-يلا بقي اطلعي يا تسنيم مش كدة
لترد تسنيم بعناد :مش طالعة .. عاوزة اجي معاكو
همسة بتعب :يا شيخة روحي اطلعي .. شوفي مستر أنس مديكي واجب قد ايه بس
نظرت لها تسنيم شرزا و صعدت وهي تتمتم بكلمات غير مفهومة
تنهدت همسة براحة و قالت لتالين :يلا بينا بقي زمان وعد و داليا خللوا
تالين :انا جاية في معادي .. الدور والباقي علي ناس كدة
ضحكت همسة بخفة و قالت تالين :اوف بقي عمر بيتأخر ليه
في هذه اللحظة ظهرت سيارة يقودها *عمر* وتوقفت السيارة و قال عمر :اركبوا يلاا
ركبت الفتاتان بالخلف وتحرك عمر بالسيارة و هو يتصل بصديقه قائلا :ايه يا عم بقالنا كتير مشوفناش بعض .. واحشني والله
جاءه الرد فقال :طب انا بوصل اختي للنادي تيجي ولا ايه
انتظر قليلا ليتحدث صاحبه ثم قال :تمام يا صاحبي .. مستنيك
اغلق و نظر إلي همسة قائلا :ازيك يا همسة عاملة ايه
همسة : تمام انت اخبارك ايه
عمر :الحمدلله كويس
~~~~~~~~~~~~~~~~~~~~~
وصلوا إلي النادي و قامت همسة بمكالمة وعد و عرفت اين هم جالسين و ذهبت إليهم هي وتالين
اما عن عمر *شقيق تالين* فذهب مع صديقه و حلسوا علي طاولة قريبة من طاولة الفتيات !
--
كانت همسة شاردة الذهن بعد ان جلست و صديقاتها يتحدثن
داليا :مالك يا بنتي ساكتة كدة ليه ؟!
همسة بشرود :ماليش!
وعد :هو التدريب هناك مضايقك ولا ايه ؟!
همسة بتعب :اه .. مقرف مش مضايقني بس!
تالين :لا مش للدرجة دي .. في حاجه معاكي
همسة :لا مفيش متقلقوش
تالين باضطراب :طيب
داليا بصياح :جعانــهه!!!
انتفضت همسة قائلة بضحكة وهن :براحة يا بنتي في ايه
______________
استيقظت همسة صباحاً
همسة بضيق :واحد فقر و حصصه فقر .. حصة اي دي اللي الساعة 9 ونص الصبح
ارتدت كنزة وردية اللون و بنطالا اسودآ ثم رتبت شعرها و خرجت من غرفتها قائلة :ماماا .. مش هفطر
كان يوسف جالسا في غرفته يذاكر و سرعان ما سمع صوت شقيقته همسة فقام ذاهبا لها
نظرت له همسة و هو يأتي فقالت :ايه جاي ليه و صاحي بدري ليه
يوسف بتعب :انا منمتش اصلا عشان اصحي !
همسة :ااه .. طب كويس والله
يوسف :ماما مش هنا يا همسة .. دي عند مرات عمك
همسة و هي تضع يدها علي كتفه :طب ادخل نام كفاياك كدة
يوسف :طيب
______
ارتدت همسة حجابها الاسود و هندمته علي عجلة و أخذت حقيبتها و وضعت بها عطرها و هاتفها و مالها و وضعت بعض مساحيق التجميل الخفيفة جدا علي وجهها و ارتدت حذاءَ رياضيآ و خرجت من الغرفة منتقلة إلي غرفة والدها .. وجدته يرتدي حذائه فتقدمت اليه قائلة :انا همشي يا بابا عاوز حاجه
وليد :لا يا حبيبتي .. ربنا معاكي يا بنتي .. استني هاجي اوصلك
همسة :لا لا روح شغلك بس .. انا هتصرف
وليد بابتسامة و هو يقوم : يا بنتي .. وانا هوصلك امتي تاني .. تعالي يلا
_______________________
وصلت متأخرة عن ميعادها و لم تجده
صعدت الي الفصل علي عجلة و هي تشعر بتوتر
طرقت الباب و فتحت فوجدت أنس يشير إليها بأن تقف مكانها ولا تدخل .. و قد كان هو يشرح جزءًا بسيطا للطلاب
أنس :ثواني يا شباب و هاجيلكم تاني
خرج أنس و اشار لها ان تبتعد قليلا
أنس بهدوء :اتأخرتي ليه
همسة ببرود :مش انت اللي هتحاسبني ! .. انت مش مدير المدرسة .. و اظن اسباب تأخيري مش هترجعنا بالزمن و متأخرش !
أنس :اتعدلي في كلامك
هنسة بدهشة مصطنعة :ايه ده هو معووج .. مخدتش بالي .. و مش وقت حكايات دلوقتي ياا .. يا مستر أنس
كادت ان تتحرك لتدحل لكنه امسك يدها مانعََا اياها من التحرك
نظرت ليده الممسكة بيدها فتركها و هو ينظر لها ببرود و يضع يديه في جيبه
أنس ببرود :لما أخلص كلامي تبقي تمشي !
همسة :لا ..
أنس بغضب : على فكرة ممكن اتعصب عليكي والله
همسة :طيب
تحركت وهي تدخل الفصل قائلة :Good Morning
ردوا عليها قائلين :Good Morning
دخل أنس و جلس علي كرسي مكتبه بعصبية
همسة بارتباك :احم .. انا حضرتلكم الاسئلة .. هكتبها دلوقتي
اخرجت ورقة من جيبها و اعطتها لأنس قائلة بتردد :اكتبها ولا انت هتكتبها
انس :اسمها حضرتك ايه انت دي !!
همسة بتجاهل :مين ال هيكتبها
أنس :اتفضلي اقعدى و هاتيها
* * * * * *
نزلت السلالم خلفه و لكنه وقف فجأة و قال لها :همسة !
نظرت له باستغراب و تحولت ملامحها للبرود قائلة :خير ..
أنس بتردد :عاوز اقابلك في حتة .. عاوز اقولك حاجه مهمة
همسة : اتفضل قولها هنا
أنس :ما هو اكيد مش هتبقي كلمة .. و مش في وسط مدرسة
همسة :احنا مش بينا كلام .
نظر لها بغضب وقال :مش فاهم بتتعاملي معايا كدة ليه؟؟؟
همسة بنظرة مختلفة و بخفوت :لو أنت ناسي .. فأنا لسة فاكرة يا .. يا مستر !
____
Vote💕🌑
أنت تقرأ
ابن الأحمدي |رواية'ة
Non-ficțiuneو يشاء القدر أن يجعلهم يتقابلا بعد سنوات .. و يتحدي هو الجميع بأن تكون له .. فهل ستكون له بالفعل أم يعيش هو محطمًا ؟!
