همسة :أنس عاوز يخطبني !
داليا بدهشة :نعم !! يا بنت المحظوظة
نكزتها وعد قائلة بخفوت :لمى نفسك دلوقتي
همسة :حقيقي أنا مش عاوزاه
لتجد داليا هاتفها يرن باسم نور .. استغربت ثم استأذنت لتقف بعيدا و ترد :انا لحقت وحشتك ولا ايه
نور :اتنيلي ! .. بقولك معاكي رقم والد همسة ؟
داليا :ده بجد على كدة ؟
نور :هو ايه ؟
داليا :مفيش .. معايا بس ليه
نور :طب ابعتيه مسدج واتساب ونا هغرف و اقولك .. أنس الأحمدى اللي عاوزه
داليا :بقولك ايه خديه من همسة انا مقدرش اديهوله
نور :طب اقوله ايه
داليا :بصي لو عرفتي هو عاوزه ليه قوليلي و اديهولك
نور :هو شكله كدة رايح يخطبها !
ابتسمت داليا بمكر قائلة :هبعتلك الرقم
رجعت داليا مجددا فقالت تالين :مين ؟
داليا :هه .. اه ده مصطفي كان عاوز منى حاجه
همسة :هو ممكن يجي فعلا ؟
تالين :متضايقة ليه من كدة
همسة :لا مش عاوزاه
تالين :لو جه .. ارفضيه
همسة :هو يجي ليه من الأساس انا مش عاوزة اتعب نفسي
وعد :يمكن بيحبك
همسة بضجر :ده مش بتاع حب .. ده غبي و مستهتر
داليا بتعجب :ايه اللى مخليكي تقولي كدة
همسة بملل :مش هاخد منكم عقاد نافع .. يلا نقوم عشان ورانا محاضرة
* * * * *
- تدفع كام ؟
=انتي هتزيطي هو انتي جيبتي حاجه لسة
ردت نور :على فكرة اتبعتلي
أنس :طب كويس
اعطاها هاتفه قائلا :سجلي
زياد :هتسجل ايه ؟
مهند :ما تفهمنا يا باشا في ايه
أنس :بعدين
نطقت حور : طب ممكن تسوق اسرع عشان انا خلاص اتخنقت
نور :فعلا احنا كتير
أنس بملل :نبتدى الدلع بقي و احنا ورانا ايه .. الشركة قريبة اساسا عشر دقايق و هنوصل
ثم وجه حديثه لمهند قائلا :مقدرتش تيجي بعريبتك يا سيدى
مهند بغيظ :الست لين خارجة مع صحابها النهاردة و السواق جه و ساق عربيتي .. مش عارف هي في اولي ثانوى بجد ولا هي ايه انا مكونتش كدة ده امتحانتها كمان أسبوع !
القت نور هاتف أنس اليه قائلة :سجلت
أنس مازحا :جمايلك كترت .. اطلبي عاوزة كام
ردت قائلة بمزاح مماثل :اصرفلي شيك 50,000 دولار بس
أنس :مانا ورثت
حور بدلال :وانت محتاج تورث .. ده كفاية نظرتك
نفث مهند و زياد بضيق بينما قال أنس بابتسامة مصطنعه :تسلمي يا حور
دقائق و وصلوا إلي المكان المحدد حيث يقف ماجد
ترجلوا من السيارة ليهمس أنس لنور :كان لازم حور ؟
نور :مش انت قولت هاتي عميل من هناك عشان نعرف
زياد بسخرية :يا زين ما اختارتي .. ناصحة
نظرت له نور بحدة و قالت في نفسها :مش بطيقه خالص يا ربي !!
* * * * * *
خرجوا من الجامعه بعد يوم ممل امتلأ بقلق همسة الذي انعكس عليهم بالضجر
همسة : أنا هروح عاوزين حاجة
تالين :استني نروح سوا
همسة :لا انا هروح مع نفسي .. باى
بدت غريبة جدا و ذهبت سريعا
داليا :طيب انا هروح الحقها مش هسيبها لوحدها
وعد :استني هاجي معاكي
امسكتها تالين قائلة :لا خليكي انتي ..
