في منزل وليد محمد
رجع يوسف بتعب .. بعد أن دخل ألقى السلام على الجميع و استأذن لينام
إيهاب : طب هنقعد معاك امتى يا عم ؟
يوسف مبتسما : لسة الاسبوعين طوااال .
إيهاب : ماشي يا دكترة
ذهب يوسف لغرفته .. خلع ملابسه و تفكيره منشغل بها فقط ..
- استلقى على سريره يفكر .. و سرعان ما غاص في النوم
_____________
دخلت تسنيم غرفتها و شرعت في الصلاة بقلق .. أخذت تدعو لابن عمها أن يأت اليوم بخير .. وجدت والدته و والده و شقيقه غير قلقين فاستغربت
سألت إيهاب و هي تجلس : هو انتوا مش قلقانين ؟
إيهاب بتعجب : على آسر .. نقلق ليه ده دي حاجة بسيطة هيطلع منها بسهولة
تسنيم بجمود مصطنع : تمام
إيهاب : بس ايه الحلاوة دي يا قمر ؟
تسنيم بضيق : شكرا
ثم قامت سريعا لغرفتها ليتنهد إيهاب بضيق قائلا لنفسه : فوق هي مش بتفكر فيك !
___________
دخلت لين غرفتها و هي ترقص بمرح و قالت : ده طلع شغل قمر .. يا سلام عليك يا يوسف مز طالع من المستشفى .. اقصد السينما *
كان قلبها يرقص طربا للحظاتها التي أمتعتها معه و لكنها توقفت و هي تقول لنفسها : ايه اللي بتعمليه ده يا مجنونة ؟! .. اوف انا هكلم ياسمين
هاتفت ياسمين قائلة : خلصتي ترجمة و قرف ؟
ياسمين : اسكتي يا لين ده انا طلع عيني .. مش المفروض انتي مشغولة دلوقتي ؟
لين : ما انا محكتلكيش .. النهاردة الفجر حـ...
قصت على ياسمين ما حدث لترد الأخيرة : ده طلع جنتل مان .. ثم قالت مازحة : يا هلا بـ الكراش بتاعي الجديد
ضحكت لين و قالت بغيظ : بس يا بت روحي كملي شغلك
ياسمين بمكر : انا شامة ريحة شياطك من هنا
لين : انتي واحدة قذرة اصلا
ثم أغلقت مع ياسمين و ذهبت لتنام مريحة جسدها
________________
في المساء ..
كان الجميع يرحب بآسر بعد أن جاء .. لكن كان بيده جرحا
إيمان : طب ايدك عاملة ايه
آسر مبتسما : زي الفل اهو
أنت تقرأ
ابن الأحمدي |رواية'ة
Phi Hư Cấuو يشاء القدر أن يجعلهم يتقابلا بعد سنوات .. و يتحدي هو الجميع بأن تكون له .. فهل ستكون له بالفعل أم يعيش هو محطمًا ؟!
