة؟ .. عليا واجب كتير اوي .. هو انتي مش عارفة يعني
همسة :هما 10 دقايق وراجعين يا تسنيم .. متكبريش الموضوع كده !
كانت همسة ترتدي چيب باللون الاسود و كنزة من اللون النبيذي و حجابآ جميلآ وتضع بعض مساحيق التجميل البسيطة
اما عن تسنيم فكانت ترتدي بنطالا من الجينز و كنزة بنفسجية
همسة :ماما خلاص انا نازلة .. يلا باي
ميرڤت :سلام و خلي بالك من نفسك و من اختك
همسة :حاضر
خرجت الفتاتان و دخلتا المصعد و من ثم منه إلي التاكسي و ..
** ** ** ** *
في كافيه *****
اقتربت همسة وهي تشعر بأنها لا تريد الحديث معه
نظرت حولها بتفحص إلي أن شعرت بمن يتحدث خلفها
أنس :في معادك مظبوط !
التفتت بدهشة ثم تحولت ملامحها للبرود قائلة :عاوز ايه .. ياريت بسرعه
أشار لها ان تأتي خلفه فجلس علي كرسي في طاولة و أمرها بالجلوس هي و شقيقتها
نظر أنس لتسنيم من ثم إلي همسة فقالت ببرود :مش هقعد معاك هنا لوحدي
تسنيم :يلا يا همسة بقي خلصي .. ورايا واجب يا مستر بتاع حضرتك
ابتسم لها أنس قائلا :خلاص اعملي منه اللى تقدري عليه و بس
اندهشت بابتسامة قائلة :بجد والله
أنس :اها .. بصي تعرفي تروحي تقعدي هناك كده هقول حاجه في الامتحان دلوقتي .. و طبعا مينفعش تعرفي
تسنيم :حاضر
أنس :استني اقفي ثواني
وقفت قليلا فأتي النادل قائلا : اتفضل
اخذ أنس كأسا من عصير الفراوله واعطاه لتسنيم التي رفضت باحراج ولكنه قال بحزم :خدي يا تسنيم متغلبنيش معاكي انا مش فاضي
اخذته بحرج و جلست بعيدا وهي تعبث بهاتفها
بينما كانت همسة في حالة من البرود الشديد
أنس وهو يأخذ نفسا عميقا :اشربي ده
همسة :لا .. مش عاوزة متشكرة
أنس :اشربي انا مش جايبه ليا
همسة : معلش مش هشرب
أنس :طب بنحبي ايه اجيبهولك
همسة :ممكن تدخل في الموضوع عشان عندي حاجات مهمة
تنهد قائلا :اول حاجه .. دلوقتي أكيد انتي مش طايقاني صح .. أنا هفهمك كل حاجه يا همسة .. فاكرة من 8 سنين .. كنا صحاب جدا و بنمشي مع بعض على طول .. بس في يوم بـ.......
همسة مقاطعة : انت لسة هتحكي .. احكيلك انا ال حصل انا لسة فاكرة
أنس بضيق :انتي لسة فاكرة ده من زمان .. ممكن ماتقطعينيش تاني .. المهم في يوم واحد صاحبي اسمه كرم ربنا يسامحه راح قال لبابا اني عارفك .. بابا غضب جدا اني اعرف بنت !
همسة مقاطعة مرة اخرى :يا سلام .. على أساس انك مكونتش تعرف بنات .. و محسسني انك كنت واخدني بالاحضان ايه تعرف بنت دي .. انا كنت صاحبة مش اكتر
أنس بضيق اكبر :اسمعيني انا مش عاوز ابوظ الدنيا هي بايظة لوحدها .. المهم اتضايق و جه لما شافنا .. متهيألي مش هتفتكري اصلك مشيتي ساعتها على طول .. عارفة انا مش هنسي اليوم ده طول ما انا عايش .. المهم زعق و كده و قالي مبقاش ابوك لو ما مسحتهاش من حياتك .. طبعا انا اتضايقت ساعتها و هو بعت اللي يراقبني .. قولت بلاش اجرحك واخليكي عاوزاني بس غضبانة مني .. فخليتك تكرهيني و قولت الكلام ده .. قسمآ بالله يا همسة ! ده اللي حصل .. وصدقيني كنت كل يوم بتعذب بسببك .. كنت حاسس اني بقولك انتي على كل حاجه و برتاح معاكي .. بس اللي حصل كدة والقدر اهو ، جمعنا تاني
همسة ببرود :خلصت؟!
أنس :انا مش عاوزك متضايقة مني تاني ! .. عاوز نرجع زي ما كنا
همسة :الموضوع مش داخل دماغي .. انت قدرت تعيش من غيري مرة هتقدر مرتين وبعدين الحياة مش بتقف علي حد و مش معرفة كام شهر و احنا عيال هتعمل كده دلوقتي .. انا عاوزة امشي
أنس بغضب :هو ايه مش داخل دماغك .. دي الحقيقة
همسة :طيب دي الحقيقة .. غيرت ايه؟! ،انا زي ما انا وانت زي ما انت .. خلاص
التقط يدها بين كفيه و ضغط عليها قائلا :انا مش بهور
همسة :سيب ايدي لو سمحت ! .. و سيبني امشي كمان
قام أنس بغضب و تنفس بضيق شديد و قال في نفسه : ماشي يا همسة .. يا انا يا انتي
أنس بهدوء :هو هو نفس البيت ولا عزلتو ؟!
همسة :متهيألي ميخصكش ..
نادت تسنبم و قالت :يلا هنمشي !
أنس :اه يلا
جاءت تسنيم فقال أنس :تعالي يا تسنيم اركبي قدام
همسة بذهول :تركب قدام فين !!!!
أنس :في عربيتي
ثم قال سريعا :يلا تعالي جري يا تسنيم
أخذت تسنيم تركض حتي اصبحت جانبه فمشي سريعا و هي تلحق به
مشت همسة وراءه سريعا و هي تقول في نفسها :اوفف ده بارد
ذهبت فوجدته جالسا في سيارته مع تسنيم التي تصف له مكان منزلهم الجديد فنظرت لها بغضب و قالت :انزلي يا تسنيم يلا
تسنيم :يلا يا همسة .. مستر أنس هيقولي حاجه مهمة
ثم نظرت له و قالت :اه و بعدين؟
أنس بمكر :كنت بوصلها البيت بقي و كده و كانت صاحبتي فأنا عارفها .. دي كانت هتموت من الفرحة لما شافتني في المدرسة
همسة بدهشة :هي مين
أنس :انتي .. يلا اركبي بلاش وقوف في الشارع كتير
أنت تقرأ
ابن الأحمدي |رواية'ة
Nonfiksiو يشاء القدر أن يجعلهم يتقابلا بعد سنوات .. و يتحدي هو الجميع بأن تكون له .. فهل ستكون له بالفعل أم يعيش هو محطمًا ؟!