زفرت تالين بهدوء قائلة :وعد ممكن اطلب منك طلب
وعد باستغراب :اكيد
تالين :طب هنروح كافيتريا احسن
وعد :اوكى
دقائق بسيارة الاجرة و وصلن إلي المكان المنشود جلست الاثنين بينما قالت تالين لوعد :هرد على التليفون و اجيلك
بدت تصرفات تالين غريبة فانتظرتها وعد و هي تعبث بهاتفها .. شهرت بشخص يجلس فأنزلت هاتفها من أمام وجهها معتقدة انها تالين و لكنها تفاجأت بـ :
وعد بدهشة :هي مش تالين اللي كانت قاعدة
أردف بابتسامة :ما هو انا جيت بقي
وعد :الصبح و بعد العصر .. اشمعنى
عمر :وعد .. أنا عاوزك تحدديلي معاد مع باباكي !
تفاجأت و كادت أن تصرخ من سعادتها و لكنها تمالكت نفسها ليختل وجهها ابتسامة خجلة جدا و نظرت للناحية الاخرى و هي تخفض وجهها
عمر بسعادة : قولتي ايه ؟ أنا عاوز أتجوزك !
صمتت فقال :لا مانتي مش هتسكتي كدة قلقتيني
وعد بخجل :ربنا يسهل
عمر مبتسما :هيسهل بس انوى انتي كمان ! .. بصي حددى معاد في اسرع وقت و ابقي قوليلي .. قولي لتالين يعني
حضر المشروب الذي طلبته تالبن لهم و عاد عنر ينظر لها
صمتت بخجل مبالغ فقال بمرح ليلطف الاجواء :انتي طلعتي بتتكسفي !!!
وعد بنظرات حادة : الله مش انثي برضو
عمر ضاحكا :ايوة أيوة كدة وعد اللى اعرفها !!
ضحكت هي الاخرى بخفوت فقال :بصي أنا قولت اجلها لمرة تانية بس انا يا عيني اللى في قلبي على لسانى
لم تفهم مقصده فقال هامسا : بحبك
وعد بخجل و بصوت غير واضح من كثرة خجلها :مستـ.. عجـ... مستعجللـ..ة مـ.. مش كدة أأ ؟
حينها جاءت تالين لتنقذها من الموقف قائلة لاخيها مازحة :ايه يا حبيبي ايه انا قولتلك خمس دقايق
عمر :بسم الله الرحمن الرحيم .. انا لسة مكملتهمش يا مفترية
تالين بفرح :وافقت ؟؟!
نظرت لها وعد بخجل فقالت تالين : الله يكسفك يا عمر شوف خليت البت عاملة ازاى
* * * * *
وصلوا لمنزلهم ليقول عمر بصوت مرتفع :ماماااااا
جاءت والدته اثر الصوت قائلة بفزع :مين ماات ؟
تالين ضاحكة :ايه يا ماما ده مش اسمعي الاول
قالت :خير يا مصاايب !!
عمر :هاتجوز !
شهاب شقيقه غير مصدقا :ده تالين طلعت بتتكلم جد .. احلف
عمر بمرح :وحياة ام زحلف
ضربته تالين بذراعها قائلة بملل :خف تعوم
فردوس :بجد يا عمر هتتجوز
عمر :متفرحيش اوى كدة يا ماما ده انا خدت موافقة العروسة بس يدوب
فردوس بسعادة :مش مصدقة وداني والله يا عمر
عمر :ادعي انتي بس
فردوس :ده ابوك هيفرح اوى
عمر :منا دايما سبب السعادة
تالين :لا ونبي
عمر :تسكتي واجبلك كريم كراميل بالشوكولاته؟
تالين :الكربم كراميل الاول
عمر : deal *متفقين*
* * * * * * *
مع انتهاء البوم نجد وليد يدخل غرفة زوجته ميرفت و هو بشعر بصدمة قليلة
وليد :ميرڤت هو عادى أن أنس فوزى الأحمدى ذات نفسه يطلب ايد همسة بنتنا
ميرڤت بدهشة كبيرة ممزوجة بفرح :هه
أنت تقرأ
ابن الأحمدي |رواية'ة
Non-Fictionو يشاء القدر أن يجعلهم يتقابلا بعد سنوات .. و يتحدي هو الجميع بأن تكون له .. فهل ستكون له بالفعل أم يعيش هو محطمًا ؟!
